1 Cuhnukah, “Vancung uknak cu himang hi a i thok. Lenghrimle pahra cu an meiinn kentia in nupitupa do dingah an tat. 2 Panga la cu an aa, panga cu an ting. 3 A aami ni an meiinn an lat tikah zinan an thuncih lo; 4 a inain a tingmi ni cu zinan thunmi palang rum an meiinnpawl an kentia. 5 Nupitupa a tlaai ruangah an zate an metsuakin an me. 6 A inain zanruang ah, ‘Zohhman uh! Nupitupa a pha hi! Amah dola dingah vasuak uh law’ timi au aw a thang. 7 Cutikah lenghrimle pahra cu hang thoin an meiinnpawl an hang tle. 8 A aale ni a tingle cu, ‘Nan zinan man rawi duau tuhmen uh, icatile kan meiinn an dimiarmo,’ tiah an ti. 9 A inain a tingle ni, ‘A ngah lo! Nan caah leh kan caah a daih in a om thok lo; a zuartule hemah tatin lei sawn uh,’ tiah an sawn. 10 Culeh lei dingin an tah tikah nupitupa cu a pha, cun a tiaritia mipawl cu amah rum tuartiak puai ah cun an lut; culeh sangka khar a ii. 11 Hnukdeuh ah a aami lengtiale cu an pha ve, culeh, ‘Bawipa, bawipa, sangka man hon,’ tiah an ti. 12 A inain, ‘Thungai in ka tan sim hngai, nangmi ka tan tiah hngai lo,’ tiah a sawn hngai. 13 Curuangah tiimvaar uh, icatile a ni leh caan nan tiah lo.

14 “Vancung uknak cu khual tlawn thok tu Mi pakhat, a salle hemih a ngeihmi kilsak hngai tu, mang a i thok. 15 Pakhat hemah talen panganote 25:15 Talen panga cu aculio ih mi pakhat ni kum 15 sung a hlawhmi zet a ii; denarii 5000 - 6000 lak zet a ii. pakhat hemah talen pahnih, pakhat hemah talen pakhat tiin, an thiltikhawhnak vek mangin a pia hngai. Cuhnukah a tat mianmi. 16 Talen panga a co tu cu avoikhat ah tatin sum a lehnak hngai ih talen panga a ngah beeng. 17 Acu mangin talen pahnih co tu ni khaw pahnih a ngah beeng. 18 A inain talen pakhat co tu ni cu tatin khur a saai ih a bawipa ih tangka cu a thup. 19 Caan saupi hnukah acui salle ih bawipa cu pha in an cazin a cekfel. 20 Cutikah talen panga a co tu cu talen panga ahlei kencih in hmala ah a suakih, ‘Bawipa, nang ni talen panga a ma pia ta; zohhman, talen panga ka ngah beeng hi’ tiah a ti. 21 A bawipa ni, ‘ÒuanŽha ci ee, sal Žha leh rinsantlak; nang cu thil tlawmte parah rinsantlak na i ta, curuangah thil tlungpi parih Žuanvo ngeitu ah ka tan vua thok; na bawipa ih lung awinak sung ah lut law,’ tiah a ti. 22 Culeh talen pahnih cotu pa khaw hmala ah suak vein, ‘Bawipa, nang ni talen pahnih a ma pia ta; zohhman, talen pahnih ka ngah beeng hi’ tiah a ti. 23 A bawipa ni, ‘ÒuanŽha ci ee, sal Žha leh rinsantlak; nang cu thil tlawmte parah rinsantlak na i ta; curuangah thil tlungpi parih Žuanvongeitu ah ka tan vua thok; na bawipa ih lungawinak sung ah lut law’ tiah a ti. 24 Cuhnukah talen pakhat cotu pa khaw hmala ah suak vein, ‘Bawipa, nang hi mi tifekfek, na tuh lonak ih rip, na vorh lonak ih khawmhmang na ii; 25 curuangah ka hrulih na talen cu khur sungah ka thup. Heh law, na thil cu na ngah kau hi’ tiah a ti. 26 A inain a bawipa, ni ‘Nang sal hrokhrawl leh miphen! Thlaici ka tuh lonak ah ka ripih, ka vorh lo nakah ka khawm ti cu na tiah ii maw? 27 A ik ah ka tangka cu tangka khawltule hemih khawlding na ii kovawh, cun ka kirŽhan la ah ka tangka cu a karh rum ngah hngen tur ing’ tiah a sawn. 28 “Curuangah talen cu a hemin la uh la talen pahra ngei tu pia uh. 29 Icatile a ngei tule zate hemah piak beeng an i thokih hleihluanin an ngei thok; a inain ituhman a ngei lo tule hemin cu an ngeihmi hman suh an i thok. 30 Hi sal santlailo pa hi cu Žahnak leh hacang rialnak thok hmun pawnla khuamaw lakah zam uh,” tiah a ti.

31 “Mi Tiapa cu siangpahrang in a sunparnak leh vanmi hmawhhmawh rum a phat tikah a sunparnak toŽhiang ah a to thok. 32 Miphun zate a hmaiah khawmtia lei uh khawh, tukhal ni tuu le me a thiat hngai mangin mipawl cu pakhat leh pakhat a thia hngai thok, 33 culeh tuule cu a vorhla ah omsak hngai lei khawh meele cu a kehla ah a omsak hngai thok. 34 Cuhnukah siangpahrang ni a vorhla ih a om tupawl cu, ‘Nangmi, ka Pa ih thluasuahmi le, suak uh la, vulei hrambin thawh pekin nan ca-ih tuahtim ciami vancung uknak hi ro ah co uh; 35 icatile ka ŽaŽhit ah caw a ma bar hngai, ka tihal ah din ding ama pia hngai, khualpa ka ik ah khual a ma tlunsak hngai, 36 partlailoin ka ik ah partlai a ma pia hngai, tiak ing khawh a ma tuamhlawm hngai, thawngtla ing khawh ama veh hngai,’ tiah a ti hngai. 37 Cutikah midingfelle ni, ‘Bawipa, khawcangah a ii na ŽaŽhit tan hmuin caw kan tan barh, na tihal tan hmuin din ding kan tan piak? 38 Cun khawcangah a ii khualpa na ik tan hmuin khual kan tan tlunsak, iklole partlailoin tan hmuin partlai kan tan piak? 39 Cun khawcangah a ii tiakin leh thawngtlain tan hmuin kan tan veh?’ tiah an sawn thok. 40 Culeh Siangpahrang ni, ‘Thungai in ka tan sim hngai, hi ka unaule lakih a tenautleng pakhat parih nan vuakmi cu ka parah nan vua’ tiah a sawn hngai thok. 41 Cuhnukah a kehla ih om le cu, ‘Nangmi aansia piakmi le hngai, ka hemin pok uh la Khawsia leh a vanmile ca-ih tuahtimciami kumkhua mei sung ah lut tia uh; 42 icatile ka ŽaŽhit ah caw a ma bar hngai lo, cun din Žha ituhman a ma pia hngai lo, 43 khualpa ii ing khawh khual a ma tlunsak hngai lo, partlailoin ii ing khawh partlai a ma pia hngai lo, ka damlo leh thawng ka to ah a ma veh hngai lo’ tiah a ti hngai thok. 44 Cutikah anmimi ni khaw, ‘Bawipa, khawcang ah a ii ŽaŽhi leh tihal in, iklole khualpa in, iklole partlailoin, iklole tiak leh thawng to ih na ik?’ tiah an sawn thok. 45 Cutikah ani ni, ‘Thungai in ka tan sim hngai, hile lakih a tenautleng pakhat parih nan vuak lo mi cu ka parah nan vua lo’ tiah a sawn hngai thok. 46 Culeh hile hi cu kumkhua hremhmun ah an tat thok, a inain midingfelle cu kumkhua nunnak ah an tat thok tiah a sawn hngai thok,” tiah a ti.