28
1 Mihrokhrawl cu
ahuhman ih dawi lopi in
an leeu,
miding zong cu
kiosa mang in
an ral a Žha.
2 Ram pakhat ni
ral a thawh tikah
miuktu a tam sak hngai;
khuaruatthiam hruaitu
pakhat rum zong cu
hla a nguhmi remdaihnak
a om.
3 Mifarah a namneh tu
mifarah cu thlaikungpawl
siatsuahtu ruah miphon
mang a ii.
4 Daan a mata tupawl ni cu
mihrokhrawl an thangŽhat,
daan a zultule ni zong cu
an ralsan hngai.
5 MiŽhalopawl ni cu
thulairelnak an tiahthiam lo,
Bawipa a hrawl tule ni tu cu
kimte in an tiah.
6 Mifarah ik leh tluanghmaan ih
nuncan cu, milian ina ih
depdein nuncan van cu
a Žhasawn.
7 Daan a zultule cu
atingmi tiale an ii,
cawkaule ih rualcomle
ni zong cu
an nulepapawl ih
ning an zah sak.
8 A pungŽhang tampi
mi latnak ina ngeih siah
a han beeng tu cu
mifarah hemih thinlung
a Žha tu mipace caah
a khawl piak kau.
9 Daan thu ngaih duh
thok lo ahcun
thlacammi hman cu
ningtirhŽha an ii.
10 Miding khi aŽha lomi
thiltidanpawl ah
a hruaisual tule cu
anmah ih saihmi khurawng
sung ah an tla thok.
Mawhsiatawk omlo zong cu
aŽhami rocoding
an ngei thok.
11 Milian cu amah ih
ruahtiaknak ahcun a ting,
khuaruatkho mifarah ni tu cu
a omdan tlangin a hmu.
12 Miding ni a neh ahcun
anasami sunlawinak a om,
mihrokhrawl ni a neh zong
ahcun mipawl cu
an thuptia.
13 Daanbuarnakpawl a thup tu
ahuhman an ngeinung lei lo,
a phuang hngai ih a mata
hngai tu zong cu
naktiahnak a co thok.
14 Bawipa Žihzah ringring tu cu
mithluasuak a ii,
lungkhawng-mi zong cu
vansiatnak sung ah a tla thok.
15 Mifarah parih a hrokhrawlmi
uktu cu a hukmi kiosa,
ti a halmi von mang a ii.
16 Tiahthiamnak sambau
miuktu cu naktiahngeilo
minamnehtu a ii,
a dinghman lomi ngahnak
a hua tu zong cu
san sau a nompi thok.
17 Mi pakhat cu mipace ih
thisan ruangah
a phurh a rih ahcun,
acui mithattu cu a thih tiang,
ralzuang i kau seh;
ahuhman ni bawn hlah seh.
18 Tluanghmaan ih nungcang
tu cu a him thok,
akawingetmi nundan
zul tupoh zong cu
Khur sung ah an tla thok.
19 A lo Žhate ih a Žuan tu
mirau cu a paŽha thok,
a hoitlawimi saduhthahpawl
a dawi hngai rero tu
miphen zong cu,
pasiat a paŽha thok.
20 Rinsantlakmi cu
thluasuahpawl in
a lianngaite thok,
caltia ih len khai tu zong cu
dantat tuakloin
an om thok lo.
21 Mithleidanngeih cu
a Žha lo,
ihmansela mi pakhat cu
sang seute pakhat ruangah
thil sual a ti kho men.
22 Mihar ni cu milian
ik rang ding an zuam,
zawtlak teuti thok zong cu
an tiah ti lo.
23 Mi a simhring tupoh cu
a hnukah cun awka in
mi a porhtu van in
mithmaiŽha a co deuh thok.
24 Pa i seh, nu i seh, rokin,
“Itu a sual hraat ah,”
tiah a titu cu misiatsuahtu ih
rualcom a ii.
25 A duhham mi ni cu
bawhtiaknak a suah sak.
Bawipaa rinsan tupoh
zong cu lensak an i thok.
26 Anmah ih tinnak
a rinsan tule cu
miaa an ii;
tinnak lam in a vak
tule zong cu
himte in an vak suak thok.
27 Mi farah thil a Žhen
tupoh cuituhman
an sambau thok lo,
a mit a cawtsan tu zong cu
camkhaatnak tampi
a tuak thok.
28 Mihrokhrawl ni
mi an neh ahcun
mipawl cu an thuptia;
an rawhral tikah zong cu
miding an pungzai.