10
Solomon ih Tinnak Aanpawl
1 Atingmi tia ni a pa
ngetia in a vua;
a aami tia zong cu a nu ih
ngaihsiatnak a ii.
2 Hrokhrawlnak in ngahmi
hlawnthilpawl ni cu
mi a Žhathnem lo,
dingnak zong cu thihnak in
mi a rungsuak.
3 Bawipa ni miding cu
ŽaŽhi in a om sak lo,
mihrokhrawl ih hiarnak
zong cu a phelhsolh.
4 Aphenmi kut ni
farahnak a cansak;
araumi kut ni zong cu
lennak a suah sak.
5 Žhal lio ih thil a khawl tu
tia cu khuaruatthiam a ii,
thlaikhawm lio ih a metu
tia ni zong cu ningzah
mithlaih a ii.
6 Thluasuahpawl cu miding ih
lu parah an om,
mihrokhrawl ih hmurka ni
zong cu kutthlakraunak a thup.
7 Miding palhtiaklo cu
thluasuah pakhat a ii,
mihrokhrawl ih min zong cu
aŽawt thok.
8 Atingmi thinlung ni
thupiak a lat tia,
mi aa tlokbuat zong cu
rawhralnak ah a pha thok.
9 Dingnak in a nungcang
tupoh cu himte in an tatvak,
a rawkcatmi lampawl
a zul tupoh zong cu
hmuhngah an i thok.
10 Palhnak parih mit mi Žheh
tupoh ni harsatnak
an suahsak,
ralŽhangai ih mi hringŽontu
zong ni remnak a vua.
11 Miding ih hmurka cu
nunnak cirh a ii,
mihrokhrawl ih hmurka ni
zong cu kutthlakraunak a thup.
12 Huattiaknak ni bot tia dingin
mi a tok,
dawtnak zong ni cu sualpalhnak
hmawhhmawh a khum.
13 Tiahthiamnak a ngeitu ih
hmur parah tinnak hmuh a ii,
teileng zong cu
ruahthiamnak a ngeilotu ih
zaang caah a ii.
14 miting ni cu thutiahnak
an khawltia,
miaa ih tlawhbuatnak ni
zong ni cu hrialte ah
rawhralnak a phat sak.
15 Milian ih ngeihsiah cu
an ruhkul a ii;
miveihsia ih veihsiatnak cu
an rawhralnak a ii.
16 Miding ih hlawhman ni
nunnak ah,
mihrokhrawl ih ngahnak ni
sualnak ah mi a hruai.
17 thuzirhnak Žhate ih
a ngai tupoh
nunnak lampi parah a om,
hringŽonnak a hnong tu
zong cu lam a pial.
18 Thulopuahrau hmurpawl ni
huatnak an thup,
a mi rawnnak a hei ang
tupoh cu miaa a ii.
19 Kha tamtuk tikah cun
sualpalh lo a om keel lo,
khuaruatthiam zong ni cu
aan an sup tia.
20 Miding ih lei cu
ngun Žhami mang a ii,
mihrokhrawl ih thinlung cu
tlawmte man a ii.
21 Miding ih lei ni
mi tlungpi a cawm hngai,
miaale zong cu thutiahthiamnak
sambau ruangah an thi.
22 Bawipa ih thluasuah ni
lennak a suahsak,
cun ngaihsiatnak a beeng lo.
23 Thilpalh vuak hi
miaa caah cu
lehlaunak mang a ii,
ting ih omtlan zong cu
tiahthiamnak ngeitu ih
nuamtizawng a ii.
24 Mi hrokhrawlle ih
Žihawkmi cuanmah parah
a tlung thok,
miding ih hiarnak zong cu
piak an i thok.
25 Huihsia a liam tikah
mihrokhrawl cu an om tilo,
miding zong cu
kumkhua sakŽho an ii.
26 Ha ca-ih sabittihaang mang,
mit ca-ih meikhu mang,
acumang in miphen cu
a tirh tu caah a ii.
27 Bawipa Žihzah ni
nun a sausak,
mihrokhrawl ih kumpawl
zong cu an tawi thok.
28 Miding ih ruahsannak cu
ngettiaknak ah a deng,
mihrokhrawl ih
lakhlahnak zong cu
thulolakah a cang.
29 Miding caah Bawipa ih lam cu
ruhkul a ii,
siatsuahnak zong cu
thilŽhalo-titule caah a ii.
30 Miding cu thawn
an i dah thok lo,
mihrokhrawl zong cu
ramsungah an hmun thok lo.
31 Miding ih kaa ni
innak a suahsak,
lei rawkcat zong cu
Žhawh a i thok.
32 Miding ih hmur ni
cosantlak mi aan a tiah,
mihrokhrawl ih kaa zong cu
rawhcahnak a ang bil.