12
(Mar 2:23-28; Luk 6:1-6)
Acu hnuk deuh ah Jesuh cu Sabbath ni ah sangvut lo sung zulin a tat; a kaizulle cu an Ža a Žhiih sangvut vuipawl zutin an bar. Farisi-le ni acucu an hmuh tikah Jesuh cu, “Zoh hnik, na kaizulle hi sabbath ni ih vuak phung a i lomi an vua rero,” tiah an ti. Jesuh ni, “David ni a rualcomle rum an ŽaŽhit lio ah itu a vua ta ti nan rel rom lo hmen maw? Pathian inn ah a lutih tlangbawi simlo, amah caah iklole a rualcomle caah khaw awk phung a i lomi Bawi Sang a aw hete in. Iklole Daan sungah biakinn ih tlangbawile ni sabbath ni ah sabbath an buar nain an mawh tiin ruah an i lo ti teh nan rel rom lo maw? Ka tan sim hngai, Biakinn vanin pipasawn mi hinangah hin a om. A inain, ‘Raihriktiak iloin naktiahnak ka daw’ timi ih sullam tiah uh la cu mawhngei lomi cu nan mawhsak thok lo nain maw. Icatile Mi Tiapa hi sabbath ni ih Bawi a ii,” tiah a ti hngai.
(Mar 3:1-6; Luk 6:6-11)
Jesuh cu cui hmun in a suakih an sinakok ah a lut; 10 acunangah a kut a zengmi pa a om, culeh Jesuh cu sual an puh khawhnak dingah, “Nizarh ni ah midamsak a phung ii im?” tiah an dil. 11 Jesuh ni, “Nan lakih pakhatkhat ni tuu pakhat te ceu ngei sela, sabbath ni ah khurkuarpi sungah tla sela; domin nan suah thok lo hmen maw? 12 Minung pakhat cu tuu pakhat vanin ii tlukin a man a khungsawn punpah! Curuangah sabbath ni ah thilŽha vuak cu a phung a i kau,” tiah a ti hngai. 13 Cuhnukah kutzengpa cu, “Na kut thlam hnik,” tiah a ti. A kut cu a thlam ih khat la mangin a damngahŽhan. 14 Ihmansela Farisi-le cu suakin amah an thah ding daan thu an phiarthup.
15 Jesuh ni acucu a tiahthiam tikah, a poksuak. Mibuur tlungpi ni an zul, culeh an zate a damsak hngai, 16 cun ahu a ik mi tiahsak lo dingah thu a kaa hngai. 17 Ahihi profet Isaiah hemin:
18 “Hinangah hin a ma riantu,
ka rilmi, ka dawtngaimi,
a parih ka lunghmui ngai mi
a om.
A parah ka Thlarau
ka sia thokih,
Zentail-mipawl hemah
dinghmannak a simthan thok.
19 Thu al a hmang thok lo ih,
a kiurak riangro thok lo,
lamlak ah khaw huhman ni
a aw an za thok lo.
20 Dinghmannak cu nehnak ih
a cansak hlansung,
phet kung kawi hman
a ek thok loih,
meica khu fangfang hman
a di thok lo.
21 Amah cu Zentail-mipawl ni
an ruahsan thok,”
tiih aantakmi a kimngahnak ding a ii.
(Mar 3:19b-30; Luk 11:14-23)
22 Cuhnukah khawsia hrolhtiakmi, mitcaw leh angthiamlo pakhat Jesuh hemah an pita; culeh a damsak ih angthiamin khua khaw a hmu. 23 Mibuur hmawhhmawh an donharin, “Hi pa hi David Tiapa i kho nala im?” tiah an ti. 24 Ihmansela Farisi-le ni an zak tikah, “Hi pa ih khawsiale a Žhawl hngai cu khawsiale uktu Beelzebul thawngin ceu a i kau cuh,” tiah an ti. 25 Jesuh ni an ruahmi cu a tiah ih, “Amah le mah kalhtia ih a Žhentiami ram poh ramŽhing a cang, culeh amah le mah kalhtia ih a Žhentiami khuapi iseh, innsang iseh, a Žho zo lo. 26 Satan ni Satan a Žhawl ahcun, amah le mah kalhtia in a Žhentia; khawti in i lei a ram cu a din zo? 27 Kei ni khawsiale hi Beelzebul thawngin ka Žhawl hngai i taw ah, nan khawsia Žhawltupawl ni teh ahu ih thawngin an Žhawl hmen? Curuangah anmahpawl cu nanmahpawl ih thuŽhentu an i leh thok. 28 A inain Pathian Thlarau thawngin khawsiale ka Žhawl hngai i taw ah, Pathian uknak cu nan hemah a pha rom a ii. 29 A ikloah, midik pa cu ponhreng peita loin ahu ni a inn ah khawti in lutin a ngeihsiah sut thiam lei? Ponhreen peitat hnukah ceu a inn bauh khawh a ii. 30 Kamah rum a Žangkhat lo tupoh ni cu a ma dokalh, cun kamah rum a khawmkhat lo tupoh ni cu a Žhenzar. 31 Curuangah ka tan sim hngai, minungpawl cu an sualnak leh an mithangsiatnak hmawhhmawh caah ngaidam an i thok, a inain Thlarau thangsiat cu ngaidam a i thok lo. 32 Mi Tiapa dokalh ih a awn-ang tupoh ngaidam an i thok, a inain Thiang Thlarau dokalh ih awn-ang tupoh hi san ah iseh, a pha leimi san ah iseh, ngaidam a i thok lo.
(Mat 7:15-20)
33 “Thingkung cu Žhatsak ahcun a vuang a Žha; iklole siatsak ahcun a vuang a sia; icatile thingkung cu a vuang in tiahthiam a ii. 34 Nangmi sivaingeimi rul citlaang hngai! Nanmah hmawh mi Žhalo i hngai hrating 12:34 Varalla ni hlakhliin kan ti. khawti in thil Žha cu nan ang thiam? Icatile thinlung ih khatliammi a ii kaa ni a hei on-aan. 35 Mi Žha ni cu a Žhami thilkhawlnak sungin thil Žha a heisuah, cun mi Žhalo ni cu a siami thilkhawlnak sungin thil sia a heisuah. 36 Ka tan sim hngai, thuŽhen ni ahcun ralringlo ih nan on-anmi zate parah ituruangah nan ang ti nan sim a Žul leh thok; 37 icatile nan aanmi in miding iksak nan i thokih, nan aanmi in misual tiih hnon nan i leh thok,” tiah a ti hngai.
(Luk 11:29-32)
38 Cuhnukah daanzirhtu leh Farisi-le hrekkhat ni, “Zirhtupa, na hemin hmuhsaknak pakhat cu hmuh daw hu ee,” tiah an ti. 39 Ihmansela, “San Žhalo leh Pathian irello ni hmuhsaknak mi dil an ii, a inain profet Jonah in hmuhsaknak dah tilo itu hmuhsaknak khaw piak an i thok lo. 40 Icatile Jonah cu ngapi pun sungah sun thum leh zan thum a om tak mangin Mi Tiapa khaw khur sungah sun thum leh zan thum a om ve thok. 41 Nineveh khuamipawl cu thuŽhen ni ah hi san mipawl rum hang tho lei uh khawh, hi san mipawl hi misual tiah thu an Žhen piak hngai thok, icatile anmimi cu Jonah ih thusimthan ah khin an sual an rim; zohhman uh, Jonah van pipasawn mi hinangah a om! 42 Thlanglanote 12:42 Sheba ram tican. ih Siangpahrangnu cu thuŽhen tikah hi san mipawl rum thoin anmah khi misual tiah thu a Žhen piak hngai thok. Icatile Solomon ih tinnak ngai dingah vulei dengnak in a pha; zohhman uh, Solomon van pipasawn mi hinangah a om!
(Luk 11:24-26)
43 “Thlarau thianglo cu mi pakhat sungin a vasuah tikah, ti om lonak ramcarpawl ah a lawnglengtia ih cawlhngatnak hmun a hrawl, a inain a hmu lo. 44 Cutikah, ‘Ka suahtaknak inn ah ka kirŽhan thok,’ tiah a ti. A phat tikah inn cu a tlongpi, phiaktia leh Žhate ih kinkhawitia in a hmu. 45 Cutikah a tatih amah vanin asiava sawnmi thlarau pace pasarih a pita hngai, an lut ih acunang ahcun an om; culeh cu pa ih a omdan netatleng cu a peita vanin a rauhsawn. Cuticun hi san Žhalo hi khaw a i ve thok,” tiah a sawn hngai.
(Mar 3:31-35; Luk 8:19-21)
46 Jesuh cu mibuurpawl hemih a an rero lio ah a nu leh a naule cu amah biak dawin pawnla ah an ding. 47 Mi pakhat ni, “Zohhman, na nu leh na naule tan biak dawin pawnla ah an ding,” tiah a ti. 48 Ihmansela acutiih a sim tu pa hemah Jesuh ni, “Ka nu cu ahu a i hmen? Cun ka naule teh hule an i hmen?” tiah a sawn. 49 Culeh a kaizulle khiit hngai in, “Hinangah hi ka nu leh ka naule an om hi! 50 Icatile vanih ka Pa dawtzawng a vua tupoh cu ka nau, ka tar leh ka nu an ii,” tiah a ti.