1 Ka dawtmi le hngai, hihi nan hemih ka laikuat a pahnihnak a ii, a sungah nan thuruahdan hmaan leh damsam cu thawhsak dingah ka zuam. 2 Aliamciami ah a thianghlimmi profetpawl ih aantakmi aankapawl leh tirhthlahpawl thawngin aantakmi Bawipa leh Rungtu ih thupiak nan cinken dingah tan pherphuak hngai ka tintah. 3 Apeitatleng ah, ni netatleng la ahcun nihsairawnnak ih mihmangtupawl an pha thokih, thutak cu nihsairawnnak in, cun anmah ih hurnak laah an thlahthlamtia thok ti hi nan zate ni tiahthiam uh. 4 Culeh, “A pha thokmi thutiam cu khawhi ii maw? Icatile kan pupale le an thi rom ih thil hmawhhmawh le seemsuah thawh pek mangin anmah keel an i berbo kau,” tiah an ti. 5 Pathian ih thu in hlanliopi ah vanpawl an omta ih, vulei cu tii sungin leh tii rum vuak a ii. 6 Acui caan lio ih vuleipi cu acui tii thawngin tinik tlunsak a ita ih, tii rum a rawkral. 7 Ihmansela acui thu siksik thawngin atu ih vanpawl leh vulei hi mei in siatsuah awk ah zuah an ii ih, thuŽhennak leh Pathian hnongtupawl siatsuahnak nii hlansung siah an ii timi thuhla hi an tiah saktia lo hrimhrim. 8 Ihmansela, ka dawtmi le hngai, Bawipa hemah cun ni khat cu kum thawng khat mang, cun kum thawng khat cu ni khat mang a ii timi hi tiah lo in om hlah uh. 9 Mi hrekkhat ni khuituung ah an ruah mangin Bawipa cu a thutiampawl thu ah a khui a tuung lo. Nan parah a thin a sau ih, pakhat te khaw rawkral loin mi zate an sual an rim ding zong cu a daw. 10 Ihmansela Bawipa ih Ni cu mitir mangin a pha thokih, vanpawl cu daak rilrial in an liamtia thok, culeh a sungih ommi thilpawl cu mei sungah an tii remro thokih vulei leh a parih ommi izongza cu an kan ngah remro thok. 11 Ahi thil hmawhhmawh hi ahitiih siatsuah an ik thok ruangah, a thianghlimmi leh Pathian Žihzahmi nun nung dingin itumang minungle hilei nan ik? 12 Pathian Ni nan hngakih phatsak rang nan dawt lio ah acui Ni ah cun vanpawl cu kaangin an tii thokih, a sungih ommi thilpawl khaw anmah rum an ciam thok. 13 Ihmansela, amah ih thutiam mangin, keimi cu dingfelnak a leennak a tharmi vulei leh vanpawl tu kan hngak.

14 Curuangah, ka dawtmi le hngai, ahi thilpawl nan hngah lio ah hin, Pathian rum a remtiami, cak-awk omloin iseh, soiselawk omloin iseh a tan tuah hngai nak dingah a Žhatleng in zuamtia hram uh, 15 culeh kan Bawipa ih thinsaunak hi runmi iknak ding caanŽha tiin ruat uh. Acuticun kan dawtmi unau Paul ni khaw tinnak piak a ik mangin nan hemah lai a tan kuat hngai ih, 16 a laikuatpawl zate sung mangin ahi thu hi a ang. A simmi sungah tiahthiam harsa a imi thil hrekkhat an om. Acucu thutiah replo leh miŽho replo ni Lai Thianghlim hmun pace an ti mangin anmah siatsuahtiaknak dingah an merh. 17 Curuangah, ka dawtmi le hngai, nangmi cu ralrin piak cia nan ik ruangah, daanngeilole ih palhnak ni a hruaisualmi i lo dingin leh nan Žhonak cu hmat lo dingah ralring uh. 18 Kan Bawipa leh Rungtu Jesuh Khrih ih veel leh amah nan tiahnak sungah Žhanglian uh. Amah hemah sunparnak cu atu leh kumkhua in om kau seh. Amen.