14
(Mat 26:1-5; Luk 22:1-2; Joh 11:45-53)
1 Atu cu Lontak Puai leh Colphulhlo Sang puai nak ding ni hnih ceu a daw vel. Tlangbawi upapawl leh daanzirhtupawl ni a athupte in amah ponih thah nak ding lam an hrawl:
2 “Puai lio ah cu i hlah seh, culocu mipi lakah buainak suak pang lei-a,” tiah an ti.
(Mat 26:6-13; Joh 12:1-8)
3 Jesuh cu Bethani khua ih a om sung, miphar Simon inn ih caw a awk lio ah, numi pakhat cu alabasternote 14:3 Alabaster timi cu a nomi leh a raangmi lung phun khat, Africa ram ih ommi a ii ih thawl vuaknak ah an hmang. lung ih vuakmi uum pakhat in rimhmui ti mankhungngaimi a kengta ih a pha, cun a uum cu khuaiin Jesuh ih lu a toih.
4 Acunangih om tu hrekkhat ni an hehharin pakhat leh pakhat, “Icaah rimhmui cu hi tiin a heusak tlawi?
5 Icatile hi zihmui hi denarii za thum van tlungsawn ah zuarin a tangka mifarah piak khawh a inain,” an ti tia. Cun cu nu cu an cam.
6 Ihmansela Jesuh ni, “Amah om in om seh; icaah nan hnaihnawh duh? Ka parah thil mawi a vua hekhawh.
7 Icatile mifarah cu nan hemah an om ringringih, nan dawt cangin an parah Žhatnak nan lansak kho, a inain kei cu nan hemah ka om ringring thok lo pi.
8 Ani cu a vuak khawhmi a vua rom; ka ruangpun zihmui ama toih cu kamah vuinak caah a tuahtiim cia.
9 Thungai in ka tan sim hngai, vulei cung punpuluk ih hi thuthangŽha simthan a ik nakpoh ah a thilvuakmi cu amah palhtiak lonak ah simcih a i ve thok,” tiah a ti hngai.
Jesuh Leirawi ding Lungkimnak
(Mat 26: 14-16; Luk 22:3-6)
10 Cuhnukah Hleihnihle lakih pakhat a i mi Judas cu tlangbawi upale hemah Jesuh leiroih hngai dingin a tat.
11 An zak laak tikah an ngetia ngaiih tangka pia dingin an kam. Curuangah ani ni Jesuh leirawingah nak ding canŽha hrawl a thawh.
(Mat 26:17-25; Luk 22:7-13; Joh 13:21-30)
12 Colphulhlo Sang Puai a ni khatnak, Lontak Puai tusuan an talh ni ah a kaizulle ni, “Khawnang ah Lontak puai caw na awk dingah man zalhsak daw ci maw?” tiah an ti.
13 Curuangah a kaizul pahnih thlah hngai in, “Khua sung ah tat uh la ti um pakhat a phurmi pa ni an tan tuakla thok; zul lei cu khawh,
14 khawnang ah lut le, inntek cu, ‘Ka kaizulle rum Lontak Puai kan hman nak ding khualpa khaan cu khawnang ah a ii? a ti’ tiah sim uh.
15 Inn cungta ah izongza kimcia leh tiariciami khaan hnempi a tan hmuh hngai thok. Acunang ah kan caah zaal uh,” tiah a ti hngai.
16 Curuangah kaizulle cu pokin khuapi ahcun an lutih a sim hngaimi mangin an hmu; culeh Lontak Puai caw cu an zaal.
17 Simla vel ahcun hleihnihle rum an pha.
18 Caw um vekin an awk lio ah Jesuh ni, “Thungai in ka tan sim hngai, nan lakih pakhat, caw ka awkpi mi ni ama leirawi thok,” tiah a ti hngai.
19 An ngaihsiain pakhat hnuk pakhat ni, “Kei cu i hlah ing maw?” tiah an ti vek.
20 Ani ni, “Hleihnih lakih pakhat, kamah rum kheeng pakhat sungih sang a hnim khat tu a ii.
21 Icatile Mi Tiapa cu amah thuhla nganmi mangin a tat kau thok, a inain Mi Tiapa a leirawitu cu a hmaka a pit! Acu pa caah cun hrin i ta hlah sela Žhasawn hngen tur ee,” tiah a ti hngai.
(Mat 26:26-29; Luk 22:14-23; 1 Kor 11:23-26)
22 Caw an awk lio ah Jesuh ni sang pakhat la in thlua a suah hnukah a seu, a pia hngai ih, “La uh, hihi ka tiksa a ii,” a ti.
23 Cuhnukah hai a la, lungawithu a sim hnukah a pia hngai ih an zate ni an ding vek.
24 Culeh, “Hihi mitlungpi ca-ih thletmi ka thisan in thukamnak a ii.
25 Thungai in ka tan sim hngai, Pathian uknak sungih a tharin ka din nii a phat hlansung sabit ruang in a suakmi sabit tii cu ka ding ti thok lo,” tiah a ti hngai.
(Mat 26:30-35; Luk 22:31-34; Joh 13:36-38)
26 Hla an sak hnukah Oliv Tlang ah an kai.
27 Culeh Jesuh ni, “Nan zate hi mimatatu nan i thok; icatile:
‘Tukhal ka that thokih,
tuule cu an parcak remro thok’Ref 14:27 Zak 13:7
tiah ngan a ii.
28 Ihmansela thawhsak i taw ing ah nan hmala in Galilee ah tat li leh lang,” tiah a ti hngai.
29 Piter ni, “An tan mattak remro hman ah kei ni cu ka tan mata thok lo,” tiah a ti.
30 Jesuh ni, “Thungai in ka tan sim, nihin zan rori, ar khuang voi hnih hlanah voi thum ama pheh thok,” tiah a ti.
31 Ihmansela Piter ni ngekngeih in, “Nang rum thi khat thok ka ik hman ah ka tan pheh thok lo,” tiah a ti. Culeh an zate ni cuticun an ti vek.
(Mat 26:36-46; Luk 22:39-46)
32 Gethsemane timi dum pakhat ah an tat. Culeh a kaizulle cu, “Ka thlacam lio ah hinangah tola uh,” tiah a ti hngai.
33 Piter leh Jeim leh Johan a pita hngai ih, thinlung purzanin om a thawh.
34 Culeh, “Thi thok tiangin ka thinlung a purzan; hinangah taangin tiimhring uh,” tiah a ti ta hngai.
35 Culeh hladeuh ah tatin khur ah a bokih, a canthiam ahcun cui caan ni liamta dingin thlacam.
36 “Abba, note 14:36 Abba Aram aan(Aramaic) a ii ih, Papa tican a ii. Pa aw, nangih caah cu izongza an cangzo; hi hai hi ka hemin thawn hram law, a inain kamah ih dawtzawng mang iloin namah ih dawtzawng mang i kau seh,” tiah a ti.
37 A kirla ah mein a hmu hngai ih Piter cu, “Simon, na me maw? Nazi pakhat sung tal na hrak zo lo maw?
38 Tiimhring la, sualtorhnak ah lut lo dingin thlacam; thinlung ni daw hmansela tiksa hmawh a ŽonŽaih ah,” tiah a ti.
39 Cun a tatih a aanta keel saalin thla a cam Žhan.
40 A kirŽhanih mein a hmu hngai sei, icatile an mit an hrak zo ti lo; cun a hemah aan awk an tiah hrim lo.
41 A voi thumnak a pha ih, “Nan melio rihin nan diintia rih maw? A za vel! A caan a pha rom; Mi Tiapa cu misualle kut ah leirawi a ii.
42 Tho uh, tat le hu. Zohhman uh, ama leirawitu a pha sam vel,” tiah a ti hngai.
(Mat 26:47-56; Luk 22:47-53; Joh 18:1-11)
43 A an rero lio ah Hleihnihle lakih pakhat Judas a pha dukdi; tlangbawi upale, daanzirhtupawl leh upapawl ih thlahmi mibuur cu ralreen leh talvawng kentia in amah rum an pha.
44 A leirawitu ni, “Ka hnam thok mipa cu amah a ii, pon lei cu khawh Žhate in kilin tahpi lei cu,” tiah minhlinnak a pia hngai cia.
45 Curuangah Jesuh cu hnaih vohviin, “Rabbi!” tiin a hnam.
46 Culeh Jesuh cu ponin hreng an khuah.
47 Ihmansela acunang hrialkamih a diing tu pakhat ni a ralreen phawitia in Tlangbawi Saang hemom pa ih khatla na Žotkau a set.
48 Culeh Jesuh ni, “Rokhmang ii ningla mang ralreen leh talvawng rum ma pon dingah nan pha maw?
49 Ni cang kovawh Biakinn ah nanmah rum omin thu ka tan zirh hngai, ama pon hngai tal lo. A inain Lai Thianghlim cu kimngah kau seh,” tiah a ti hngai.
50 An zate ni amah cu an mata ih an leeu.
51 Puanlap ceu kaiin tlangval pakhat ni a zul. An pon ngah,
52 ihmansela a puanlap cu matain a takpalawngin a zuang mianmi.
(Mat 26:57-68; Luk 22:66-71; Joh 18:12-14, 19-21)
53 Jesuh cu Tlangbawi Saang hemah an tahpi, culeh tlangbawi upa, upapawl leh daanzirhtupawl an zate an khawmtia.
54 Piter ni hladeuh in Tlangbawi Saang inn tual tiang a zul, ralvengtule hemah toin mei a ai.
55 Tlangbawi upapawl leh thureltu zate ni Jesuh thah nak dingah amah ralsanin thudinpinak an hrawl rero; a inain ituhman an hmu lo.
56 Mi tlungpi ni amah kalhin thusual an dinpi, ihmansela an thudinpinak an caangtia lo.
57 Mi hrekkhat an hang diing, cun amah kalhin thusual an dinpiih,
58 “‘Kut ih sakmi hi Biakinn hi Žhet lang khawh, kut ih sak lo mi biakinn pace ni thum sungah ka sa thok’ a ti kan za,” tiah an ti.
59 Ihmansela hi thu parah hman an thudinpinak an caangtia lo.
60 Culeh Tlangbawi Saang ni an hmala ah hang dingin Jesuh cu, “Namah tan ralsan ih thu an dinpimi hi a lehnak hngai na ngei lo maw?” tiah a dil.
61 Ihmansela daite in a omih a let lo. Tlangbawi Saang ni, “Thluasuak Pathian ih Tiapa Messiah cu na ii maw?” tiah a dil Žhan.
62 Jesuh ni, “Ka ii; cun
‘Mi Tiapa cu Huham Vorhla
san ah toin’ leh ‘vancung ih
meici rum a phat’
hmu leh lei ci,”
tiah a ti.
63 Tlangbawi Saang ni a partlai thlekin, “Icaah thudinpitu kan tul rih hmen?
64 Pathian thangsiatthu a sim nan za rom hin. Nan thusahmi itu ii maw?” tiah a ti. An zate ni thah a tlak tiah sual thu an Žhenpiak.
65 Mihrekkhat ni cilriit an sak; a hmai an hup, cun an thawngih, “A tan thawi tu ahu a ik cang hnik,” tiah an ti. Kiltu ralkaple ni khaw pitain an beeng thah.
(Mat 26:69-75; Luk 22:54-62; Joh 18:15-18, 25-27)
66 Piter cu Tlangbawi Saang inn tualzim ih a om lio ah Tlangbawi Saang hemom-lengtiale lakih pakhat a pha.
67 Piter cu mei ai-in a hmuh tikah zo ciahcoin, “Nang khaw Nazareth khuami Jesuh rum nan buallengkhat ta,” tiah a ti.
68 Ihmansela a pheh ih, “Na simmi thu itu a ik ka tiah lo, a ruahnak khaw ka tiah lo,” tiah a ti. Culeh kotka lam laah a thawntia. Cutikah ar a khuang.
69 Hemomnu ni a hmuh tikah a hrialkamih ding tule cu, “Hi pa hi an laktel pakhat a ii,” tiah a ti hngai sei.
70 Ihmansela Piter ni a pheh Žhan. Cuhnuk ihlet hlanah a hrialkamih diing tule ni Piter cu, “Anmah laktel pakhat na i hrimhrim kau, icatile Galilee-mi na ii,” tiah an ti Žhan.
71 Ihmansela siatsirin thu a khaamih, “Atu nan simmi pa hi ka tiah lo ee,” tiah a ti.
72 Acu liote ah a voi hnihnak ar a khuang. Piter cu Jesuh ni a hemih, “Ar khuang voi hnih hlanah voi thum ama pheh thok,” tiah a sim khi a vonmangŽhan. Culeh lungkuaiin a Žap.