4
1 Khrih cu tiksa in a tuar ruangah, a cumang tintahnak rum nanmah leh nanmah thuamtia ve uh (icatile tiksa in a tuar tupoh cu sualnak in an awl rom).
2 cuticun nan vulei nunnak a taang rihmi hmawh hi minung hiarnak mangin iloin Pathian thudawt in a nung taw cu.
3 Zentail-mipawl ih ti an dawt mi – thlahthlamtiaknak, hurnak, riitnak, nomcincennak, luantukih din, cun phunglam ngeiloih mepabiaknak, tiin caan za kau nan hmang rom.
4 Atu cu suptialoih sualnak nun ah nan telpi ti lo hi an khuaruah a har, curuangah an tan thangsiat.
5 Ihmansela mithi leh minung thuŽhen dingah ralring in a omtu hemah an thiltimi thuhla an simfiang leh thok.
6 Icatile ahihi kovawh mithi hem hman ih thuthangŽha simthan a iknak san cu, acucu micangte thuŽhen an ik mangin tiksa in thuŽhen i rom hman uh sela, Pathian a nun mangin thlarau in an nunnak dingah a ii.
7 Thil hmawhhmawh ih an dengnak cu a nai vel; curuangah, thlacam kho dingin mah le mah uktia uh la tiimvaar uh.
8 Acu hmawhhmawh cungah pakhat leh pakhat thukpi ih dawttiak hi thlah hlah uh, icatile dawtnak ni sual tampi a khum hngai.
9 Phunru loin pakhat leh pakhat parah khualŽha uh.
10 Pathian velngeihnak tampi kiltu iknak in, nan co vekmi itu laksawng rum khaw isela pakhat leh pakhat riantia uh.
11 Thusim tupoh ni Pathian ih thupawl rori sim mangin sim seh; mi a rian tupoh ni Pathian ih piakmi thazaang rum rian seh, acuti cun Jesuh Khrih thawngin Pathian cu thil zate ah sunparsak a i taw. Sunparnak leh huham cu kumkhua in kumkhua amah ih ta a ii. Amen.
12 Ka dawtmi le hngai, nanmah tan hniksak dingah nan lakih a tlung mi harsatnak rauhpi hi thil minhring nan parih tlung mangin nan donhar hlah uh.
13 Ihmansela Khrih ih tuarnakpawl a Žomtu nan iknak in nan lungawi uh, cuticun a sunparnak phuanlan a ik tikah nan ngetia thokih thanuamin khaw nan au thok.
14 Khrih ih min ruangah hmuhsit nan ik ahcun, Pathian ih Thlarau a i mi, sunlawinak Thlarau cu nan hemah a hmun ruangah mithluasuak nan ii.
15 Ihmansela nangmi cu ahuhman lainawng, titir, thawngthlak tlakih sual tu, thilsual pace vuatu, mi thu ih telhtiak ruangah cu i hlah seh.
16 Khristian iknak in nan tuar ahcun acucu mualpho ah ruat hlah uh, hih min nan ken ruangah Pathian tu sunparsak uh.
17 Icatile thuŽhennak cu Pathian ih innsang in a thawhnak caan a pha rom; kanmah hemih a thawh ahcun Pathian thuthangŽha a zul lo tupawl ih an netnak cu itumang helei a ik?
18 Culeh
“Midingfel ca-ih runmi ik
a harsa a ik ahcun,
Pathian irellotu leh
misualpawl cu
itu hilei an can?”Ref 4:18 Aan 11:31 rum a hnultia
19 Curuangah Pathian thudawt mangin a tuar tupawl ni cu thilŽha an vuak peh rero lio ah rinsantlakmi Seemsuahtu hemah anmah leh anmah aptia uh seh.