5
(Mat 8:28-9:1; Luk 8:26-39)
1 Tili khatla ral, Gerasene-mipawl ih ram an pha.
2 Lawng sungin a suah caang thlarau thianglo ngeitu pa ni thlaan lak in suakin Jesuh cu a tuakla.
3 Amah cu thlaan lakih khuasami a ii, ahu ni hman thir hrenghri in khaw an Žawn zo ti lo;
4 thir cikcin in an Žawn ih hreng an thlaih hmanah a hrenghri cu sat hngai in a hreng cu a ekhmal remro bil; amah ngawingamsak zonak thazaang ahu hman ni an ngei lo.
5 A sun a zan in thlaan lak leh tlang lakah a kiurak cua ih, lung in a at tia bil.
6 Lamhlapi in Jesuh a hmuh tikah zuangin a hmaiah a bok,
7 cun a aw ngeihnak in, “Cungnungtleng Pathian Tiapa Jesuh, kei rum itu kan pehpontia hmen? Ma hrem lo dingah Pathian min in ka tan dil,” tiah a ti.
8 Cutiih a ti nak cu Jesuh ni, ‘Hi pa sungin suak, nang thlarau sia,’ tiah a ti tak ruangah a ii.
9 Culeh Jesuh ni, “Na min ahu na ii?” tiah a dil. Ani ni, “Ka min cu LegionRef 5:9 Mat 26:53 a ii, icatile kan tlungpi,” tiah a sawn.
10 Acui ram in Žhawl hngai lo dingah naktiah a dil ciamco.
11 Acunang tlang kap ahcun vokrual pi an bual;
12 culeh thlarau thianglo ni, “Vokrual sung ah man thlah la an sung ah kan lut thok,” tiah an dil.
13 Curuangah tah a sen hngai. Thlarau thianglo cu an suakih vokrual sung ah cun an lut, culeh thawng hnih tluk a imi vokrual cu kiilkam sangpi in rili sung ah an peetih an pil remro.
14 Vokkhalle ni zuangin an khua leh ram ah acucu an sim. Culeh itu a cang ti zoh dingah mipawl an vongsuak.
15 Jesuh hem an pha ih khawsia hrolhtiakmi pa rori cu acunangah toin, partlai sinthlaitia leh tiimvaarte in an hmu, culeh an Žih.
16 Khawsia hrolhtiakmi pa leh vokrual parih thilcangmi a hmu tupawl ni cui thu cu an sim.
17 Culeh Jesuh cu an ram in suak dingah hranhramin an dil.
18 Lawng sungih a luh tikah khawsia hrolhtiak taknak pa ni a dung zulh a dil.
19 Ihmansela Jesuh ni al in, “Inn la na phunpile hemah tlung la, Bawipa ni ii tluk thil tan ti piakin na parah itluk velngeihnak a lansak ti thu sim hngai sawn,” tiah a ti.
20 Culeh a tlung mianmi ih Jesuh ni amah caah i tlukin thil a vua ti thu Dekapolisnote 5:20 ‘Dekapolis’ ticu Khuahra Peng tican a ii. ah sim a thawh, micang an don a har.
(Mat 9:18-26; Luk 8:40-56)
21 Jesuh cu lawng in khatla ral a hei tan Žhan tikah mibuur pi ni an ulkimih ani cu tili pangkam ah a ii.
22 Cutikah Jairas timi pa, sinakok uktu pakhat a pha ih, Jesuh a hmuh tikah a ke hramah bokin,
23 “Ka tianu te a man thita vel thok. Man pha hramin a parah na kuat suang hram la, dam in a nung taw,” tiah a nopnopin naktiah a dil.
24 Curuangah cu pa rum an tat. Mibuur pi ni an zul ve ih an vonnor hiamho.
25 acunang ahcun kum hleihnih sung thisuak a in tu minu a om.
26 A ngeihmi hmawhhmawh dengin sibawi tlungpi ih tuamhlawm a inain tlawmtinote 5:26 ‘tlawmti’ ticu ‘damtiadeuh’ tinak a ii.deuh loin a rauh la hoi hlehhlo.
27 Jesuh ih thu a zak tikah mibuur lak in a dungla in a pha ih a angkithuahtual zim a tham.
28 “A partlai zimte tal ka tham hman in ka dam kau thok,” tiah a ti tia.
29 Avoikhatah a thisuak cu a kaang lohliih a titiak in a dam ti a tiksa sungah a tiahtia.
30 Jesuh ni a sungin huham a vasuah a tiahtia lohliih, mibuur pi sanla ah mertia in, “Ka angki ahu ni a ma tham?” tiah a ti.
31 A kaizulle ni, “Mibuur pi ni an tan von tawt leihlo na hmu hngai kau hin, khawti in, ‘Ahu ni a ma tham?’ na ti thiam?” tiah an ti.
32 Ahu ih a tham hmu dingah a velkim mertia in a zoh.
33 Minu cu a parih thilcangmi a tiahtiak ruangah, hrulthah leh dok-aw thahin a hmaiah a vong kumih a iknak hmawh in a sim.
34 Jesuh ni, “Ka tianu, na zumnak ni a tan damsak rom, nangamte in va tat la, na titiak hin dam dah law,” tiah a ti.
35 A an rero lio ah Jairas ih inn in mi hrekkhat an pha ih, “Na tianu cu a thi rom hekhawh. Icaah zirhtupa cu na hnaihnawh rero duh rih?” tiah an ti.
36 Ihmansela an aan cu Jesuh ni za lo mangin, sinakok hruaitupa cu, “Phang hlah, a zum ceu zum,” tiah a ti.
37 Piter, Jeim leh a nau Johan simlo ahuhman a zulhsak hngai lo.
38 Sinakok hruaitu ih inn an phat tikah mipi cu buai cincenin Žap leh rak riangro a hmu hngai.
39 Inn sung ah lutin, “Icaah buai cincenin nan Žap? Tepang nu cu a thi le he lo, a me hekhawh,” tiah a ti hngai.
40 An nihsan men. Culeh an zate pawnla ah suahsak hngai in, tepang ih pa leh nu leh a kaizulle rum tepang nu omnak ahcun an lut.
41 Tepang nu cu a kut in a zon tlaiih, “Talitha kum,” tiah a ti, a sullam cu, “Nute, hang tho law,” tican a ii.
42 Tepang nu te cu hang tho lohliin a vak (amah cu kum hleihnih a ii). Acucu an don a har ngaite.
43 Ahi thu ahuhman ni tiah lo dingah ngekngeihin a kaa hngai, tepang nu cu awkŽha pakhatkhat barh a torh hngai.