4
1 Curuangah ka dawt leh ka ngaihmi, ka lungawinak leh ka sui lukhum, ka ulenauhngai, ahiti hin Bawipa sungah ding Žho kau uh, ka dawtngaimi le hngai.
2 Euodia leh Sintekhe, Bawipa sungah ruahnak sakhatin om dingah ka tan torh hngai.
3 A ii, culeh ka Žuanpi mifel, nang khaw ka tan tirh, hi numi le hi bawn hngai. Icatile Klement leh nunnak laibu sungih an min a ommi ka Žuanpi a taangmi rum hmunkhatah ka hrialkam in thuthangŽha rian caah an Žang ngai.
4 Bawipa sungah lungawi thluangthluan uh; ka simŽhan thok, lungawi uh.
5 Nan lungnemnak cu micang ih tiahmi ii seh. Bawipa cu a nai.
6 Itu thil ah khaw dontia hlah uh, izongza ah nan dilnakpawl cu thlacamnak leh naktiahdilnak in lungawi thusimnak rum Pathian hemah tiahsak uh.
7 Culeh minung ih tiahthiamnak zate lonhleihtu Pathian ih daihnak ni nan thinlung leh ruahnak cu Khrih Jesuh sungah a tan kilkhawi hngai thok.
8 Netatleng ah ka dawtngaimi le hngai, a hmaanmi poh, upattlakmi poh, adingmi poh, athiangmi poh, lungawiŽha poh, lungkimpiŽha poh, a Žhahleihluanmi leh lomtlak a imi pakhatkhat a om ahcun, hi thilpawl hi ruat hngai uh.
9 Kamah sungih nan zirngah, cun nan congah, cun nan zakngah, cun nan hmuhmi thilpawl cu vuak peh berbo uh, culeh daihnak Pathian ni a tan ompi hngai thok.
10 Atu ah a ma siaherh hngai nak nan nunsakŽhan thleeithli ih Bawipa sungah ka lung a awi ngai; a ngaingai ahcun ama siaherh hngai kau, a lansaknak caanŽha nan ngeih tak lo thu zong a ii.
11 Sambau in ka om tiah ka tidawtmi a i lo; icatile ka ngeihmi itupoh rum lungkimih om ding ka zirngah rom.
12 Tlawmte ngeih itumang a ik leh tampi ngeih itumang a ik ka tiah. Thilomdan pakhatkhat leh zate ah khimte ih om leh ŽaŽhiih omnak, tampi ngeih leh sambau ih omnak thuthup ka zirngah rom.
13 A ma dihcah saktu thawngin thil zate ka ti zo.
14 Itu cang ta le, ka harsat a ma Žom hngai cu rauthiam cu ee.
15 Nangmi Filipi khuamipawl ni cu, thuthangŽha ka sim thawh pek hrawng Masidonia peng ka pawhtak ahkhin nanmah ceu simlo, pawlpi pakhat hman piaknak leh conak ah a ma hlawmŽomtu an om lo ti nan tiah kau kovawh.
16 Icatile Thesalonika khua ih ka om lio hman ah ka Žulpoinak caah voikhat vanin tlungsawn bonnak a ma kuat ta hngai.
17 ThilŽhen hrawl cu ka i lo, nan cazin ih amiat a camtiak ding tu ka hrawl.
18 Kimte in piak ka i romih a daih vanin hlei ka ngei; atu cu Epafroditas hemin thilŽhenpawl a ma kuat hngaimi, rimhmui ahlu, Pathian ih cotlak leh lungawi zawng raihrik cu ka congah romih ka lung a kim thlipthlep.
19 Cun Khrih Jesuh sungih a lennak mangin nan Žulpoimi cangte ka Pathian ni a tan lungkimsak hngai thlipthlep thok.
20 Kan Pathian leh Pa hemah sunparnak cu a kumkhua in om thluangthluan kau seh. Amen.
Netatleng Biaksonnak
21 Mithiang zate Khrih Jesuh sungah sawnbia uh. Kamah rum a omtu ulenaupawl ni an tan sawnbia.
22 Mithiangpawl zate, ahleice in Khumpi ih inn ah a omtule ni an tan sawnbia.
23 Bawi Jesuh Khrih ih veel cu nan hemah om hram seh.