SAAM 104
Seemsuahtu, Thlaktu ThangŽhatnak
1 Maw ka nunkhua, Bawipa
thangŽhat law.
Maw Bawipa ka Pathian,
Nang cu na pipa ngaite.
Upat leh rumra in na thuamtia,
2 partlai in tuamtiak mang,
khuatle in na tuamtia.
Vanpawl cu puanthlam mangin
na hei phar hngai,
3 na omnak khan Žhuampawl cu
cungih ti parah na toh hngai,
meicipawl cu na saileeng
thlangei ah na vua hngai,
huih ih thla na citia hngai,
4 huihpawl cu na thuphurtu ah,
nimtlakau tle cu
na tungsaule ah na vua hngai.
5 Hnin a ik ti lonak dingah
a hrambinnakpawl parah
vulei cu na toh.
6 Vulei cu partlai ih khum
mangin tipithuanthum in
na khum;
tlangpawl cungah tii cu
an diing.
7 Na hringŽon hngai tikah
an leeu;
na khuari thawng an zak ah
an zuan caal.
8 Tlang cungah an hang kai,
horkuam ah an zong luang,
an ca-ih na thiahmi hmun ah.
9 An lon lo dingmi ramri
pakhat na siah piak hngai,
vulei hi an khum Žhan lo
10 Horkuampawl ah cirhpawl
puutin na vua hngai;
tlang karlak in an luang,
11 sahrangpawl kip din ding
an pia hngai;
hramlak ih laakpawl cu
an tihal a reh.
12 Thlawng kap ahcun
vatepawl bu an sa,
thingtleengpawl lakah cun
hla an sa.
13 Asaangmi na omnak cun
tlangpawl cu tii
na zon pia hngai;
vulei cu na rianŽuan ih
14-15 Sumhnamrun caah taa,
cun minung ciin awkah
thlaikungpawl,
cun minung thinlung ngetia ih
vua dingah sabit,
an hmai tle sak dingah thathau,
cun an tha dihsak dingah caw,
tiin vulei hin awkŽha suah dingah
na keeu sak hngai.
16 A lin mi Lebanon sidar kung,
Bawipa ih thinkungpawl cu
tii khimkau an ngah.
17 Acui thingkungpawl ahcun
vatele ni an bupawl an sa;
maca ni taar kungpawl ahcun
inn an ngeihtia.
18 Asangmi tlangpawl cu
satharle caah an ii,
lungkaakpawl cu meingaan
buknak an ii.
19 Thla siar minhlinnak ah
thlapa na vua, nii ni
amah ih a lawh caan a tiah.
20 Khuamaw na vua ih acucu
zan a ii,
tupilak hramsapawl zate cu
bokin an vasuak.
21 Anomi kiosa pawl cu
an sakawh ding hrawlah,
Pathian ih piakmi an caw
hrawlah an huk.
22 Ni hang suah tikah dung
an sip Žhan ih
an lungkuak sungah an kual.
23 Mipawl cu an rian Žuan
dingah pawn an perih
simla tiang rian an Žuan.
24 Maw Bawipa, na Žuanmipawl
an tam zia cu!
Tinnak in an zate na vua hngai;
vulei cu na seemsuahmi
thilnung in an khat.
25 Khinangah khin a hnemih
a kaumi tipithuanthum a om,
bokvak thilnung siarcawklo,
thilnung a hnem a tiin tilo
a sungah an om.
26 Acunangah tilawngpawl leh
ŽihŽha rulpi Leviathan,
ti sungah lek dingih na vuakmi
27 Hile an zate ni awk khuk ah
an caw pia hngai dingin
namah an tan zoh;
28 na piak hngai tikah la in an aw;
na kut na phar tikah
thilŽha in an khim.
29 Na hmai na thuh tikah cun
an thin a phang,
an thaw na lat tikah cun
an thi ih an iknak
vutning ah an kirŽhan.
30 Na thlarau na thlah suak
tikah cun seemsuah an ii;
culeh vulei hmuihmel cu
31 Bawipa ih sunparnak cu
kumkhuain nguh hram seh;
Bawipa cu a rianpawl ahcun
a lungawi kau seh—
32 vulei a zoh tikah vulei cu
a dok-aw,
tlangpawl a tham hngai tikah
meikhu an suak.
33 Ka nun sung hmawhhmawh cu
Bawipa hla ka sak thok;
ka nundam sung hmawh cu
thangŽhatnak hla
ka Pathian ka sak thok.
34 Ka ruahcuahconak ni a lung
hmuisak hram seh,
icatile Bawipa sungah
ka lung a awi.
35 Misualle cu vulei hin
siatsuah i hram uh seh,
cun mihrokhrawlle cu om
ti hlah uh seh.
Maw ka nunkhua, Bawipa
thangaŽhat kau.
Bawipa thangŽhat kau!