2
Tinnak ih Mangeihnak
1 Ka tia, ka thupawl hi
cosang in ka thupiakpawl hi
na sungah na kinnguh ih;
2 tinnak cu na naa tun in,
tiah thiamnak khi na thinlung
na hoisak ahcun;
3 hmuhthiamnak caah
na au ih,
tiahthiamnak caah na aw
na suah ahcun;
4 ngun mangin na hrawl ih,
thuhmi hlawnthilpawl mangih
na hrawl ahcun
5 Bawipa Žihzah timi cu
na tiahthiam thokih
Pathian tiah timi cu
na hmuh ngah thok.
6 Icatile Bawipa ni
tinnak mi a pia;
a kaa sungin thutiahnak leh
tiahthiamnak an suak;
7 miding caah ahmaanmi
tinnak a khawl piak;
awhngeiloin a nungcang
tule caah lum a ii,
8 thulairelnak lampawl
a kilkhawi hngai ih,
a mirinsanle ih lam cu
a hupsong.
9 Cutikah dingnak leh
thulairelnak leh rualrannak,
lamŽha kip
na tiahthiam thok;
10 icatile tinnak cu
na thinlung ah a pha thokih
thutiahnak cu na nunkhua
caah a nuammi a i thok;
11 Thuruahthiamnak ni
a tan kil thok;
cun tiah thiamnak ni
a tan hualhum thok.
12 Òhat lonak lam in
a tan rung thok,
siavangai in a ang tupawl,
13 mawtnak lampawl ah
tat dingin dingnak lampawl
a mata tule hemin,
14 thilŽhalo vuak ah lungawiin,
culeh hrokhrawlnak ah
nuam a ti tule hemin,
15 an lampawl a kawi-eel ih
an thiltimi ah a hrokhrawlmi
16 ZiazaŽhalo minu hemin,
anaalmi ankapawl rum
mileemtu pariimnu hemin,
17 a nawhlio ih a pumah
a mata ih a thianghlimmi
a thukam a palhtia tu
minu hemin a tan rung thok.
18 A inn cu Thihnak laah
mi zon hruai a ii,
a lam cu mithipawl ih
ram la ah a tat;
19 a hemih tattu cu
an kir ti lo,
nunnak lam khaw
20 Curuangah mi Žha ih
lam ahcun tat la,
miding ih
lam cu zul reuhro.
21 Icatile miding cu
ramsungah an om dah thok,
cun sualnakngeilo khaw,
a sungah an hmun thok.
22 Mihrokhrawl zong cu
ram sungin Žhawl
an ii thok,
cu leiroihhmang cu
ram sungin bawi mianmi
an i thok.