29
1 Simhriing viangvo inakau in
a lung a ruh siksik tu cu
damsak khawhlo in
a siatsuah a i lohli thok.
2 Midingpawl thungeitu
an ik tikah, mi cu
an lung a awi;
mihrokhrawl ni mi an uk
tikah zong cu
mi an aihram.
3 Tinnak a dawtu tia ni cu
a nu le pa ngetia in
a vua hngai,
numizuartiale kom zong cu
mah ih ngeihsiah
heusaktlawi a ii.
4 Thulairelnak thawngin
siangpahrang ni ram cu
a hmunŽho sak,
a ilotuk ih tangka
midiltu ni zong cu
ram a rawh sak.
5 Innkiang a porh tupoh ni cu
a innkiang ih ke caah
surthang a phar rero a ii.
6 MiŽhalopawl cu sualnak
thang ni a awk hngai,
miding zong cu hlasa in
an lung a awi.
7 Miding ni cu mifarah ih
ngahmawimi khi an tiah,
mihrokhrawl ni cu acumang
tiahthiamnak an ngei lo.
8 Nautathmangle ni cu
khuapi an buaisak,
mitingle ni zong cu
thinsiatnak an mer mianmi.
9 Miting ni miaa cu
daan in a cingcuai ah cun,
hrosuannak leh nihsannak cu
awltiloin a om thok.
10 Thisan suahdawtu ni cu
mawhngeilo an hua hngai,
culeh midinghman ni cu
mawhngeilo ih nunnak
hualhum an khai tia.
11 Miaa ni cu a hehharnak
a hei lansak hluahhlo,
miting ni cu daite in
a sup Žhan.
12 Uktu ni thuhmaanlo
a ngai ahcun
a rianŽuan upale an zate in
mihrokhrawl an i thok.
13 Mifarah leh a namnehtu ni
an ngeih khatmi cu:
Bawipa ni an pahnih in
an mit khuatle a hmuh
sak hngaihi a ii.
14 Siangpahrang ni mifarah cu
ruangraan in thu a Žhenpiak
ahcun a toŽhiang cu
kumkhua in a hmun thok.
15 Teileng leh nunsimnak ni
tinnak a pia, nu zong cu
thlauthlakmi tia thawng in
mual a pho.
16 Mihrokhrawlle thungeitu
an ik tikah daanbuarnak
a pungzai,
miding ni zong cu acule ih
tlaksiat khi an hmu thok.
17 Na tiale nunsim hngai la,
lungngamnak an tan pia thok,
na thinlung ah
lunghmuinak an pia thok.
18 Lansaknak om lonak ahcun
mipi cu ninglamlo in an om,
daan a zul mipawl zong cu
milungawi an ii.
19 Hemompawl cu aanka ceu in
nunsim khawh an i lo,
an tiahthiam nain
an ngai duh thok lo.
20 Aan a hnawtia ngaimi
pakhatkhat hmu hngai cim?
Acumang a imi vanin
miaa caah ruahsanawk
a om deuh.
21 A tepan lio in hloitukmi
sal cu a netnak ah
mi a dodal thok.
22 Hehharrau ni cu
bawhtiaknak a suahsak,
cun mithinrang ni cu
daanbuarnak tampi
a suahsak.
23 Zumtiaknak ni
ningzahhuahnak
a suahsak,
thinlung a Žhumtiami cu
upatnak a co thok.
24 Mitir na Žanpi ahcun
namah leh namah titiak
tuar dingin na vua tia,
Thuhmaan sim dingin
thu na khaamtia,
a simphuan zong cu
na ngam Žung lo.
25 Mi va Žih cu thang mitun a ii,
Bawipa
a rinsan tu zong cu a him.
26 Mitlungpi ni cu uktu ih
mithmaiŽha an hrawl,
Bawipa hemin zong cu
thulairelnak ngah a ii.
27 Ading lomi cu miding caah
ningtirhŽha an ii,
miding tu cu mihrokhrawl caah,
ningtirhŽha an ii.