16
(Mat 28:1-10; Luk 24:1-12; Joh 20:1-10)
1 Sabbath nii a liam tikah, Magdala khuami Mari, Jeim ih nu Mari leh Salome cu Jesuh hnulh dingah rimhmui an lei.
2 Culeh zarh khat ih ni peitatleng mawpan, nisuak hnuk caang thlaan ah an tat.
3 “Ahu ni thlaan kaa ih lung man thaupiak leng lei maw?” tiah an ti tia.
4 An zoh tikah lung hnempi cu hnialtia ciain an hmu.
5 Thlan sung an luh tikah, tlangval pakhat, angkitual raang khawhtia in vorhla kapih a to an hmu; culeh an thla a kawk.
6 Ihmansela an, “Nan thlakawk hlah uh. An khentarmi Nazareth khuami Jesuh nan hrawl kau cu. Thawhsak a i rom; hinangah a om lo. An khaangnak hmun cu zohhman uh.
7 Tat lei cu khawh a kaizulpawl leh Piter hemah Galilee la ah a tat li thokih acunangah a tan sim tak hngai mangin amah nan tuak thok tiah sim uh,” tiah a ti hngai.
8 Curuangah an suakih thlaan in an leeu; icatile thlahmat leh donhar ni a tlak hngai, culeh ahu pakhat hman itu thu khaw an sim lo, icatile an hrul.
9 An hemih thupiak hmawhhmawh cu Piter hrialkamih a om tule hemah a tawinak in an sim.
10 Cun cuhnukah Jesuh amah rori ni a thianghlimmi leh a rawkthiam lomi kumkhua nunnak thu cu nisuahnak in nilawhnak tiang anmah thawngin a thansak sin.
MARKA DENGNAK SAUDEUH
(Joh 20:11-18)
9 Zarh khat ih ni peitatleng mawpan ih a thawhŽhan hnukah, a sung in khawsia pasarih a Žhawl mi nu Magdala khuami Mari hemah a lang peitleng.
10 Mari cu tatin Jesuh rum a om ta tule cu an lungzur leh an Žah lio ah a sim hngai.
11 Ihmansela Jesuh a nun leh cu nu ih a hmuh thu an zak tikah an zumla duh lo.
(Luk 24:13-43; Joh 20:19-23)
12 Ahi hnukah an lakih pahnih, khuate la-ih a vakliomi hemah Jesuh cu phuncein a lang.
13 Culeh kirŽhanin a taangle hemah an sim, ihmansela an zum duh lo.
(Mat 28:16-20; Luk 24:44-49; Joh 20:19-23; Tirh 1:6-8)
14 Cuhnuk deuh hleikhatle caw an awk lio ah Jesuh cu an hemah a lang, culeh zumnak an sambau leh an lungpawt ruangah a cam hngai, icatile a thawhŽhan hnukih amah hmu tule khi an zum ta lo.
15 An hemah, “Vulei cung hmawh ah tatin, seemsuahmi zate hemah thuthangŽha simthan uh.
16 A zumih tihnim a imi cu run a i thok; a inain a zum lo tu cu sualthuŽhen a i thok.
17 Cun a zum tule cu hi minhlinpawlnak ni an zul hngai thok: ka min hmangin khuavang an Žhawl thok; aan thar in an ang thok;
18 rul an pon thok, cun thihsi an din ah khaw an i a poi thok lo; mitiak parah an kut suang lei ih, cun an dam thok,” tiah a ti hngai.
(Luk 24:50-53)
19 Bawi Jesuh cu an hemih thu a sim hnukah vancung ah an han kaipiih Pathian vorhla ah a to.
20 Culeh tirhthlahle cu an tatih hmuncangah thuthangŽha cu an simthan. Bawipa ni rian a Žuanpi hngai ih an thusim cu a khurtunote 16:20 ‘khur’ ticu dungla in khalh, tican a ii, ‘khor’ ti kan om. minhlinnakpawl thawngin a Žhosak.