15
(Mar 7:1-13)
1 Cuhnukah Farisipawl leh, daanzirhtule cu Jerusalem in Jesuh hemah an pha ih,
2 “Icaah na kaizulle ni caw an awk hlanah an kut Žawl tia pei loin pupale ih thurosiahi Ro mangih cah leh siah takmi thu an buar?” tiah an ti.
3 Jesuh ni, “Nangmi teh icaah nan thurosiah zulh dawt ah Pathian thukhaam nan buar hmen?
4 Icatile Pathian ni, ‘Na pa leh na nu upat,’ cun, ‘A pa maw a nu maw ih siatnak a ang tupoh a thi hrimhrim thok’ tiah a ti.
5 A inain nangmi ni cu a pa maw, a nu maw, ‘Ka hemin na ngah dingmi bonnak cu korbannote 15:5 Pathian hemih piakmi ahlu. a ii,’ tiah a ti tupoh a pa iseh, a nu iseh, upat a Žul lo nan ti.
6 Curuangah, nanmah ih thurosiah zulh dawt ah Pathian aanka ivongvalo ah nan cansak he te in.
7 Nangmi mitisaktiapawl! Isaiah ni,
8 “‘Hilepawl ni an kapawn
in cu a ma upat hngai kau,
a inain an thinlung cu
a ma hlat hngai;
9 a ma biak hngai khaw
hoitlawi a ii,
minung ih vuakcopmi
zulhding daan khi
thupon phun in an zirhtia’Ref 15:8-9 Isa 29:13
tiah a ti ah khin nan thuhla hmanngai in a simcia,” tiah a sawn hngai.
(Mar 7:14-23)
10 Cuhnukah mibuur cu a hemah ko hngai in, “Ngai uh la tiahthiam uh:
11 mi pakhat a hnomtamsaktu cu kaa sungih a lutmi a i lo, kaa sungin a vasuakmi tu a ii,” tiah a ti hngai.
12 Cutikah kaizulle ni panin, “Farisi-le cu na simmi an zak tikah an thin a kheuh hngai ti tiah cim?” tiah an ti.
13 Jesuh ni, “Vancung ih ommi ka Pa ni a tuh lo mi kung poh cu a hram in phawh an i thok.
14 Ahile hi siaherhj ‘lamhar’ ti ih hmang kan om duh hlah uh; mitcaw lampitu mitcaw an ii kovawh. Mitcaw pakhat ni mitcaw pace lam a pit ahcun an pahnih khurawng ah an tla thok,” tiah a ti hngai.
15 Piter ni, “Hi thuŽhim hi man simfiang tu hmen,” tiah a ti.
16 Cutikah Jesuh ni, “Nangmi teh nan tiahthiam rih lo maw?
17 Kaa sungih a lutmi itukhaw pun sung ah lutin, a va suak hoi ti nan hmu lo maw?
18 A inain kaa sungin a vasuakmi cu thinlung in a hangsuaksin ih, ahihi a ii mi hnomtamsak tu cu.
19 Icatile thinlung sungin a ii tintahmi Žhalo: lainawn, nuriimpariim sual, numi pami pawltiak sual, titir, ilopiih thudinpi, mirawn tipawl an vasuah.
20 Hipawl hi mi pakhat hnomtamsaktu an ii, a inain Žawl lomi kut in caw awk ni cu mi a hnomtamsak lo,” tiah a ti.
(Mar 7:24-30)
21 Jesuh cu acui hmun in a pokih Tai-ar leh Sidon peng laah a hang tat.
22 Acuhnuk te ah acu hrialkam ih omtu Kanaan-mi numi pakhat pha in, “Bawipa, David Tiapa, ka parah veel ngei hram; khawsia ni ka tianu harnak a pia,” tiah a kuirak.
23 Ihmansela Jesuh ni a sawn rau lo. Culeh a kaizulle ni pha in, “Hi nu hi tlunsak mianmi, icatile kan dungin a man heh reuri,” tiah an torh.
24 Jesuh ni, “Kei hmawh tuhma Israelmi hem ceu ah thlah ka ii kovawh,” tiah a sawn.
25 Ihmansela acu nu ni pha in a hmaiah a khuk a bilih, “Bawipa, ma bawn kau law,” tiah a ti.
26 Jesuh ni, “Tiale ih caw uico hnawh cu a mawi tal lo,” tiah a sawn.
27 Ani ni, “A inain, Bawipa, uicopawl ni khaw an bawile ih cabuai in a tlami cawlek tal cu an aw hete in,” tiah a ti.
28 Cutikah Jesuh ni, “Minu, na zumnak cu a makk ‘mak’ ticu men lo, nasa, pipa, donharŽha simnak deuh a ii kau a ii. Na dawt mangin tan vuak piak i kau seh,” tiah a sawn. Culeh a tianu cu acucaangin a dam.
(Mar 7:31-37)
29 Jesuh cu cui hmun a mattak hnukah a zongih Galilee Rili kap tluan a vak, cun tlang a hang kai ih a to.
30 Mibuur pipi ni kebai, misialo, mitcaw, angthiamlo leh a pace tlungpi pitain a hemah an pha. A ke hramah an siah ih a damsak hngai.
31 Curuangah angthiamlo an aan, misialo an damngah, kebai lam an vah leh mitcaw khua an hmuh cu mibuur ni an hmu ih an don a har. Culeh Israel Pathian cu an thangŽhat.
(Mar 8:1-10)
32 Cuhnukah Jesuh ni a kaizulle a hemah ko hngai in, “Hi mibuur hi ka hemah ni thum theih an om romih, awkŽha ituhman an ngeihlo ruangah ka phusa an hik ngaite. ŽaŽhi ih tlunsak hngai cu ka daw lo, icatile lam ah an bah kho men,”l ‘bah’ ticu ŽaŽhi ih vah zo ti lo. tiah a ti.
33 Kaizulle ni, “Mibuur hi zet pi doh ding daih sang ramŽhing ah hin khawnang ah kan ngah thok hmen?” tiah an ti.
34 Jesuh ni, “Sang hlom zet ngei hmen cu?” tiah a dil hngai. “Hlom sarih, cun nganawi sa tlawmte,” tiah an sawn.
35 Cutikah mibuur cu khur parah to dingin thu a pia hngai,
36 sang hlom sarih leh nga cu a la; culeh lungawithu a sim hnukah seuin kaizulle a pia hngai, cun kaizulle ni mibuurpawl an zem sin.
37 An zate ni an aw-ih an khim; culeh an hlahmi a ningnawipawl cu an sarih pulung sarih a khat.
38 A aw tupawl cu numi leh tepang simlo patling thawng li an ii.
39 Mibuurpawl a Žiinsak hngai mianmi hnukah lawng sung ah lutin Magadan ramm Hinang ih Ram hi Haitui ram, Hata ram timang pawl a ii. ah a tat.