2
Khrih sungah thapiaknak pakhatkhat, dawtnak in thinhnemnak pakhatkhat, Thlarau hlawmtiaknak pakhatkhat, naktiahnak leh zawnruahnak pakhatkhat a om ahcun, ka lungawinak kimsak uh: nan ruahnak sakhat seh, dawtnak sakhat ngei uh, lungrualte leh ruahnak pakhat in om uh. Mahzawnruatmi tumtahnak in iseh, zumtiaknak in iseh, ituhman ti hlah uh, niamcuhnak in mipace cu nanmah vanin Žhasawn ah ruat sawn uh. Nanmah pakhat vek ni nan thudawt ceu zoh loin mipace ih thudawt tu zoh uh. Khrih Jesuh sungih a ommi ruahnak mang hi nan sungah om ve seh,
ani cu Pathian thuam in
a omta nain,
Pathian rum tluktia ik cu
mah miatnak ca-ih merh awk
thil pakhat ah a ruat lo,
amah leh amah tu komrom in
a vuatia,
sal thuam lattia in,
minung mangin hrin a ii.
Minung thuam in hmuh a ii,
amah leh amah a Žhumniamtia,
cun thihnak—thinglamtah
parih thihnak tiang hman
pha ceuhcoin thuzulmi
ah a cang.
Curuangah Pathian ni khaw
a hlirsang ngaite ih,
min hmawhhmawh cungla ih
a ommi min cu amah a pia,
10 cuticun Jesuh ih min ahcun
vancung leh vulei par leh
vulei tangah mi hmawhhmawh
cu khukbilin,
11 Jesuh Khrih cu Bawi a ii tiah
Pa Pathian sunparnak ah
aan hmawhhmawh ni
an phuang thok.
Tleunak dinhmun in Tlaan thok
12 Curuangah, ka dawtngaimi le hngai, ama cangngaih hngai ringring rom mangin ka omhnganah ceu iloin, atu ka om lo lio hlehhlo ahhin, nan rundamnak caah hrulthah leh dok-awthah in Žuansuak uh; 13 icatile Pathian cu a lungawi zawng nan dawt ih nan Žuan nak dingah nan sungah rian a Žuanih a tan bawn hngai tu a ii. 14 Thil hmawhhmawh cu phunru lo leh altia loin ti uh, 15 cuticun hrokhrawl leh a rawkcatmi san lakah hin mawhngeilo leh sualngeilo, Pathian ih tiale soiselawk omlo nan i kho thok, nan omnak vulei ahhin arsi mangin nan tle thok, 16 nunnak thu tlaiŽho uh la, cuticun ka zuang tlawi in ka Žuan tlawi ta lo ti cu Khrih Ni ah ka hmaihngal kho thok. 17 Ihmansela nan zumnak raihrik leh ahlu piakmi parah Pathian hemih thletmi mangin thlet ka ik hmanah nan zate rum ka lung a awi khat thok – 18 acu mang cun nangmi khaw kei rum nan lung awi khat ding nan ii.
Timote leh Epafroditas
19 Nan hemah Timote thlah ding hi Bawi Jesuh sungah ka ruahsan, cuticun nan thuthang thawngin ka thanuamin a om taw ing. 20 Nan nom deuh nak ding a tan siaherh hngai taktak tu thok amah mang ahuhman ka ngei lo. 21 An zate in Jesuh ih thudawt hrawl loin anmah ih thudawt an hrawl. 22 Ihmansela Timote ih santlaihnak, thuthangŽha rianŽuannak ah ii tluk in pa leh tia mangin kamah rum a Žuan ti cu nan tiah kau. 23 Curuangah ka thuhla ih thilomdan ka tiah fiang vete in nan hemah amah cu thlah dingin ka ruahsan; 24 culeh kamah khaw ihlet hlanah ka pha thok tiin Bawipa cu ka rinsan. 25 Nan hemah Epafroditas – ka unau leh rian-Žuanpi leh ralkap ikpi, nan thuphurtu leh ka Žulpoinak ih ma riantu – cu thlah Žul in ka ruat rih; 26 icatile nan zate a tan ngai hngai ih, a tiak ti nan zak ruangah a thin a nuam lo. 27 A tiak vuai taktak ih a thi samte. Ihmansela Pathian ni amah parah, amah ceu iloin kamah parah khaw, phusahihnak a ngei ih cucu ngaihsiatnak pakhat hnuk pakhat ka ngeih lonak dingah a ii. 28 Curuangah, amah nan hmuhŽhan tikih nan lungawi nak dingah leh ka dontiak lo deuh nak dingah, amah thlah cu ka lakhlah hlehhlo. 29 Amah cu lungawinak hmawhhmawh rum Bawipa sungah cosangla uh, cun acumang mipawl cu upat uh; 30 icatile nangmi ih a ma piak hngai khawh lomi Žuan awkpawl kimsak dingah thih le thih tiin a nunnak cu a hmang ngamih Khrih ih rianŽuannak caah thih a hnaih ta ngaite. A netnak ah, ka ulenauhngai, Bawipa sungah nan lung awi uh.