23
(Mar 12:38-40; Luk 20:45-7)
Cuhnukah Jesuh ni mibuurpawl leh a kaizulle cu, Daanzirhtupawl leh Farisipawl cu Moses ih tonak ah an to; curuangah an tan zirhmi itu khaw Žuan lei cu khawh zul uh; a inain an Žuan mangin cu Žuan ve hlah uh, icatile an zirh mangin an nunpi lo. Anmimi ni cu phurh harmi thilrit Žawnin mi liang parah an suan; a inain anmah ni cu an kut zim ih hnial hman an daw lo. An thiltimi hmawhhmawh cu mipace ih hmuh awkin an ti; an lu leh an baan parih Lai Thianghlim ngannote 23:5 Saphaw kuang te sungah sia in, an lu leh baan ah an saam. in an Žawntiaknak khaw an kauhsak, an angki zim khaw tual in an vua. Cawdoh puai ih upatnak hmun, sinakok ih tonak Žhatleng, dawrhmun ah upatnak rum domi ik, cun mi ni ‘Rabbi, Rabbi’ tiih an kawh khi an daw. A inain nangmi cu ‘Rabbi’ tiah kawh thok nan i lopi, icatile zirhtu pakhat ceu nan ngei ih, nan zate zirtu nan ii. Culeh vulei parah cu ahuhman “pa” tiah ko hlah uh, icatile vancung ih a ommi Pa pakhat nan ngei. 10 Mizirhtule tiah kawh thok khaw nan i lo, icatile mizirhtu pakhat, Messiah nan ngei. 11 Nanmah lakih a pipatleng cu nan tungsau a i thok. 12 Anmah le mah a hlirsangtia tu hmawhhmawh cu Žhum i lei uh khawh, mah le mah a Žhumtia tu hmawhhmawh cu hlirsan an i thok. 13 “A inain, nangmi Daanzirhtupawl leh Farisipawl, mitisaktiale hngai, nan hmaka a pit! Icatile mipace cu vancung uknak sangka nan hei khar ta. Nanmah le nan lut Žung lo, mi an luh ah le nan dawn Žung. 14 Nangmi daanzirhtupawl leh Farisipawl, mitisaktiale hngai, nan hmaka a pit! Icatile nuhmeile ih inn rokin an ngeihsiah nan dinghmuar, cun lan dawt ah saupipi in thla nan cam; curuangah nangmi hi sual thuŽhennak ngekdeuh nan tuak thok. 15 Nangmi daanzirhtupawl leh Farisipawl, mitisaktiale hngai, nan hmaka a pit! Icatile lungthlengmi pakhat ngah dingah ti par leh lei par in khual nan tlawn, culeh lungthleng tharmi nan ngah tikah nanmah mang a lethnih in hell tuar dingah nan vua. 16 “Nangmi, ‘Biakinn min saalin thu a khaamtia tupoh cu ituhman ni a ŽawnŽem lo, a inain Biakinn sui min saalin thu a khaamtia tupoh cu a thukhaam ni a ŽawnŽem’ a ti tu, lampitu mitcawle hngai, nan hmaka a pit! 17 Nangmi mitcaw miaale! Sui maw, sui thianghlim in a vua tu Biakinn khaw mang nasasawn hmen? 18 Culeh, ‘Pakawh min saalin thu a khaamtia tupoh cu ituhman ni a ŽawnŽem lo, a inain pakawh parih siahmi ahlu min saalin thu a khamtia tupoh cu thukhaam ni a ŽawnŽem’ tiah nan ti. 19 Itluk nan mit a caw! Ahlu maw, ahlu thianghlim in a vua tu pakawh khawmang nasasawn hmen? 20 Curuangah pakawh min saalin thu a khaamtia tupoh ni pakawh leh a parih ommi izongza min saalin thu a khaam tia; 21 culeh Biakinn min saalin thu a khaamtia tupoh ni Biakinn leh a sungih a om tu min saalin thu a khaamtia, 22 culeh vancung min saalin thu a khaamtia tupoh ni Pathian toŽhiang leh a parih to tu min saalin thu a khaamtia. 23 “Nangmi daanzirhtupawl leh Farisipawl, mitisaktiale hngai, nan hmaka a pit! Icatile putinan, thakser leh aihre cu Žhen hra ah Žhen khat nan pia, culeh thukhaam ih a thupi deuhmi: thulairelnak, naktiahnak leh zumtlaknak tipawl cu nan dungtun kovawh. Apacepawl khaw dungtun cuang loin, ahipawl hi an ii nan nunpi thok mi cu! 24 Nangmi lampitu mitcawle! Thothe cu nan hap nain kalauk cu nan dolh! 25 Nangmi daanzirhtupawl leh Farisipawl, mitisaktiale hngai! Nan hai leh pakan cu a pawnla nan Žawl, a inain a sungla cu duhhamnak leh mahzawn ceu ruahtiaknak in ngahmi awk leh din rum an khat. 26 Nangmi Farisi mitcaw hngai! Peitlengah hai cu a sungla Žawl uh la, cuticun a pawnla khaw a thianghlimmi ah a cang ve thok. 27 “Nangmi daanzirhtupawl leh Farisipawl, mitisaktiale hngai, nan hmaka a pit! Icatile nangmi cu siraang hnulhmi thlaanpawl, pawnla zoh ahcun mawi ih lang, a inain sungla hmawh mithi ruhpawl leh ningtirhŽha phun kim ih khat mang nan ii. 28 Cuticun nangmi khaw pawnla ahcun mi dingfel tiin mi hemah nan lang, a inain sungla ahcun tisaktiaknak leh daanzulh lonak rum nan khat. 29 “Nangmi daanzirhtupawl leh Farisipawl, mitisaktiale hngai, nan hmaka a pit! Icatile profetpawl an thlaan ŽhaŽha nan vuak ih midingfelle ih thlaanlung cu mawi kau in nan vua, 30 culeh, ‘Kan pupale san ah nung ta hula cu profetpawl thihnai luansaknak ah kan tel ta thok lo nain hepan’ nan ti. 31 Cuticun nanmah ralsantia in, profetpawl that tule ih tutiale nan ik nan phuangtia. 32 Nan pupale ih an Žuan thawh takmi cu nangmi ni uuk lawlaw hngeen uh. 33 Nangmi rulpawl, sivaingeimi rul hrinle hngai! Hell note 23:33 ‘Hell’ ticu hremhmun tican a ii. tla dingih thuŽhen tuahnak in luat dingah khawti in nan ringtia thiam? 34 Curuangah nan hemah profetpawl, mitingpawl leh daanzirhtu ka thlah hngai, a hrekkhat nan that ih thinglamtah ah nan khengtar thok, a hrekkhat nan sinakok ah vel dingin khua khat hnuk khua khat nan dawi thok, 35 Cuticun midingfel Abel ih thawhin Biakinn leh pakawh karlakih nan thahmi Zekhariah – Barakhiah ih tiapa – thisan tiang, midingfel hmawhhmawh ih thisan vulei parih thletmi cu nan parah a tlung thok. 36 Thungai in ka tan sim hngai, hi thil zate hi atu san minungpawl parah a tlung thok.
(Luk 13:34-35)
37 “Maw Jerusalem, Jerusalem, a hemih thlahmi profetpawl that hngai leh lungphon hngai tu khualipi! Arpinu ni a tiale a thla tangih a huh hngai mangin na tiale huh hngai ding ka dawt ŽiuŽeu zia cu, nang ni le daw hlah ci! 38 Zohhman, na inn cu Žhingramkau ka tan mat hi! 39 Icatile ka tan sim, ‘Bawipa ih min in a pha tu cu mi thluasuak a ii’ na ti hlansung cu ama hmu ti thok lo,” tiah a ti.