3
Liamcia rum Phoihsahnak
Nan hemah thu sakhat ngan hi ka caah a harsa lo, culeh nanmah caah cu hualhumnak a ii. Uicole cu ralring uh, thilŽhalo Žuantule cu ralring uh, tiksaŽhen Žhotrawk tupawl cu ralring uh. Icatile kamah hi a ii phawzim Žhottia, thlarau in Pathian a biatupawl leh Khrih Jesuh sungah hmaihngal leh tiksa ah lunglumnak ngei lo tu cu – Kei khaw tiksa lunglumnak san ka ngei ve na kau in. Mi pakhat ni tiksa parih lunglum nak ding a ruang a ngeih ahcun kei ka ngei sawn: a ni riatnak ih phawzimŽhawhmi, Israelmi sungtel pakhat, Benjamin hrin, Hebru thithiangte; Daan ti ahcun Farisi; zuamnak ti ahcun pawlpi hremtu; Daan ruangih dingfelnak ti ahcun mawhngeilo ka ii. A inain itumang miatnakpawl ka ngeih hngai ah khaw, ahipawl hi cu Khrih ruangah sungnak ah ka ruat hngai. Acu vanin, Khrih Jesuh ka Bawipa ka tiahngahnak ih mihleih cemi man ruangah izongza hi sungnak ah ka ruat. Amah caah thil zate zawtlak ka tuar, hnawmhne ah ka ruat hngai. Khrih ka ngah kho nak ding leh amah ta ii in, Daan zulhnak in a phami kamahte ih dingfelnak ngei loin, Khrih zumnak thawngin a phami zumnak, zumnak parah hram a binmi, Pathian hemih dingfelnak ngei dingah a ii. 10 A thihnak ah amah mang cannak thawngin Khrih leh a thawhŽhannak huham leh a tuarnakpawl Žomih tiah ka daw, 11 mithi lakin thawhsaknak khawti in maw ngah le ning la.
Tinmi la-ih Nor
12 Ahihi ka congah rom, iklole ka tinmi ka phatngah rom a i lo; Khrih Jesuh ni amah ih ta ah ama cansak rom ruangah, acucu kamah ta ih cansak ding tu ah ka nor. 13 Ulenau hngai, acucu kamah ih ta ah ka cansak rom tiah ka ruat lo; hi thil pakhat zong hi ka vua: dungla ih a ommi palhtia hratin hmala ih a ommi ban khaitia hratih, 14 Pathian ni Khrih Jesuh sungah vancung la ih a man kawhnak ih zuamman ngah ding tinmi laah ka nor. 15 Keimi a picang mipawl cu ruahnak sakhat in om ung la; thil pakhatkhat thu ah phunce in nan ruah ahcun, ahi khaw Pathian ni nan hemah a phuanglang kau thok. 16 Kan phatngah rommi zong belte tlaiŽho kau tu ung. 17 Ulenau hngai, ma cawng khat uh, cun kan sungih zohŽhimawk nan hmuhmi mangin nung tupawl cu zoh ringring uh. 18 Icatile mitlungpi cu Khrih thinglamtah ih ralpawl mangin an nungcang; anmah thu hi ka tan sim hngai ŽiuŽeu romih atu cu mitthli rum hman ka tan sim hngai. 19 An netnak cu siatsuahnak a ii; an khuazing cu an punpi a ii; cun an ningzah awk cu an hmaihngalnak a ii; an ruahnakpawl cu vulei thilpawl par tlongte ah an sia. 20 Ihmansela kan rammi-iknak cu vancung ah a ii, culeh acunang cun a ii rungtu, Bawi Jesuh Khrih kan lakhlah rero. 21 Thil zate amah ukmi ah cansak dingin a bawn ve tu huham hmangin, a ŽawnŽai, a thikhomi kan ruangpun cu amah ih ruangpun sunglawi mang i dingah a thleng thok.