SAAM 114
Lontak Puai Hla
Israel-mi Izipt ram in
an suah tikah,
Jakob ih tutiale, aan phunce
ang mipawl hemin
an suah tikah,
Judah peng cu Pathian ih
hmun thiang ah,
Israel cu a ukmi ram ah,
a cang.
 
Tilipi ni a zoh ih a car ta;
Jordan cu dungah a kiir.
Tlangpawl cu me mangin,
mualpawl cu tusuan mangin
an phettia.
 
Maw rili, icaah a ii na leeu?
Maw Jordan, icaah
dung na kiir?
Maw tlangle hngai, icaah
me mangin,
maw rualle hngai, icaah
tusuan mangin
nan phettia?
 
Maw vulei, Bawipa hngan ah,
Jakob Pathian omhngan ah
dok-aw in om law.
Amah cu lungpi khi tili ah,
Žeeklung tlangtluan khi
cirhti ah a can sak tu a ii. s