18
1 Mah bul in a om tu cu
mah hiarnak zultu a ii,
mi ni ahman an timi cu
ihmanah a rel lo.
2 Miaa ni cu tiahthiamnak hi
nuam a ti zawng a i lo,
mah punpak ruahdan
hei simsuak ceu nuam a ti.
3 Hrokhrawlnak a phat tikah
minautatnak khaw a pha ve,
cun mualphonak cu
hmaizah lonak rum an pha.
4 Kaa ih aanmipawl cu
a thukmi tii mang an ti,
tinnak ih a hram cu
a va puut suak mi
thlawng mang an ii.
5 Mawhngeimi mithmaiŽha piak,
iklole thuŽhennak ah
sualnakngeilo siatsuah cu
ahman lo.
6 Miaa hmur ni
bawhtiak an suahsak,
cun a kaa ni tungthek ih,
thawinak a sawm.
7 Miaale ih kaa cu an rawhnak,
an hmur cu anmah caah
thang an ii.
8 Hiohio ih mithutorhnak
aanpawl cu atuimi
sang mang a ii,
sungmu tiang a vong rah.
9 RianŽuan ah a daithlang mi cu
thilsiatsuahtu rum
sungkhat hnaihtia an ii.
10 Bawipa ih min cu a Žhomi
inn donhleisang a ii,
midingpawl cu acunangah
an zuang ih an him.
11 Milianpawl ih ngeihsiah cu
a ŽhawngŽhami khuapi a ii;
an ruahnak ahcun
kulhdawl sangpi mang a ii.
12 Siatsuahnak hlanah cun
thinlung cu a uahtia,
niamcuhnak zong cu
hmaizahnak hlanah a tat.
13 Zak hlan ih thuleh cu
atnak leh ningzahnak a ii.
14 Minung thinlung ni
tiahherhnak cu
a in kho kau thok,
thinlung kuai zong cu
ahu ngai ni tuar kho na?
15 Ruahnak a tingmi ni cu
thutiahnak an zir an la,
miting ih naa ni cu
thutiahnak a hrawl.
16 Laksawng ni
sangka a hong hngai;
mipipa hem luhkhawhnak
mi a pia.
17 Thungeihtiak ih
thu a sim peita tu cu
a altu pha in thu
a cekhlai hlansung
ahman mang a ti.
18 Tlinhngal dawk ni
thu-altiaknak a netsak ih
a dikcakmi mizuamtiale
karlakah thu a Žhen hngai.
19 A thin tiahsakmi rualpi cu
ruhkul ih kul mi khuapi
vanin latngah Žhan
a harsawn,
acumang bawhtiaknak cu
ralhruang kotkakharpawl
mang a ii.
20 Kaa ih vuang ni pun
a khimsak;
hmur ih vuang ni di
a riam sak.
21 Thihnak leh nunnak cu
lei ih huham ah an om,
acucu a daw tupawl ni
a vuangpawl
an awktia thok.
22 Nu pi a tuak tu cu
thil Žha a tuak,
cun Bawipa hemin
mithmaiŽha a co.
23 Mifarah ni cu diilhiarho
an hmang,
milianpawl ni zong cu
hraangngai in mi an let.
24 Rualpi cu kom awkah
an i kau,
rualpi taktak zong cu
hrihrai naitleng van
Žhosawn in mi an tlaihsan.