24
Mihrokhrawl cu
nahsuah hngai hlah,
anmah rum bualleen khaw
hiar duh hlah;
icatile an thinlung ni
kutthlak ding a pol ih,
an hmurkapawl ni
Žhat lonak an thlu.
 
Tinnak in inn cu sak a ii,
tiahthiamnak in Žhosak a ii;
thutiahnak in a khaanpawl cu
a mankhungmi leh
a mawimithilpawl rum
khahsak a ii.
Atingmi raldohthiamle cu
adikmi mipawl vanin,
cun thutiahnak a ngei tule cu
thazaang a ngei tule vanin
an dikcak sawn;
icatile atingmi
lamhruainak thawngin
na ral na do zo thok,
cun thuronmi le om liangluang
nak ah nehnak a om.
tinnak cu miaale caah
a sang tuk;
khuapi kotka ih mipi
thurelnak ah an kaa
an ang ngam lo.
 
ThilŽhalo vua dingah
khua a khang tupoh cu
“harnak-vuatu” ti ih
kawh a i thok.
Atnak ih thilpolmi cu
sualnak a ii,
nautathmang cu
mi zate caah
ningtirhŽha a ii.
 
10 Harsat nikhua ah
na daithlan ahcun,
na thazaang
a tlawm taktak;
11 Thi dingih hruai mi pawl,
mithattu hemah sawndeido ih
a tat tupawl runsuah ding
na suptiak ih;
12 “Zohhman, kan tiah tal lo,”
tiah na ti ah cun,
thinlung cuai a thlaitu ni
a hmu a i lo maw?
Na nunkhua zohlanglang tu ni
a tiah a i lo maw?
Mi zate an thiltimi mangin
lehrul hngai lo in maw
a hi lei?
 
13 Ka tia, khuailuati cu aw,
icatile a tui,
cun khuaithlar sungin
a tormi khuailuati cu
na teh dingah a thlum.
14 Tinnak cu na nunkhua caah
acumang cu a ii ti tiah law;
na hmuhngah ahcun
hmaila na hmuhngah lei ih,
na ruahsannak cu siatsuah
a i lei lo.
 
15 Miding ih inn cu bawh hlah;
miding ih omnak hmun ah
kutthlak hmang hlah;
16 icatile voi sarih
an ngalh hmanah
an thoŽhan thok;
mihrokhrawlle zong cu
vansiatnak ih siatsuah an ii.
 
17 Na ralle an ngalh tikah
na lung awi hlah,
cun an taubah tikah
na thinlung ngetia hlah seh,
18 a cuti ih na om ahcun
Bawipa ni a hmu thokih
a thin a nuam thok lo,
cun an hemin a thinsiatnak
a mer mianmi pang thok.
 
19 ThilŽhalo-titule ruangah
thinhar in om hlah.
Mihrokhrawlle nah hngai hlah;
20 icatile miŽhalo cu
hmalacaan an ngei lo;
mihrokhrawlle ih meiinn cu
a di thok.
 
21 Ka tia, Bawipa leh
siangpahrang cu Žihzah hngai,
an pahnih ahuhman an thu
cangngailo in om hlah;
22 icatile harsatnak cu
an hemin a pha lohli kho ih
an pahnih ni itumang
siatnak an phatsak thok cu
ahu ni a tiah hmen?
Miting ih Simbeengmi Aanrolingpawl
23 hipawl hi khaw miting ih
aanrolingpawl an ii:
ThuŽhennak ih thleidannnak
ngeih cu a Žha lo.
24 Mihrokhrawl hemah,
“Nang cu sualnakngeilo na ii,”
a ti tupoh cu mipawl ih
camkhaat a i thok,
miphun kim ih huatmi
a i thok;
25 mihrokhrawl a hringŽon
tule zong cu
lunghmuinak an ngei thok,
cun a Žhami thluasuah
an parah a pha thok.
26 Tluangtlam in thu
mi a let tu cu
mi hmur hnamtu a ii.
27 Na rian cu pawnla ah
tuahtiim,
lo caah izongza tiari;
acu hnukah na inn sa.
 
28 Thuhla omlopi in na innkiang
ralsanin thudinpi hlah,
cun na hmurka in
mi deu hlah.
29 “Anmah ih ma ti mangin
mipawl parah ka ti thok;
an ti mi ka rul hngai thok,”
tiah ti hlah.
 
30 Miphen ih lo hrial in,
miaa ih sabit duum hrial in
ka lonpah;
31 zohhman, hling ni
an Žhannon ih an khur cu
taa ni an khum,
a kulnak lungdawl cu
a beeu.
32 Cutikah ka hmu ih ka ruat
ka zo ih zirhnak ka ngah.
33 Me duau, met thlim duau,
cawlhnga dingin
kut phiar duau la,
34 cun farahnak ni
rokhmang mangin,
cun sambaunak ni
siihaar in athuamtiami
raldohthiam mangin
a tan tlunhnawh thok.