15
Aneemmi thulehnak ni cu
thinsiatnak a mer mianmi,
awka hraang ni zong cu
hehharnak a thawhsak.
Miting ih lei ni cu
thutiahnak a hei ang,
miaale ih kaa ni zong cu
atnak an hei thle.
Bawipa ih mitpawl cu
hmuncangah an om,
misia leh miŽha
an thlir langlang.
Aannem hmangmi cu
nunnak thingkung a ii,
a sungih rawhcahnak ni tu cu
thinlung a khuai.
Miaa ni nulepa ih
zirhnak a nautat,
simhring a cangngai tu cu
khuaruat kho a ii.
Miding ih inn sungah
hlawnthil tampi a om,
mihrokhrawl ih tangka
ngahnak zong cu
harnak ni a tlunhnawh.
Miting ih hmurka ni
thutiahnak a thanzaih;
miaale ih khuaruah zong
acumang an i lo.
Mihrokhrawl ih raihrik cu
Bawipa caah ningtirhŽha a ii,
miding ih thlacam zong cu
a lungawizawng a ii.
Mihrokhrawl ih nundan cu
Bawipa caah ningtirhŽha a ii,
dingnak a zuam tu zong cu
a daw.
10 Lam ding a mata tu caah cu
nunsimnak ngekpi a om,
hringŽonnak a hua tu zong cu
a thi thok.
11 Mithikhua leh Abaddon cu
Bawipa hmaiah cun
an hongtia kau,
minung thinlung cu
itluk in hi lei a lan hlehhlo?
12 Minautathmang ni cu
hringŽon ik an daw lo;
miting hemah an tat thok lo.
13 Angetiami thinlung ni
mithmai a pan sak,
ngaihsiatnak thawngin zong cu
thinlung a kuai.
14 A khuaruahnak ah
tiahthiamnak a ngeitu ni cu
thutiahnak a hrawl,
miaale ih kaa ni zong cu
atnak in riah a khal tia.
15 Miveihsia caah cun
ni hmawhhmawh hi
ni suah Žhalo an ii,
thinlung a nuammi
caah zong cu
puai a i ringring.
16 Bawipa Žihzahnak rum
tlawmte ngeih cu
hnaihnawhnak rum
hlawnthil tampi ngeih van
a Žhasawn.
17 Dawtnak omnak ih
hanghnah hangvuang
rum zanriah awk cu,
huatnak rum cawpethau
saawk van a Žhasawn.
18 An thin a sa mipawl ni cu
bawhtiaknak an thawhsak,
hehhar a tuung tule ni zong cu
thu-altiaknak an daihsak.
19 Miphen ih lam cu
hlingsopawl ni an buaihnawh,
miding ih lam zong cu
lamhla vahnak lamkausau
pheirawn a ii.
20 Atingmi tia ni cu
a pa ngetia in a vua,
miaa ni zong cu
an nule an nautat.
21 Thiltiahnak ngei lo tu
caah cunatnak cu
lungawinak a ii,
tiahthiamnak ngei tu zong cu
hmalaah dingte in an vak.
22 Ruahnak piak loin cu
khuakhangpawl an palh,
ruahnakpiatu tampi rum
zong cu
an hluhsuahtia.
23 Amawimi thulehnak ni
ahu khaw a lung a awisak,
a caan te ah ahmaanmi
aan cu i tlukin a Žha!
24 Miting caah cun
nunnak lam cu
tangla ih Mithikhua
hrel dingah mi a han hruai.
25 Bawipa ni
mi zumtia ih inn cu
a Žheh piak,
nuhmei ih ramripawl tu cu
a hmun sak.
26 AŽha lomi khuakhang cu
Bawipa caah ningtirhŽha an ii,
aanbawi ah zong cu
a lungawizawng a ii.
27 Ading lomi miatnak ah
a duhham tule cu
an inn sang caah
harnak an vua,
nawhthuh a hua tule zong cu
an nung thok.
28 Miding ni cu khawti in
thu a leh thok a thinlung ah
a ruat thuk,
mihrokhrawl ih kaa ni tu cu
thilŽhalo a hei phawt.
29 Bawipa cu mihrokhrawl hemin
lamhlapi ah a om.
Miding ih thlacam zong cu
a za.
30 Lungawi ih mi zoh ni
lung a awi sak,
cun thuthangŽha ni
ruangpun thazaang a tharsuah.
31 A damsammi soilom
a ngai tu naa cu
miting lakah a ngam thok.
32 Zirhnak a thluhmaulo
tule cu anmah leh anmah
an nautat tia,
simhrinnak a ngai tule zong cu
tiahthiamnak an ngah.
33 Bawipa Žihzah cu
tinnak zirhtiak a ii;
sunloihnak hlanah
niamcuhnak a om.