27
1 Zingla thuhla ah
zumtiaknak hlah,
icatile ni khat ni itu
a suahpi kho ti na tiah lo.
2 namah ih kaa ni iloin
mi pace ni,
namah ih hmur ilo in
tluangmi tu ni
tan thangŽhat uh seh.
3 Lung cu a rit,
cun sahrai cu khiing a ngei,
ihmansela miaa ih
thintawhnak cu
an pahnih vanin a ritsawn.
4 Thinsiat cu naktiahngeilo a ii,
hehhar cu mikhum a ii,
ihmansela nahsuahnak cu
ahu hilei a khamla zo?
5 Thuhmi dawtnak van cu
langhngan ih hringŽon
aŽha deuh.
6 Rualpi ih mi tuar sak mi
maa cu Žhatnak caah an ii,
ral ih mi hnampawl zong cu
leiroih dawt ah an ii.
7 Dang mi a hngorh hnuk cu
khuailuati hman irel a i lo,
dangram lio ah zong cu
a khami hman a thlum.
8 Inn in a vakvai tu cu
a buu a vaita tu
vate mang a ii.
9 Rimhmui leh rimthaw ni
thinlung hi ngetia in an vua,
nunkhua zong cu harnak ni
a thlek.
10 Na rualpi iseh,
na nulepa ih rualpi iseh
zam hngai hlah;
na vansiat nikhua ah
na unau ih inn ngelcel cu
pan duh hlah.
Hrialkam ih innkiang cu
lam hlapi ih unau vanin a Žhasawn.
11 Ka tia, ting la
ka thinlung ngetia in ma vua,
cuticun a ma soisel tupoh
a let hngai kho taw ing.
12 Khuaruatkho ni cu
harnak a hmu ih a thuptia;
ruahnaktlawm ni zong
cuva pah kau ih,
acuruangah a tuar.
13 Mitiah lo ih leiba
rulh piak dingih aamah
a khan tia tu cu
a partlai lat piak la;
tluangmi ca-ih aamahkhan ah
a piak mi thukam cu tlaih piak lei ci.
14 Mawpan ah a innkiang
dakpi in a sawnbia tu cu
camkhaat ah ruahpiak
a i thok.
15 Ruahhluar ni ah pehzulhin
a torberbomi ruah leh
mibawhrau nupi cu
an sakhat;
16 acu nu awlsak khaih cu
huih daihsak khaih mang,
iklole vorhla zako sungih
siti huam mang a ii.
17 Thir ni thir a parsak,
cun mi pakhat ni
mi pace ih tinnak
a parsak.
18 Theikung a zokhentu cu
a vuang a aw thok,
a bawipa a zokhen tu cu
hmaizah a i thok.
19 Ti ni hmai ih thlaam
a lansak mangin
mi pakhat ih thinlung ni
a pace ih thinlung thlaam
a lan sak.
20 Mithikhua leh Abaddon cu
khawcanghmanah
an di a riam dah lo,
minung ih mit khaw
khawcanghman ah an di
a riam dah lo.
21 Thir ernak am cu
ngun ernak caah,
cun meipung Žuang cu
sui hniksaknak caah an ii,
acumang in mi pakhat cu
thangŽhatnak thawngin
hniksak a ii.
22 Miaa cu sum sungah
caw rum hmunkhatah
sukkhal in dun hnik la,
a atnak zong cu Žhawl ngah
23 Na turualpawl ih omdan
Žhate in tiah la,
na sumhnamrun khaw
Žhate in kilkhawi hngai,
24 icatile lennak cu
kumkhua an nguh lo,
siangpahrang lukhum khaw
san hmawhhmawh caah
a nguh ve ce lo.
25 Taa an om ti lo,
a thar keeu an lang,
tlang par taapawl khawm
an ik tikah,
26 tuupawl ni na partlai caah,
mepawl ni na lo ram man,
an tan bawn thok;
27 na caw dingah,
na innsang ih awk ding leh
na hemom-numi le
muaitaunak caah
mepawl ih hnawi cu
a daih in a om thok.