SAAM 111
Bawipa ThangŽhatnak
1 Bawipa cu thangŽhat uh!
Ka thinlung zate rum
miding buur lakah,
puntiaknak ahcun Bawipa cu
lungawithu ka sim thok.
2 Bawipa ih Žuanmipawl cu
an nasa kau,
a sungah nuam ti tu zate ni
an zingzoi hngai.
3 A rianŽuanmi cu rumra leh
hmaizahtlak in an khat,
cun a dingfelnak cu tlaitluan
in a nguh.
4 DonharŽha a thiltipawl in
minŽhatnak a ngah;
Bawipa cu naktiahthiam leh
velngeimi a ii.
5 Amah a Žihzah tule caah
awkding a thlak hngai;
a thukam a mang ringring.
6 A mipawl cu miphunpawl ih
rorah a piak hngai thawngin
a Žuanmipawl ih huham khi
a hmuh hngai.
7 A kut ih Žuanmipawl cu
zumtlak leh adingmi an ii;
a thupiak hmawhhmawh cu
rinsantlak an ii.
8 A kumkhua in dinŽho an ii,
zumtlaknak leh dingnak rum
cangngaih thok mi an ii.
9 A mipawl a tlang hngai ih
a thukam cu kumkhua cain
a vua hngai.
A min cu a thianghlimmi leh
Žihzahtlak a ii.
10 Bawipa Žihzah cu tinnak ih
hramthawhnak a ii;
acuti ih a nunpi tu an zate ni
aŽhami tiahthiamnak
an ngei.
Amah thangŽhatnak cu
kumkhua a nguh.