15
(Mat 7:1-2, 11-14; Luk 23:1-5, 13-16; Joh 18:28-38a)
1 Mawla a ik vete in, tlangbawi upale cu upa pace, daanzirhtupawl leh thurel upale rum thu an rontia. Cun Jesuh cu hreng an khuah, an pita ih Pilat kut ah an ap.
2 Pilat ni, “Nang hi Judah Siangpahrang cu na ii maw?” tiah a dil. Jesuh ni, “Acutiin na ti rom hin,” tiah a let.
3 Culeh tlangbawi upale ni Jesuh cu thu phunphun an puh.
4 Pilat ni Jesuh cu, “A lehnak hngai na ngei lo maw? Sual an tan puhmi liangluang hi ngai tuhmen,” tiah a ti Žhan.
5 Ihmansela Jesuh ni a let ti lo, curuangah Pilat cu a don a har.
(Mat 27:15-26; Luk 23:18-25; Joh 18:38b-19:16)
6 Lontak Puai ah Pilat ni mipi ih dilmi thawngtla pakhat a suah bil.
7 Acu lio ah, Barabbas cu ralthawh lio ih mithat, midotu mipacele hemah thawng a tla.
8 Curuangah mibuur pi ni Pilat cu pha in, a daankeel mangih ti piak hngai dingah an torh.
9 Culeh ani ni, “Judah Siangpahrang tan thlahpiak hngai ningla nan daw maw?” tiah a let hngai.
10 Icatile tlangbawi upale ni a hemih Jesuh an ap nak cu an nahsuah ruangah a ii ti a tiahthiam.
11 Ihmansela tlangbawi upale ni mibuur pi cu tokhrolhin Barabbas sawn thlahpiak hngai dingin an simsak.
12 Pilat ni, “Judah Siangpahrang tiah nan kawh mipa hi khawti in ti ningla nan daw?” tiah a ti hngai Žhan.
13 Anmimi ni, “Thinglamtah ah khengtar,” tiah an von heh.
14 Pilat ni, “Icaah hmen? Itu sualnak a vua hmen?” tiah a dil hngai. Ihmansela, “Thinglamtah parah khengtar,” tiah an au hlehhlo.
15 Curuangah Pilat cu mibuur pi lungawisak dawt ah Barabbas a thlahpiak hngai, cun Jesuh cu a vel sak hngai hnukah thinglamtah ih khentar awkah a ap hngai.
(Mat 27:27-31)
16 Culeh ralkaple ni Jesuh cu Mangki ih inn tual ah an luhpiih ralkap buur khat pi an kawhcih.
17 Cun Jesuh cu puan sandup an sin sak, hling lukhum an takih a lu ah an khum.
18 Cun salampiain, “Judah Siangpahrang cu a nunkhua sau hram seh,” tiah an ti.
19 A lu ah phongtung in an vel, cun cilriit an sakih khukbilin upat an piak saktia.
20 An hmuhsit hnukah a puan sandup cu phoih in amah ih partlai an hruksak. Cuhnukah thinglamtah ah khentar dingin an pita.
(Mat 27:32-44; Luk 23: 26-43; Joh 19:17-27)
21 Lampi ah, khuate la in a phami mi-lonpahtu pakhat, Sairin khuami Simon timi pa, Alexander leh Rufas ih pa cu Jesuh ih thinglamtah put an ceengkalh.
22 Cuhnukah Jesuh cu Golgothanote 15:22 ‘Golgotha’ ticu Luruh hmun tican a ii. timi hmun ah an phatpi.
23 Culeh myrrh timi sii rum cawhmi sabit an tul, ihmansela a din duh lo.
24 Cuhnukah thinglamtah parah an khengtar, cun a partlaipawl ahu ni itumang co le hu maw tiin tlinhngal dawkin an zemtia.
25 Thinglamtah ih an khentar cu mawla nazi pakua a ii.
26 Amah sual an puhnak laingan cu, “Judah Siangpahrang,” ti a ii.
27 Cun amah rum hmunkhatah rokhmangle pahnih a vorh laah pakhat leh a kehla ah pakhat an khengtar. (\v 28 Lai Thianghlim ih, “Daanbuartule lakah siarcih a ii ve,” a timi cu a kim.)Ref 15:28 Isa 53:12
29 Milonpah tule ni an nihsan, an lu suksanin, “Aha! Nang biakinn Žhetin ni thum sungih sa tu thok hiteh,
30 namah le mah rungtia la thinglamtah parin zong Žum la hete in,” tiah an ti.
31 Acumangcun tlangbawi upale ni khaw daanzirhtule rum amah hmusitin, anmah leh anmah, “Mi pace hmawh rung hngai hratin amah le mah hmawh a rungtia zo tal lo;
32 Messiah, Israel Siangpahrang cu kan hmuh ih kan zum nak dingah thinglamtah parin atu rori zong Žum seh,” tiah an titia. Amah rum khentar mi le pahnih ni khaw an direm ve.
(Mat 27:45-56; Luk 23:44-49; Joh. 19:28-30)
33 Sunbir a phat tikah an ram punpuluk sunhnuk nazi pathum tiang sunkhuamaw pi a tlung.
34 Nazi pathum ah Jesuh cu, “Eloi, Eloi, lema sabackthani?”Ref 15:34 Saam22:1 tiah aw dakpi in a au, a tican cu, “Ka Pathian, ka Pathian, icaah ama zuangta?” tinak a ii.
35 A hrialih dingtupawl hrekkhat ni acucu an zak tikah, “Ngaihnik uh, Elijah a ko hi,” tiah an ti.
36 Culeh mi pakhat ni zuangin sabit ti ahaangmi sungah puansia hnimin tungkeu parah a Žawn, cun a tawp dingah a han pia ih, “Om rih uh, amah zon Žhum dingah Elijah a phat leh phat lo zo hnik le hu,” tiah a ti.
37 Cucun Jesuh cu tiakpi in a au ih a thaw a deng.
38 Culeh Biakinn puanzaar cu cungla zim in tangla zim tiang pahnih ah a tlek.
39 Jesuh hmaihoiin a ding tu ralbawipa ni a thaw deng daan a hmuh tikah, “Hi pa hi cu Pathian Tiapa i taktak ee!” tiah a ti.
40 Acunang ah lamhla nawn in a zoh tu numi le an om ve; acule lakah Magdala khuami Mari, cun Jeim nauta leh Joses ih nu Mari leh Salome an tel.
41 Jesuh Galilee ih a om lio ah hile hi ni zulin an rian bil, cun amah rum Jerusalem tiang a tat tu numi pace tlungpi khaw acunang ah an om ve.
(Mat 27:57-61; Luk 23:50-56; Joh 19:38-42)
42 Simla a phat tikah, culeh Tuahsittiak Ni, cucu Sabbath ih a ranganzan, a ik mangin,
43 Arimathea khuami Josef, Sanhedrin lakih upatmi sungtel, Pathian uknak lakhlahngai ih hngaktu ni Pilat hemah ralŽhangai in a tatih Jesuh ih ruah a dil.
44 Cutikah Pilat ni thirom vel nala im tiin ralbawipa koin Jesuh a thih rom nak ihlet a ik vel a dil.
45 A thi rom ti ralbawipa hemin a zak tikah a ruak cu Josef lat a sen.
46 Josef ni sianglaraangnote 15:46 ‘sianglaraang’ timi simfiangnak Mat 27:59 tangah zoh. puan leiin a ruak a Žhumih a puan cun a zawl, cun lungkermi thlaan sungah a vui, culeh thlaanka khar cu lungpi a thauhta.
47 Magdala khuami Mari leh Joses ih nu Mari ni cu khawnangih vui a ik an hmu.