27
(Mar 15:1; Luk 23:1; Joh 18:28)
1 Mawla a ik vel tikah, tlangbawi upa zate leh khua Tlangsuak upapawl cu Jesuh ralsanin amah an thah daan thok thu hmunkhatah an rontia.
2 Jesuh cu hrenghri khuahin an pita ih mangki Pilat kut ah an ap.
(Tirh 1:18-19)
3 A leirawitupa Judas ni Jesuh cu that dingih thu an Žhen piak a hmuh tikah ngaisirtia in, ngun tangka sawmthum cu tlangbawi upapawl leh Tlangsuak upapawl hemah a khirh hngai.
4 “Sualnakngeilo mipa ka leirawi cu ka sual rom,” tiah a ti. Ihmansela anmimi ni, “Acucu kan ipoinak a i hraat ah? Namah thiamsual,” tiah an ti.
5 A ngun tangka cu Biakinn sungah zamtain a suak; culeh tatin amah leh amah a awkthat tia.
6 Ihmansela tlangbawi upale ni ngun tangka cu la in, “Hihi mi ih thisan luan nak ding tangka a ik ruangah hlawnthil khawlnak sungih siah phung a i lo,” tiah an ti.
7 An rontiak hnukah tluangmipawl vuinak ding hmun pakhat ah tiin amvuatu ih lo leinak ah an hmang.
8 Ahi thu ruangah acui lo cu Thisan Lo tiah nihinni tiang kawh a ii.
9 Acucu profet Jeremiah ih simtakmi “Israelpawl ni amah ih man zet dingah tiah an riteekmi man, ngun tangka sawmthum cu an la ih,
10 ‘Bawipa ni thu ama piak mangin amvuatu ih lo leinak ah an pia’Ref 27:9-10 Zek 11:12-13 timi a kimngah.”
(Mar 15:2-5; Luk 23:2-5; Joh 18:29-38a)
11 Jesuh cu mangkipa hmala ah a diing; culeh mangkipa ni, “Nang hi Judah Siangpahrang na ii maw?” tiah a thu a dil. Jesuh ni, “Acuticun na ti hin,” tiah a ti.
12 Ihmansela tlangbawi upapawl leh Tlangsuak upapawl ih sual an puh tikah a let hngai lo.
13 Cutikah Pilat ni, “Namah tan kalhin izet theih sual an tan puh ti na za lo maw?” tiah a ti.
14 Ihmansela a let lo, an puhmi pakhat te hman a let lo, curuangah Mangkipa cu a don a har ngaite.
(Mar 15:6-14; Luk 23:13-24; Joh 18:39-40)
15 Lontak Puai ah mangkipa ni mibuur ih dawtmi thawngtla pakhat a suah bil daan a ii.
16 Acui caan ah minsiangaimi thawngtla pakhat, Jesuh Barabbas timi pa a om.
17 Curuangah hmunkhatih an puntiak hnukah Pilat ni, “Jesuh Barabbas maw? iklole Messiah timi Jesuh, ahu tan suah piak hngai ningla nan daw?” tiah a ti hngai.
18 Icatile nahsuahnak in a ii Jesuh a hemih an ap ti a tiahthiam.
19 ThuŽhennak toŽhiang parih a to lio ah a nupi ni, “Cui sualnak ngei lomi pa rum itukhaw pehpontia hlah law, icatile amah thuhla ih ka mang ruangah nasatuk ka tuar rom,” tiah thu a cah.
20 Tlangbawi upapawl leh Tlangsuak upapawl ni mipi cu Barabbas thlahin Jesuh thah sak dingah an leem.
21 Mangkipa ni, “An pahnih ah ahu hi tan thlah piak hngai ningla nan daw?” tiah a ti hngai Žhan. Culeh anmimi ni, “Barabbas” tiah an ti.
22 Pilat ni, “I taw ah Messiah timi Jesuh teh khawti in ka ti thok hmen?” tiah a ti hngai. An zate ni, “Khentar ii seh!” tiah an ti.
23 Cutikah, “Icaah, itu thil sia a vua hmen?” tiah a dil hngai. Ihmansela, “Khentar ii seh,” tiah ngek deuhdeuh in an au hlehhlo.
(Mar 15:15; Luk 23:25; Joh 19:16)
24 Curuangah Pilat ni itu khaw a ti khawh lo zia, mipi buainak a thawh sawn zia a hmuh tikah, tii a la ih zapi hmaiah a kut Žawltia in, “Kei cu hi pa ih thihnak thu ah sualnak ka ngei lo; nanmah thiamsual,” tiah a ti.
25 Cutikah mipi ni an zate in, “A thisan cu kan mah leh kan tusintiale parah pha kau seh!” tiah an ti.
26 Curuangah Barabbas a thlah piak hngai ih Jesuh cu a vel sak hngai hnukah, thinglamtah ih khentar awkah a ap hngai.
(Mar 15:16-20)
27 Cuhnukah mangkipa ih ralkaple ni Jesuh cu mangkipa ih hmunpi ah an tahpi, culeh an ralkap bu khat pi cu a velkim kul tu ah an kokhawm.
28 A partlai phoih in puan sandup an thuan,
29 culeh Siangpahrang lukhum dingah hling an phiar hnukah a lu ah an khum. A vorhla kut ah tungkeu an put sakih, a hmaiah khukbilin, “Judah Siangpahrang aw, na nunkhua sau hram seh!”note 27:30 Dobiaknak, mi ni man zoh, kan aan man ngai dingih biak thawhnak aan a ii. Siangpahrang hemih aan ahcun atu ih leh daan hi a kaih kau. tiah an ti ih an hmusit.
30 Cilriit an sak, phongko an putsak mi la in a lu an velnak.
31 An hmusit hnukah a puan an hlitih amah ih partlai an sinthlai sak Žhan. Cuhnukah thinglamtah ih khentar dingin an tahpi mianmi.
(Mar 15:21-32; Luk 23:26-43; Joh 19:16b-27)
32 An suah ah, Sairin khua in Simon timi ah tuakih, Jesuh ih thinglamtah put an ceengkalh.
33 Culeh Golgotha timi hmun an pha (Luruh hmun tican a i),
34 hnitkha rum cawhmi sabit ti an tul, ihmansela, a tepih a din duh lo.
35 Culeh thinglamtah ih an khentar hnukah a partlaipawl cu tlinhngal dawkin an zemtia;
36 cuhnukah toin amah cu an kil langlang.
37 A lu cung ah amah an puhnak,
“Hihi Judah Siangpahrang,
Jesuh a ii,” timi an ngan.
38 Cuhnukah rokhmangle pahnih, a vorhla ah pakhat, a kehla ah pakhat amah rum thinglamtah ah an khengtar ve.
39 A lonpahtule ni an nihsan, an lu thinhnawhin,
40 “Nang biakinn Žhetin ni thum sungih satu thok hiteh, rung tia tuhmen! Pathian Tiapa i taw ci ah thinglamtah parin zongŽum la hete in,” tiah an ti.
41 Acu mangin tlangbawi upale ni khaw, daanzirhtupawl leh upapawl rum amah hmusitin,
42 “Mipace hmawh rung hngai hratin amah le mah hmawh a rungtia zo tal lo; Israel Siangpahrang a ii kovawh; atu hi thinglamtah parin zong Žum seh, cun kan zum thok.
43 Pathian a rinsan kovawh, Pathian ni a dawt ahcun atu rungsuak seh, ‘Pathian Tiapa ka ii’ a ti hin,” tiah an ti.
44 Amah rum thinglamtah ih khentarmi rokhmangle ni khaw acumang cun an direm ve.
(Mar 15:33-41; Luk 23:44-49; Joh 19:28-30)
45 Sunbir in sunhnuk nazi pathum tiang an ram punpuluk ah sunkhuamaw a tlung.
46 Culeh nazi pathum tlukah Jesuh cu, “Eli, Eli, lema sabakthani?” tiah aw dakpi in a hek, a tican cu, “Ka Pathian, ka Pathian, Icaah ama zamta?”Ref 27:46 Saam 22:1 tinak a ii.
47 A hrialkam ih diing tu mi hrekkhat ni acucu an zak tikah, “Hi pa hi Elijah a ko rero hi,” tiah an ti.
48 Avoikhatah an lakih mi pakhat ni zuangin puansia a la, sabitti ahaangmi sungah hnimin tungkeu parih a Žawn hnukah Jesuh ih tawp awkah a pia.
49 Ihmansela mipace ni, “Om rih, amah rung dingah Elijah pha leng lei maw ti zoh hnik le hu,” tiah an ti.
50 Cu cun Jesuh cu tiakpi in a hek Žhan ih a thaw a deng.
51 Acu fang ah Biakinn puanzaar cu cungla zim in tangla zim tiang pahnih ah a tlek. Ling a hnit, lungpawl an kuai.
52 Thlaanpawl khaw an hongtia, cun a thiciami mithiangle tlungpi khaw thawhsak an ii.
53 Jesuh a thawh hnukah thlaan sungin an suakih khua thianghlim ah lutin mi tlungpi hemah an lang.
54 Ralkapzabawi leh amah rum Jesuh a kil langlang tule ni linghnit leh thilcangmi an hmuh tikah an hrul ngaite ih, “Hi pa hi cu Pathian Tiapa i taktak ee!” tiah an ti.
55 Numi tlungpi khaw acunang ah an omih lamhla nawn in an zoh; anmimi cu Galilee peng in Jesuh dung an zulih amah an zokhen.
56 Anmah lakah Mari Magdalene, Jeim leh Josef ih nu Mari, cun Zebedi ih nupi an tel.
(Mar 15:42-47; Luk 23:50-56; Joh 19:38-42)
57 Simla a phat tikah, Jesuh ih dungzul a ita ve tu Josef timi milian pa cu Arimathea khua in a pha.
58 Pilat hemah tatin Jesuh ih ruak a dil; cutikah Pilat ni piak dingah thu a pia.
59 Curuangah Josef ni ruak cu la in sianglaraangr ‘sianglaraang’ ticu vo ta nemte in tahmi a ii, thih-rin ih siahtiakmi a ii. puannem thiangte in a zawl,
60 culeh lung a ker mi amah ih thlaan thar sungah a vui. Cuhnukah thlaanka ah lungpi thauhtain a tat mianmi.
61 Mari Magdalene leh Mari pace cu acunangah, thlaan ralcuan in an to.
62 A zingla ah, Tuahtimtiak ni hnuk tican, tlangbawi upapawl leh Farisipawl cu Pilat hmaiah khawmtia in,
63 “Bawipa, a khi mideupa ni a nun lio ah, ‘Ni thum hnukah ka tho Žhan thok’ a timi khi kan mang.
64 Curuangah ni thumnak tiang thlaan cu himsak dingah thu pia hngai law; culocu a kaizulle ni tatin an ru mianmi thok, cun mipawl cu, ‘Mithi lakin thawhsak a i rom’ tiah ti lei uh khawh, a netatleng mideuhnak hi a peitatleng ta vanin a rauhsawn thok,” tiah an ti.
65 Pilat ni, “Ralkap mikiltu pita uh la; tat uh, nan ti zo tawpin himsak uh” tiah a ti hngai.
66 Curuangah kiltu rum an tatih, lung cu tacik khenin thlaan cu an himsak.