AANROLING
Aanroling timi cu nuncan, ziaza caah aanŽhim in iseh, thuŽhim in iseh, ruahnak piaknak an ii. Nunnak sungih tuah dingmi thusahnak thupipi ngei kho dingih mihruaitu tinnak an ii.
Lainganpawl timi Hebru Baibal Žhen thumnak sungin Tinnak Calai phun tiih Žhenmi lakih pakhat a ii. Job leh Thusimtu rum buur khat an ii. “Mitingpawl” ni nunzia leh tinthuruah rum pehtlaitiami, nicang hmancop dingmi ruahnak an piakmi an ii.
Siangpahrang Solomon hi a ngantu min putu tleng a ii. Aanroling 3000 leh hla tiing 1000 a puah tiah a min a thang (1 Siang 4:32). Akhanpi 10-12 cu a san sungah (Kum 970-931 BC) a ngan, a khawm hngai ih 25-29 cu siangpahrang a Žuan lio ah a i thok. Curuangah 10-29 tiang hi Babilon saltaan hlanih ngan leh khawm; 1-9 hi cu acu hnuk ih ik zum a ii.
Ruahnaktlawm leh minopawl thu ruat kho ding, thu tiah ih ting dingah ruahnak piaknak a ii (1:4, 5). “Ka tia” (iklole ka tiapa) ti hi minopawl ai-awh a ii (1:8, 10; 2:1; 3:1; 4:1 5:1). Punpak, innsang nundan ding leh nun lo daan ding sim an tintah. Tinnak leh atnak, mirau leh miphen, midingfel leh miŽhalo ih kalhtiak zia; cun mizumtia, porhtiak leh nautathmangle siatsuah ik thok; zu rit cu aat; farah harsa leh ngakŽah Žan thupitnak; innkiang leh mitiahlo leiba thu ah aamahkhantu ik lo ding; numi thupitnak; tipawl an zirh.
1
1 David ih tiapa, Israel siangpahrang
Solomon ih aanrolingpawl:
Thuhmaihruai
2 Mi ni tinnak leh thuzirhnak,
khuahmukho ih aanmipawl
tiahthiamnak caah,
3 tingte ih thiltithiamnak,
dingnak, thulairelnak,
rualrannak caah zirnak
ngah dingin;
4 khuaruahtlawmmi hemah
tinnak, mino hemah
thutiahnak leh
khuaruahthiamnak
zirh dingah–
5 miting ni khaw an zak ih
thu zirngah sin dingah,
cun ngenŽhenkhomi ni
hlawhtlaknak
an ngah sin nak ding,
6 aanroling leh sawhcengei,
miting aankapawl leh
aan thucanpawl tiahthiam
7 Bawipa Žihzah cu
thutiahnak ih
hramthawhnak a ii;
miaale ni cu
tinnak leh thuzirhnak
an nautat.
Rualcom Òhalo Kom Thok Lo
8 Ka tiapa, na pa ih
thuzirh hi zaa la, na nu ih
zirhmi hi hnong hlah;
9 icatile na lu caah
amawimi luvel,
na hngawng caah
amawimi Žhi an ii thok.
10 Ka tiapa, misualpawl ni
an tan leem ahcun
zul hngai hlah.
11 “Kan hemah vak ve,
mi that dingin bawh le hu;
sualnakngeilo cu a thu
omlopi in bawhthup le hu;
12 Mithikhua mangin
an nungin dolh le hu,
thlaankhur ih a zong tat tule
mang an miphun in
dolh hngai le hu.
13 Thil mankhung phun zate
kan ngah thokih,
kan innpawl cu hransaw in
kan khahsak thok.
14 kan hemah telve tu hmen;
tangka dip kan hlawmtia
thok hekhawh”
tiah an ti tikah,
15 ka tiapa, an lam ahcun
vak ve hlah,
an lampawl cu
zul hngai hlah;
16 icatile an kepawl cu
thilŽhalo hemla ah
an zuang ih,
thisan suah dingah
an caaltia.
17 Vate hmuh hngan ih
sur thang tun cu
hoitlawi a ii;
18 cuhmanah anmimi cu
anmah thattia dingah–
an hngak ih an bawh!
anmah leh anmah–
an bawh thup tia!
19 Miatnak ca-ih duhham
tule zate ih netnak cu
acumang a ii;
a ngeitule ih nunnak lat tak
mianmi a hmang.
Tinnak ih Mikawhnak
20 Tinnak cu lampika ah a au;
mipi omnak hmunpawl ah
a aw a suah.
21 Hnok tleng mi hmun ah a i;
khuapi kotkapawl luhnak ah,
22 “Maw ruahnaktlawm lehngai,
ihlet theih ruahnaktlawm
ik cu nan dawt lei!
Nihsanraupawl ni ihlet theih
an nihsanrau cu lunghmui in,
miaale ni thutiahnak
an huat lei?
23 ka nunsimnak hi Žhate in ngai uh;
ka ruahnakpawl nan hemah
ka phorh hngai thok;
ka aanmipawl
ka tan tiahsak hngai thok.
24 Icatile ka tan ko hngai
rom ih nan al,
ka kut ka phar ih ahuhman ni
thupi ah nan ruat lo,
25 ka ruahnak piakmi zate
nan dungtun rom ih
ka nunsimnak pakhat hman
nan pon lo ruangah,
26 vansiatpipaw nan tuah tikah
ka tan nihsan hngai thok;
itu ti awk tiah lo tiangih
harsatnak ni,
27 huihsia mangin a tan
hnur tikah,
na vansiatpipaw ni
phusiing mangin
a tan phat tikah,
thinharnak leh thintiahnak ni
a tan tlun tikah ka tan
nihsan leh thok.
28 Cutikah anmimi ni
ama ko hngai thok,
ihmansela ka let hngai
thok lo;
cemmehngai in
ama hrawl hngai thok,
ihmansela ama hmu hngai
thok lo.
29 Thutiahnak an hua ih
Bawipa Žihzah ding an ril lo,
30 ka ruahnak piakmi
pakhat hman an pon lo,
cun ka nunsimnak zate
an nautat ruangah,
31 curuangah an thiltinak ih
vuang an aw thok,
cun an khuakhangpawl ni
a hngor hngai thok
32 Icatile pialraunak ni
ruahnaktlawm a that hngai,
miaale ih mahte
lungkimtiaknak ni
anmah a that hngai;
33 ka thu a ngaitupawl
zong cu an him thok,
cun vansiatnak Žihawk
om loin,
thin daite in khua
an sa thok.”