5
1 Kamah hrimhrim hruaitu pakhat leh Khrih ih tuarnakpawl tiahpitu, phuanlan thok mi sunlawinak a Žomtu pakhat iknak in khaw, nan lakih hruaitule ka tan torh hngai.
2 Nan zokhennak sungih a ommi Pathian turun cu khaal uh la, hnekcopnak in iloin lungpokte in, Pathian ni Žuansak a tan dawt hngai mangin, miat ciamco dingah iloin, lungthote in zokhen uh.
3 Nan zokhennak sungih a ommi pawl cu bawihnawh hlah uh, turun caah zohsunawk tu ii uh.
4 Culeh Tukhal Pitleng a lan tikah a uai dah lo mi sunlawinak lukhum nan ngah thok.
5 Acu mangin, nangmi kum a nodeuh mipawl ni kum upadeuh mipawl ih thu nan cangngai thok. Culeh pakhat leh pakhat nan pehtlaihtiaknak ah tangdornak in thuamtia uh, icatile
“Pathian ni mizumtia
a dokalh,
miŽhumniamtia zong cu
veel a ngeih.” Ref 5:5 Aan 3:34e
6 Curuangah Pathian ih kilkhawinak huham tangah niamcuh uh, cuticun a caan a zat tikah a tan hlirsang hngai taw.
7 A tan siaherh hngai ruangah nan thinharnak zate amah hemah Žhum uh.
8 Nanmah leh nanmah uktia uh la tiimvaar uh. Nan ral MiŽhalopa cu pakhatkhat kawhngah ding hrawlah Kiosa huk rero mangin a tan veel hngai lianglo.
9 Amah cu dokalh la uh, nan zumnak ah Žho uh, icatile vulei punpuluk ih nan unaupawl acumang tuarnak phun an tuar ve ti nan tiah.
10 Culeh cangkhatte sung nan tuarngah hnukah velngeihnak zate ih Pathian, kumkhua a sunparnak co dingin Khrih sungah a tan ko hngai tu, amah rori ni, a tan tungding, atan bawn, tha tanpia in a tan dinŽhosak hngai thok.
11 Amah hemah kumkhua in kumkhua huham hmun hram seh.
12 Hi laikuat tawite hi tha tan pia hngai ding leh hihi Pathian ih velngeihnak hmaan a ii ti simphuang dingah zumtlak unau pakhat ah ka ruahmi Silvanas ka ngan sak. Ahi sungah hin ding Žho uh.
13 Babilon ih a ommi nan tarnu – pawlpi, nanmah rum rilkhat a i mi ni biaksonnakpawl a tan kuat hngai, cun ka tiapa Marka ni khaw a tan kuat hngai.
14 Dawtnak ih hnamtiaknak in pakhat leh pakhat sawnbia tia uh. Khrih sungih a ommi nan zate hemah remdaihnak om kau seh.