4
Nulepa ih Ruahnakpiak
1 Tiale hngai, pa ih zirhnak hi
ngai uh la, hmuhthiamnak
nan ngahnak dingah
Žhate in ngai uh;
2 icatile aŽhami zulhding
thupawl ka tan pia hngai,
ka thuzirhmi hi
thlauthla hlah uh.
3 Ka pa leh ka nu ih
an ngeihsun tiapa,
kum note ka ik lio ah,
4 ka pa ni a ma zirh ih,
“Na thinlung ni ka aanpawl hi
tlaiŽho hngai seh,
ka thupiakpawl zul hngai in,
nung law.
5 Tinnak cu lattia;
hmuhthiamnak cu la:
ka kaa in a suakmi thupawl hi
palhtia hngai hlah,
cun an hemin khaw
mertia ta hngai hlah.
6 Amah cu mata hlah,
amah ni a tan kilkhawi thok;
amah cu daw la,
amah ni a tan hualhum thok.
7 Tinnak ih hramthawhnak cu
hihi a ii: Tinnak cu lattia,
a pace itupoh ngah le ci,
hmuhthiamnak cu la.
8 Sangngai in manngeihsak la
a tan cawisang thok;
amah na cawi ah cun
a tan upat thok
9 Na lu parah a mawimi
parpekkual a tan siah thok;
na parah a mawimi
siangpahrang lukhum
a tan pia thok,”
tiah a ti.
Lam Hmaan Zulh Torhnak
10 Ka tia, ka aanpawl hi
ngai la cosang hngai,
na nunkhua a sau taw.
11 Tinnak lam
ka tan zirh rom;
dingnak lampawl ah
ka tan hruai rom.
12 Na vah tikah na kekal
a tan dawnkham thok lo;
na zuan tikah
tua na si thok lo.
13 Thuzirhmi hi tlaihtia
riureu la, thlah hlah;
amah cu hualhum,
icatile amah cu
na nunnak a ii.
14 Mihrokhrawl ih lam
ahcun tat hlah,
cun thilŽhalo-titule ih
lam ahcun vak hlah.
15 Hrel la, a par in
vak hlah;
a hemin mertia la
lon ta.
16 Icatile thilsual
an ti lo ahcun
an me thiam lo;
pakhat tal tua an sik sak
lo ahcun
an meet ngah lo.
17 Icatile hrot-lawhnak
caw an aw
cun kutthlakraunak
zu an ding.
18 Miding ih lam zong cu
sunbir tiang a tleu
nengnomi khuaŽhet ih
tleunak mang a ii.
19 Mihrokhrawl ih lampi cu
khuamaw thukpi mang a ii;
itu khi tua ah an si ti khaw
an tiah lo.
20 Ka tia, ka aanpawl hi
Žha te in ngai hngai la;
ka simmipawl na naa
tun hngai.
21 Na mit hmuhnak sungin
luat sak hngai hlah;
na thinlung sungah
kinkhawi hngai.
22 Icatile a hmuhngah
tule caah nunnak an ii ih
an tiksa zate caah
damnak an ii.
23 Apace hmawh vanin
na thinlung hi kilkhawi
cuang law,
icatile a hemin nunnak
cirhtipawl an luang.
24 A kerkawimi thusim cu
sia mianmi la,
hrokhrawl aan cu
na hemin hlapi ah sia.
25 Na mit ni hmala ran
zoh seh,
na hmala ah dangte in
khua zoh.
26 Na ke caah lam ronsak,
cun na lam cu
an tluang thok.
27 vorhla ah iseh,
kehla ah iseh
pial pang hlah;
na ke cu Žhat lonak hemin
mer mianmi.