13
(Mat 24:1-8; Luk 21:5-11)
1 Jesuh Biakinn in a suah fangah a kaizul pakhat ni, “Zoh hnik, Zirhtupa, an lung pipi leh an inn pipi hnem tak uh ee!” tiah a ti.
2 Culeh Jesuh ni, “Hi inn hnempipi hi hmu hngai ci maw? A lungpawl hi an thuattia ti thok lo; an zate beeu an i leh thok,” tiah a ti.
3 Jesuh cu biakinn ralcuan Oliv Tlang parih a to lio ah, Piter, Jeim, Johan leh Andru ni an bulcein,
4 “Acucu khawcangah a i thokih acupawl an cang vel thok ti hmuhsaknak itu an om thok ti man sim law,” tiah an dil.
5 Culeh Jesuh ni sim hngai a thawh ih, “Ahuhman ni tan hruaisual lo dingin ralring uh.
6 Mi tlungpi cu ka min kengin an pha thokih, ‘Kei hi amah cu ka ii,’ titia in mitlungpi an hruaisual thok.
7 Raldohtiak leh ral thuhla dokthupawl za taw cu ah nan thlakawk hlah uh; acumang cu a cang thok nain a dengnak a i rih thok lo.
8 Miphun khat leh phun khat, ram khat leh ram khat ral an dotia thok; hmun cece ah linghnit a om thok; mangŽam a tlung thok. Ahi cu nausanpiak tiah hramthawhnak ceu a ii,” tiah a ti.
(Mat 24:9-14; Luk 21:12-9)
9 “Nanmah hrimhrim khaw ralring uh; tan ponin tlang an tan tung thoknote 13:9 ‘tlangtung’ ticu Kawl aan ih ‘taya cuai’ ti khi a ii; thurelnak zung an tan phatpi thok tican a ii. sinakok ah an tan vel thok; cun kamah ruangah uktupawl leh siangpahrangpawl hmaiah nan diing thok, cucu an hemih ka thu nan dinpinak dingah a ii.
10 Cun thuthangŽha cu miphun zate hemah sim peita a i thok.
11 Tan ponin tlaang an tan tung tikah nan on-aan thokmi thu ah dontia cia hlah uh; a awn-ang tu cu nangmi iloin Thiang Thlarau a ik ruangah, a cui caan ah nan hemih simmi poh awn-ang uh.
12 U le nau khaw thihnak tiangin an leirawi thok, cun pa ni tia a leirawi thokih, tiale ni nulepa dokalhin thihnak tiang an phattia thok.
13 Kamah ruangah mi hmawhhmawh ih huat nan tuak thok. A inain a net tiang a ing tu cu run an i thok.
(Mat 24:15-28; Luk 21:20-4)
14 “A inain a om lonak ding hmun ah ningtirhŽha miŽhiotu siah a ik nan hmuh tikah (laireltu ni tiahthiam seh), Judea peng ih a om tu cu tlang parah zuang uh seh;
15 inn parih a om tu cu thil la dingin Žumin inn sung ah lut hlah seh;
16 lo sungih om tu ni angkipawnthuah la dingah kir hlah seh.
17 Acui nicaan ih naupai leh nau hnawitawplio ngei tule cu an hmaka a pit.
18 Acucu isik khuk ah i lo dingin thla cam uh.
19 Icatile cui caan ah cun Pathian ih thil seemsuah hramthawh in atu tiang ih a om thah lomi, cun a om dah thok lo mi a om thok.
20 Culeh Bawipa ni cui ni cu a tawisak deuh lo ahcun ahuhman an luat thok lo; a inain a rilmi le caah cu cui nipawl cu a tawisak.
21 Cun cui caan ah mi pakhatkhat ni, ‘Zohhman! Hinang ah Messiah a om’ tiin maw, iklole ‘Zohhman! Khinang ah Messiah a om’ tiin maw ti taw ah zum duh hlah uh.
22 Icatile ahmaan lomi Messiah leh ahmaan lomi profet tipawl suak lei uh khawh, a cankhawh ahcun rilmi le hman hruaisual khaitia in hmuhsaknak leh donharŽha tipawl an vua thok.
23 A inain thinhripin om uh; izongza an can hlanin ka tan sim hngai cia.
(Mat 24:29-31; Luk 21:25-28)
24 “Ihmansela, cui nicaan ah,
cui hartuarnak hnukah,
ni cu mawtsak i lei khawh,
thlapa khaw a vaang thok lo,
25 cun arsipawl khaw
vancung in tla lei uh khawh,
vancung huhampawl khaw
hnin an i thok.
26 Culeh, huham hnempi leh sunlawinak rum Mi Tiapa cu meici sung in a phat an hmu thok.
27 Culeh a vanmipawl thlah hngai in, vulei dengnak in van dengnak tiang, vulei kil li ih a rilmi le a khawm hngai thok.
(Mat 24:32-35; Luk 21:29-31)
28 “Thei kung in thu zir uh: a tlaang an khawt ih a hnah an cerh vete in khuaŽhal a nai ti nan tiah.
29 Curuangah hi thilpawl an can rero nan hmuh tikah khaw amah cu a naite, kotka hram rori a pha ti nan tiah.
30 Thungai in ka tan sim hngai, hi thilpawl an can remro hlanah atu san hi a liam thok lo.
31 Van leh vulei cu an hmun ringring thok lo, a inain ka aankapawl hi cu an hmun ringring thok.
(Mat 24:36-44; Luk 21:34-36)
32 “A inain cui ni le caan cu ahuhman ni an tiah lo, vanmi ni iseh, Tiapa ni iseh, an tiah cuang lo, Pa ni ceu a tiah.
33 Tiimhring uh, thinhrip uh; icatile cui caan cu khawcang a phat thok nan tiah lo.
34 Khualtlawn dingin inn ih a pawh ah a salle anmah rian vek a pia ta hngai ih sangka kiltu cu tiimhringih om dingin a cah tu mi pakhat mang hi a ii.
35 Curuangah, tiimhring uh, icatile inn ngeitu cu simla ah maw, zanruang ah maw, arkhuang ah maw, khuaŽhet ah maw, khawcang a phat thok nan tiah lo.
36 Culocu pha lohli taw ah mein tan tuak hngai pang lei-a.
37 Nan hemih ka simmi hi mi zate hemah khaw ka sim: hrialhrak uh,” tiah a ti.