31
Lemuel Nu ih Thuzirhmi
1 Siangpahrang Lemuel ih
aankapawl.
A nu ni a zirhmi
thuphuan a ii.
2 Ka tiapa, ka sul ih
suakmi ka tiapa,
ka thukhaampawl
ruangih ngeihmi tiapa,
itu tan sim lang maw?
3 Na thazaang leh
na nundanpawl cu
siangpahrangpawl rawk tu
numi le hemah cun
pia hngai hlah.
4 Maw Lemuel, zu din hi
siangpahrang caah
a i lo hena maw,
cun zu Žhawng duh hi
uktupawl caah a i lo.
5 Culocu an ding thokih
an thusuah cia
an palhtia pang thok,
cun intemsakmi zate ih
ngahmawimipawl
an rawkcat hngai thok.
6 A rawkralliomi khi
zu Žhawng tul la,
cun thinhar vansang tule
sabit zu tul hngai;
7 ding uh sela, an farahnak
palhtia zok uh seh,
cun an thinnom lonak
cingkeng ti hlah uh seh.
8 A simrel kho lo mipawl,
rinsanŽha ngei lomi an zate ih
ngahmawimipawl caah
simrel piak hngai.
9 Hei ang la, dingte in thuŽhen,
mifarah leh misambau ih
ngahmawimipawl khi
hualhum hngai.
Nupi Òhatawp ca-ih Biazai
10 Nupi Žhatawp cu
ahu ni tuak kho lei maw?
Ahu he maw
nupi Žhatawp tuak kho?
Amah nu cu lungvarpawl
vanin man khung sawn
ngaitemi a ii.
11 A pumah ni amah cu
a rinsan kho ih,
a pumah cu ngahnak laah
a sambau thok lo.
12 A san sung hmawh ah
a pumah cu harnak i loin
Žhatnak a phat sak ringring.
13 Tuhmul leh vo
a hrawl hngai,
cun zuamngai in
a Žuan hngai.
14 Sumlettu ih lawngpawl
mang a ii,
lam hlapi khin caw
a tlun hngai.
15 KhuaŽhet hlanin a tho ih
a innsang caah tiicaw leh
an hemom-numi le caah
Žuan dingmipawl
a tawlrel hngai.
16 Žhate in khua a ruat ih
lo ram pakhat a lei
a kut ih Žuan hlawhmi in
sabit duum a vua.
17 A tai cu thazaang rum
a Žawntai ih, a baanpawl
dikcak in a vua hngai.
18 A sumlehmi a miat ti
a hmuthiam.
A mei inn cu zan ah
a di dah lo.
19 Amah te vo a kher ih
amah te partlai a tak.
20 Miveihsia leh
misambau hemah
a siang ih a Žhen hngai.
21 A innsang caah isik
phat thok a phang lo,
icatile partlai lum
an ngei vek.
22 Ihthah khumpawl
a vuak tia hngai,
a partlai cu vota mawite leh
sandup in tah-mi an ii.
23 A pumah cu khuapi
kotkapawl ah ramsung
upale lakih a to tikah
Žhate ih tiah mi a ii.
24 Vota Žha in taiŽeem
partlaipawl leh tavaipawl
a tak hngai ih,
sumletpawl hemah
a zuar hngai.
25 Thazaang leh upattlaknak cu
a partlai an ii,
a pha thok mi caan cu
a nihsan men.
26 Tinnak in a kaa a ang,
thinlungŽhatnak rum
thu a zirh.
27 A innsang ih thiltidanpawl
Žhate in a zo hngai,
cun phenhloin
a aw tlawi dah lo,
28 A tiale ni hang thoin
mithluasuak nu an ti;
a pumah ni khaw a ti ve,
cun a thangŽhat:
29 “Numi tampi ni cu
an tiŽha hleihluan kau,
ihmansela an zate
na hleih hngai,”
tiah a ti.
30 Iang cu mideuh a hmang,
cun mawinak cu
hoitlawi a ii,
Bawipaa Žihzah tu
numi zong cu
thangŽhat ding a ii.
31 A kut ih Žuanmi vuangpawl
a ngahvo rawi uh,
a rianŽuanpawl ni amah cu
khuapi kotkapawl ahcun
thangŽhat uh seh.