9
1 Cun, “Thungai in ka tan sim hngai: Hinangih a diing tu mi hrekkhat cu Pathian uknak huham rum a phat an hmuhtak hlanih a thi thok lo tu an om,” tiah a ti hngai.
(Mat 17:1-8; Luk 9:28-36; 2Pet 1:16-18)
2 Ni ruk hnukah Jesuh ni Piter leh Jeim leh Johan hruai hngai in anmahte ceu tlang sang pakhat ah a kaipi hngai. Culeh an hmuhhngan ah a muihmel a thlengtia,
3 culeh a thuam cu vulei cung thil Žawlnak ih taaisak kho mi vanin tle serso ih raang ah a cang.
4 Cun Jesuh rum thu a thluktia rero mi Moses leh Elijah cu an hemah an lang.
5 Culeh Piter ni Jesuh cu, “Zirhtupa, hinangih om hi a man Žhat; thlaam pathum sa tu hu, na caah pakhat, Moses caah pakhat leh Elijah caah pakhat,” tiah a ti.
6 Itu aan awk khaw a tiah lo, icatile an Žih tuk.
7 Cuhnukah meici ni a hnep hngai ih, meici lakin, “Hihi ka dawtngaimi ka Tiapa a ii, a thu ngai uh,” tiin aw pakhat a suak.
8 Avoikhatih an hrialkam an zoh tikah Jesuh simlo ahuhman an hmu ti lo.
(Mat 17:9-13)
9 Tlang par in an zong Žum thahah, Mi Tiapa cu mithi lakin a thawh hlansung an hmuhmi thu hi ahuhman hei sim lo dingah thu a kaa hngai.
10 Curuangah cui thu cu anmah hemah tleemin, mithi lakin thawh timi cu itu tican i nala tiin an thluktia.
11 Culeh “Icaah daanzirhtule ni Elijah a pha peita thok tiah an ti?” tiin an dil.
12 Ani ni, “Elijah cu izongza tungding dingah pha thok hrim a ii. Mi Tiapa thuhla ah hmawh khawti in tlungpi tuarpahin leh nautattatin an ti thok tiah ngan a i Žung hmen?
13 A inain Elijah cu a pha rom, culeh amah thuhla nganmi mangin an dawtpasang in an ti kau ti ka tan sim hngai,” tiah a ti hngai.
(Mat 17:14-21; Luk 9:37-43)
14 Kaizulle hem an phat tikah an hrialkam ah mibuur pi an hmu, culeh daanzirhtule cu kaizulle rum thu an altia.
15 Mibuur pi ni amah an hmuh tikah an donharin, amah do dingah an zuang.
16 Jesuh ni, “Anmah rum itu thu nan altia?” tiah a dil hngai.
17 Mibuur lakih pakhat ni, “Zirhtupa, ka tiapa na hemah ka phatpi. Angthiamlo ih a vuatu khawsia a ngei;
18 acu ni pon taw ah khur phonnak khawh, a rabuan suakin a ha a rial, cun a Žhongnote 9:18 Mihrek ni Žhawng kan ti. remro. Na kaizulle Žhawl ka tirh hngai nain an ti zo lo,” tiah a sawn.
19 Jesuh ni, “Zumnakngeilo san minung hngai! I hlet tiang ka tan ompi hngai rih thok? I hlet tiang ka tan ing hngai rih thok? Tepangpa cu ka hemah phatpi uh,” tiah a ti hngai.
20 Culeh tepangpa cu Jesuh hemah an phatpi, khawsia ni Jesuh a hmuh tikah tepangpa cu a tha a konsak lohli ih khur ah a ngal, a caalih a rabuan a suak.
21 Jesuh ni a pa cu, “Hi ti a iknak hi i hlet hla vel?” tiah a dil. A pa ni, “A tepan lio in a ii.
22 Amah siatsuah khaiin mei leh ti sung ah a nam bil, itu maw na ti khawh mi a om ahcun man naktiahin man bawn hram la,” tiah a ti.
23 Jesuh ni, “Na ti khawh ahcun ee? A zumtu caah cu thil zate ti khawh a ii hekhawh!” tiah a ti.
24 Tepangpa ih pa cu avoikhatah, “Ka zum kau. Ka zum lonak hi ma bawn,” tiah a au.
25 Mibuur cu zuangin an phat Jesuh ni a hmuh hngai tikah thlarau thianglo cu a hriingih, “Hi pa aan leh khuazak a dawntu nang thlarau, hi pa sung in suak la lut Žhan ti hlah tiah thu ka tan pia,” a ti.
26 Hekin, tepangpa cu hrulŽhangai in a tha a konsak hmeihmo hnukah a suak, culeh tepangpa cu miruak mangin a om ruangah mi tlungsawn ni “A thi,” tiah an ti.
27 Ihmansela Jesuh ni a kut tlaiin a tho ih cuticun a hang diing zo.
28 Inn sungih a luh tikah a kaizulle ni anmah bulte in, “Icaah keimi hmawh kan Žhawl zo lo?” tiah an dil.
29 Ani ni, “Himang hi cu thlacamnak thawngin ceu an suak zo hekhawh,” tiah a sawn hngai.
(Mat 17:22-23; Luk 9:43b-45)
30 Acunang cun an vah pehih Galilee an tan pah. Cui thu cu ahuhman tiahsak hngai a daw lo.
31 Icatile a kaizulle thu a zirh hngai, “Mi Tiapa cu miih kut ah leirawi i lei khawh, cun an that thok, culeh ni thum hnukah a tho thok,” tiah a sim hngai.
32 Ihmansela a simmi thu cu an tiahthiam lo, a dil le an hrul Žung.
(Mat 18:1-5; Luk 9:46-48)
33 Cuhnukah Kapernaum khua an pha; culeh inn sungih a luh hnukah Jesuh ni, “Lam ah khi itu nan altia ciamco?” tiah a dil hngai.
34 Ihmansela daite in an om, icatile lam ah ahu pipatleng nala ti an altia.
35 A to ih, hleihnihle ko hngai in, “Ahu khaw ii sela mi hmapitleng ik a dawtu cu dungtatleng leh mi zate riantu ik thok a ii,” tiah a ti hngai.
36 Culeh tepang te pakhat an lakah a diinsak; a bua ih,
37 “Ahu khaw ii sela himang tepang ka min in a cosang tu cu kamah ma cosang an ii, cun kamah ma cosang tu cu kamah iloin ama thlah tu a cosang tu an ii,” tiah a ti hngai.
(Mat 10:40-42; Luk 9:49-50)
38 Johan ni Jesuh hemah, “Zirhtupa, mi pakhat khuavang Žhawl rero hngai hmu hu khawh kanmah lakih a telve lo ruangah kan dawn,” tiah a sim.
39 Ihmansela Jesuh ni, “Dawn hlah uh; icatile ka min in donharŽha a vua tu ahu hman ni ihlet hlanah ama rawn thok lo.
40 Aman ralsan lo tupoh kanmah la san Žang an ii.
41 Thungai in ka tan sim hngai, Khrih min nan ken ruangih ti din ding hai khat te a tan tul tu ahu khaw i sela ngahvo an sung hrimhrim thok lo.
(Mat 18:6-9; Luk 17:1-2)
42 “Nanmah lakih ahu ni maw hi zumtu tepang tete pakhatkhat hmaka ah tuasik ding nan siah ahcun, cawrialnak lungpi nan hngawng ah tan thlaihin rili sungih tan namthlak ah nan caah a Žhasawn thok.
43 Nan kut ni an tan taubahsak ahcun, Žhot mianmi uh; kut hnih himih hell, a di dah lomi mei sungih luh vanin cu kutbulih nunnak sung luh a Žhasawn.note 9:43 Kutnganbu aŽim ah, caang 44 leh 46 hi om loin, a dengnak ah 48 mang hi an beeng.
45 Nan ke ni an tan taubahsak ahcun Žhot mianmi uh; ke hnih himin hell sungih zam tuah vanin cu ke Žotih nunnak sung luh a Žhasawn.
47 Nan mit ni an tan taubahsak ahcun horh mianmi uh; mit hnih himin hell sungih namthlak tuah vanin cu mit khat ceu in Pathian ram sung luh a Žhasawn.
48 acunang ahcun anmah a aw hngai tu zang cu an thi dahlo ih, a kaang hngai tu mei khaw a di dah lo.
49 Icatile micangte mei rum thiansak an i thok.
50 Cite cu a Žha; a inain a alnak ziam taw ah khawti in nan alsak Žhan thiam thok? Nan sungah cite ngei uh la, khat le khat remtia uh,” tiah a ti hngai.