24
(Mar 13:1-2; Luk 21:5-6)
1 Jesuh cu Biakinn in a suakih a vah lio ah, a kaizulle ni Biakinn leh a hrialih inn sakmipawl hmuh dingin a hemah an pha.
2 Cutikah, “Hipawl hi nan hmu hngai a ilo maw? Thungai in ka tan sim hngai, lungpawl thuattia in mat an i thok lo; an zate beeu thlak an i leh thok,” tiah a ti hngai.
3 Oliv Tlang parih a to lio ah a kaizulle ni an bulte in an pha ih, “Acucu khawcangah a i thok, cun na phat thok leh san deng thok hmuhsaknak itu a i thok ti man sim hnik law,” tiah an ti.
4 Jesuh ni, “Ahu ni hman tan hruaisual lo dingin ralring uh.
5 Icatile mi tlungpi cu ka min kengin an pha thokih, ‘Kei hi Messiah cu ka ii’ titia in mi tlungpi an hruaisual thok.
6 Culeh raldohtiak leh ral thuhla dokthupawl nan za thok; nan thlakawk hlah uh la; icatile ahi cu a cang kau thok, a inain a dengnak cu a i rih lo.
7 Icatile miphun khat leh phun khat, ram khat leh ram khat ral an dotia thok, cun hmun cece ah mangŽam tlungin linghnit a om thok.
8 Ahi hmawh hi cu nausanpiak tiah hramthawhnak ceu a ii,” tiah a ti.
(Mar 13:9-13; Luk 21:12-19)
9 “Cutikah hrem awkah tan ap lei uh khawh an tan that hngai thok, cun kamah ruangah miphun kip ih huatmi nan i thok.
10 Cutikah mi tlungpi cu an zumnak thu ah an ngal thok, culeh khat le khat an leirawi tia, an huatia thok.
11 Cun ahman lomi profet tlungpi suak lei uh khawh mi tlungpi an hruaisual thok.
12 Culeh daanzulh lonak a karh ruangah mi tlungpi ih dawttiaknak cu a zor miarmo thok.
13 A inain a net tiang a diingŽho tu cu run a i thok.
14 Culeh vancung uknak thuthangŽha hi miphun zate ih zak ngah awk ah vulei cung hlawhin simthan a i thok; cun cuhnukah a dengnak a pha thok.
(Mar 13:14-23; Luk 17:23-24, 37; 21:20-24)
15 “Curuangah profet Daniel ih simtak mangin hmun thianghlim ah ningtirhŽha miŽhiautu a diin nan hmuh tikah (laireltu ni tiahthiam seh),
16 Judea peng ih a om tupawl cu tlang parah zuang uh seh;
17 inn parih a om tu cu inn sungih thil la dingin zong Žum hlah seh;
18 lo sungih om tu cu angkipawnthuah la dingah kir hlah seh.
19 Acui caan ih naupai leh nau hnawitawplio ngei tule cu an hmaka a pit!
20 Nan zuan caan cu isik sung, iklole sabbath ni ah i lo dingin thlacam uh.
21 Icatile cui caan ahcun vulei hramthawh in atu tiang a om thah rih lo mi, cun a om dah thok lo mi hartuarnak tiakpi a om thok.
22 Culeh a cui nipawl cu tawisak an ik lo ahcun ahuhman run an i thok lo; a inain rilmi le caah cun cui nipawl cu tawisak an i thok.
23 Cun mi pakhatkhat ni, ‘Zohhman uh! Hinang ah Messiah a om!’ iklole ‘Khinang ah cu a om!’ tiin maw a tan ti hngai ahcun zum duh hlah uh.
24 Icatile Messiah iksaktia leh ahman lomi profetpawl suak lei uh khawh, a cankhawh ahcun rilmipawl hman hruaisual khaitia in hmuhsaknak leh donharŽha tipawl an vua thok.
25 Ngai hman uh, an can hlanin ka tan sim hngai li.
26 Curuangah, ‘Zohhman uh! Amah cu hramlak ah a om,’ a tan ti hngai ahcun vasuah duh hlah uh. ‘Zohhman uh! Inn sungah a om’ a tan ti hngai ahcun zum duh hlah uh.
27 Icatile nisuahnakla in nimtla a kaau ih nilawhnakla tiangtiang a tlet mangin Mi Tiapa ih phatnak khaw a i leh thok.
28 Saruak omnak cangah langtapawl an khawmtia leh thok.
(Mar 13:24-27; Luk 21:25-28)
29 “Cui nicaan ih hartuarnakpawl hnukcaangte ah
ni cu mawtsak a i thok,
thlapa khaw a vaang
thok lo;
arsipawl vancung in
a tla thok,
cun vancung huhampawl
hnin an i thok. Ref 24:29 Isa 13:10; Eze 32:7; Joe 2:10, 31; 3:15
30 Cuhnukah Mi Tiapa hmuhsaknak cu vancung ah a lang thok, culeh vulei parih hrin zate an Žap thokih, ‘Mi Tiapa cu vancung meici parin’ huham leh sunlawinak nasangai rum a phat an hmu thok.
31 Culeh a vanmile cu tawtawrawt tiakpi ih tum aw rum thlah hngai lei khawh, vulei dengnak in van dengnak tiang, vulei kil li ih a rilmi le an khawm thok.
(Mar 13:28-31; Luk 21:29-33)
32 “Theikung hemin a thuzirhmi cu zir uh. A tleengno an khawt ih a hnahno an cerh vete in khuaŽhal a nai ti nan tiah.
33 Cumang vein, hi thil hmawhhmawh nan hmuh tikah, Mi Tiapa cu kotka rori, nan hrialte a pha ti nan tiah thok.
34 Thungai in ka tan sim hngai, hi thipawl an can remro hlansung cu hi san hi a liam thok lo.
35 Van leh vulei cu an hmun ringring thok lo, a inain ka aankapawl hi cu an hmun ringring thok.
(Mar 13:32-37; Luk 17:26-27, 34-35; 21:34-36)
36 “A inain cui ni leh caan cu ahuhman ni an tiah lo, vancung ih vanmipawl ni iseh, Tiapa ni iseh, an tiah cuang lo, Pa ceu ni a tiah.
37 Noah san lio ih nicaanpawl mangin Mi Tiapa phatnak thok khaw a i ve thok.
38 Icatile tinik tlun hlan nicaanpawl ahcun, lawng sungih Noah a luh ni a phat hlansung cu an aw in an ding, nu an pi, pumah an ngei.
39 Tinik tlungin a nong hngai remro hlansung cu ituhman an tiah lo, acumang ve cun Mi Tiapa phatnak khaw a i thok.
40 Cutikah mi pahnih lo sungah an om thokih; pakhat cu lat i lei khawh pakhat cu mattak a i thok.
41 Numi pahnih sum an ruantiaq Žhuantia ti kan omthokih, pakhat cu lat i lei khawh pakhat cu mattak a i thok.
42 Curuangah tiimvaar uh, icatile nan Bawipa khawcang ni ih a phat thok nan tiah lo.
43 A inain hihi cu tiahthiam uh: inn ngeitu ni zan khawcang fang ih mitir a phat thok tiah ta sela cu thinhrip tur khawh, mitir cu a inn bauh sakin a luh sak thok lo.
44 Curuangah nangmi khaw mantia in nan om thok, icatile Mi Tiapa cu rinlo caan ah a pha thok.
(Luk 12:41-48)
45 “Ahu hemaw a bawipa ni a innsang parih Žuanvongeitu ding, a salle pace a caante ah an caw awk thok zem hngai dingih Žuanvo a piakmi rinsantlak leh a tingmi sal cu?
46 A bawipa a phat tikih rianŽuanin a hmuh mi sal cu mithluasuak a ii.
47 Thungai in ka tan sim hngai, acu pa cu a ngeihsiah zate parih Žuanvongeitu ah a vua thok.
48 A inain sal hrokhrawl ni cu amah le mah, ‘Ka bawipa cu a phat tlaai vaih lei in’ ti tia in,
49 a sal Žuanpi-le cu thawi hngai in, zurile rum aw le dingin a om ahcun,
50 acui sal ih bawipa cu a rinlo ni leh a tiah lo caan te ah a pha thok.
51 Acu pa cu hremnote 24:51 Canzaan tiah a let an om. lei khawh, Žahnak leh hacang rialnak thok hmun ah mitisaktiale rum a sia hngai thok.