17
(Mar 9:2-8; Luk 9:28-36; 1Pet 1:16-18)
Ni ruk hnukah, Jesuh ni Piter leh Jeim leh a naupa Johan pita hngai in anmah ceu tlang sang pakhat ah a kaipi hngai. Culeh an hmuhhnganah a muihmel a thlengtia, a hmai cu ni mangin a tlaang, a partlai cu tle serso ih raang ah a cang. Moses leh Elijah an lang dukdi ih Jesuh thu an thluk rero. Cutikah Piter ni Jesuh cu, “Bawipa, hinangih ik hi a man Žhat; daw la cu thlaam pathum sa tur ing, pakhat na caah, pakhat Moses caah leh pakhat Elijah caah,” tiah a ti. A an rero lio ah a tlemi meici ni a hneep hngai, culeh meici sungin aw pakhat ni, “Hihi ka Dawtngaimi ka Tiapa a ii, a parah ka lung a hmui hngai; a thu ngai lei cu!” tiah a ti. Kaizulle ni acucu an zak tikah hrul ni a hre hngai ih khur ah an bok. Ihmansela Jesuh ni pha hngai in, a tongtham hngai ih, “Tho uh law, hrul hlah uh maw,” tiah a ti hngai. Culeh khua an han zoh tikah Jesuh amah pakhat simlo ahuhman an hmu lo. Tlang in an zong Žum thah ah Jesuh ni, “Hi lansaknak nan hmuhmi hi Mi Tiapa cu mithi lakin thawhsak a ik hlansung ahuhman sim hlah uh la,” tiah a kaa hngai. 10 Culeh a kaizulle ni, “Icaah daanzirhtule ni Elijah a pha peita thok tiah an ti Žung hmen?” tiah an dil. 11 Jesuh ni, “Elijah cu pha ngaingai lei khawh thil hmawhhmawh a tungdingŽhan hngai thok; 12 a inain, Elijah cu a pha romih an tiahthiam lo, an dawtpasang in an tila, ti ka tan sim hngai. Curuangah Mi Tiapa khaw an kut ah a tuar vel thok,” tiah a sawn hngai. 13 Kaizulle ni cu Timihnimtu Johan ih thu a sim hngai ti an tiahthiam.
(Mar 9:14-29; Luk 9:37-43a)
14 Mibuur hem an phat tikah, pakhat pa ni pha in, a hmala ah a khuk a bilih, 15 “Bawipa, ka tiapa hi naktiah hram, icatile amah hi thihtlun tiahherh a ngei ih, tiŽhaloin a tuar; mei sung leh ti sung ah a tla bil. 16 Na kaizulle hem ka phatpi nain an damsak zo lo,” tiah a ti. 17 Jesuh ni, “Nangmi zumnakngeilo leh san rawkcat, i hlet theih ka tan ompi hngai beeng thok? Ihlet theih ka tan in hngai beeng thok? Hinang ka hemah hruai hnik,” tiah a sawn. 18 Culeh Jesuh ni khawsia cu a hro ih a cu pa sung cun a vasuak, cun tepangpa cu a dam lohli. 19 Cutikah kaizulle ni anmah bulte in Jesuh hemah pha in, “Icaah keimi hmawh kan Žhawl ta zo lo a he?” tiah an dil. 20 Ani ni, “Nan zumnak a tlawmte ruangah a ii. Icatile, zumnak mumiang cii tia nan ngeih ahcun hi tlang hemah, ‘Hinang hin cunangah thawntia’ ti uh la a thawntia thok; cun nan caah a cangthiam lomi ituhman a om thok lo. [\v 21 ‘Himang phun hi cu thlacamnak leh cawulhnak simlo in an Žhawl ngah lo,’ tiah a ti hngai.]note 17:21 Kutnganbu hrekkhat ah hihi a om lo.
(Mar 9:30-32; Luk 9:43b-45)
22 Kaizulle cu Galilee ih an von tumtiak tikah Jesuh ni, “Mi Tiapa cu minungpawl kut ah leirawi a i thok, 23 cun an that thokih a ni thumnak ah thawhsak a i thok,” tiah a ti hngai. Kaizulle cu an thin a tiak ngaite.
24 Kapernaum khua an phat tikah biakinn ngunkhuai khuantule cu Piter hemah pha in, “Nan zirhtupa hi biakinn ngunkhuai pe na kau im?” tiah an dil. 25 Ani ni, “Pia ee, a pe kau,” tiah a ti. Culeh inn ih a Žiin tikah Jesuh ni a cui thu cu aan khelin, “Khawti in ruat ci, Simon? Vulei cung siangpahrangpawl ni ahu hemin a ii thilluhpi man, iklole ngunkhuai an lat? Anmah ramsungmi hemin maw, iklole ramcemi hemin?” tiah a dil. 26 Piter ni, “Ramcemi hemin,” tiah a ti tikah Jesuh ni, “I taw ah ramsungmi cu an luat bol. 27 A i nakauin, an lungtluang loin vua pang lei-a hu, rili ah tat lei ci khawh nga tun; na awh peitlengmi la hruak; a kaa na keu tikah tangka sa didrakmanote 17:27 Didrakma pahnih cu Grik tangka Stater pakhat a ii, Drakma cu denarii rum ruangih ruah a ik ruangah Denarii pahnih tinak a ii. na hmu thok; la in kan pahnih caah pia hngai,” tiah a ti.