12
Nunsim a daw tupoh ni
thutiahnak an daw,
hringŽon a huatupawl zong cu
mi aa an ii.
MiŽha ni cu Bawipa hemin
mithmaiŽha an ngah,
Žhat lonak a ruatkhang tule
zong cu sualthu a Žhen hngai.
Ahu pakhat hman ni
hrokhrawlnak in himnak
an hmu lo,
miding ih hrampi zong cu
thawn a i dah thok lo
Nupi Žha cu a pumah caah
siangpahrang lukhum a ii,
a pumah ningzah a tluntu
zong cu a ruh sungih
mawhzaannak mangtuk a ii.
Miding ih ruahnakpawl cu
an deng;
mihrokhrawl ih ruahnakpiak cu
mideuhnak a ii.
Mihrokhrawl ih aankapawl cu
thihsakkho mibawhthuptu a ii.
Miding ih thusim zong cu
a rungsuak hngai tu a ii.
Mihrokhrawl cu zam thlak
an ii ih an om ti lo;
miding ih inn zong cu
a Žho thok.
Mi pakhat cu
a khuaruahkhawh mangin
lom a ii,
ruahnak rawkcat zong cu
nautat a ii.
Nautatmi i hratin
hemom ngeih cu
mah thupi ah ruattia in
awkding sambau vanin
a Žhasawn.
10 Miding ni an sumhnampawl ih
Žulsammi an tiah,
mihrokhrawl ih minaktiah cu
midoingeilo a ii.
11 RianŽuantu mirau cu
awkŽha tampi a ngei,
santlai lomi dawiciamco
a zuam tupawl cu
thiltiahnak an ngei lo.
12 Mihrokhrawl ni cu
misuaksual ih surthang
an nah,
miding zong cu
hram Žhateinan thla ih
vuang an vuang.
13 MiŽhalo cu an hmur ih
buarnak ni thangah
a awk hngai,
miding zong cu harnak
sungin an luat.
14 Mah kaa ih vuang in
thilŽha rum a khim tia,
rian khung ni amah ih
ngahvo a ngei kau.
15 Miaale ni anmah ih lam cu
ahmaan tiin an ruat,
mitingle ni zong cu
ruahnak piakmi an ngai.
16 Miaale ni cu an hehharnak
a voikhat ah an lansak,
khuaruatthiam ni zong cu
hmuhsitnak an dungtun.
17 Thutak a sim tupoh ni cu
felnak an lansak,
ahman lomi thutiahpitu
ni zong cu mi deuthah in
thu a sim.
18 Ruatmanlo ih aanmi cu
ralreen ih mi dawh
mang an ii,
Miting ih lei ni cu
damnak a suahsak.
19 Thuhmaan simmi hmur cu
kumkhua anguh,
thulopuah mi lei zong cu
cangkhatte ceu a daih.
20 Mideuhnak cu thilŽhalo
khua a khangtu le ih
ruahnak sungah a om,
remdaihnak ruahnakpia
tule cu lungawinak an ngei.
21 Miding parah harnak
a tlung lo,
mihrokhrawl zong cu
harnak in an khat.
22 Thulopuahrau lei cu
Bawipa caah ningtirh Žha an ii,
rinsantlak ih a tekcak tu cu
a lungawizawng an ii.
23 Miting ni cu a thutiahmi
a thup,
miaa khuaruahnak ni zong cu
atnak a thanzar.
24 MipaŽang ih kut ni
mi a uk thok,
miphen cu Žuan khung Žuan
torh a i thok.
25 Dontiaknak ni minung ih
thinlung nau kau in
a ŽhumŽhial,
aanŽha kaa khat ni zong cu
a thin thoin a vua Žhan.
26 Mi ding ni cu rualpile hemah
ruahnak Žha a pia hngai,
mihrokhrawl ih lam ni zong cu
pialkau a hruai hngai.
27 Miphen cu a sa kahmi
a kang lo,
mi paŽhang zong ni cu
a thil ngahmi poh manngeiin
a hmang hngai,
thilpawl a ngei hngai.
28 Miding lam cu
nunnak ah mi a hruai,
acui lam in vah ah cun
thihnak ah mi a hruai lo.