5
(Mat 4:18-22; Mar 1:16-20; [Joh 1:45-51 pace duau])
1 Voikhat cu Gennesaret Rili pangkam ah Jesuh a dingih, mibuur pi ni Pathian thu ngai dingah amah an nor leeili lio ah
2 rili pangkam ih lawng pahnih a hmu; ngavawrle cu lawng sung in an suakih an surpawl an Žawlleel lo.
3 Jesuh cu lawng pahnih lakih pakhat, Simon ih lawng sung ah lutin, ti pangkam in hladeuh ah thawn duau dingin a torh. Cuhnukah a to ih mibuur pi cu lawng sung in thu a zirh hngai.
4 Thuzirh a uh tikah Simon cu, “Ti thuknang ah thawn deuhin, nan surpawl cu nga ponngah dingin vawr uh,” tiah a ti.
5 Simon ni, “Bawipa, zan var theih kan vawr nain ituhman kan pon lo. A inain acu ti na ti ahcun sur cu ka vawr kau lei tang,” tiah a ti.
6 An vawr tikah, nga tlungpi an ponngah ruangah an surpawl cu tlek an khaitia.
7 Curuangah lawng pace sungih an bangle cu bonsak dingah an kut tehthawiin an sim. Culeh an pha ih lawng pahnih sung ah khatkau an buur ruangah lawng cu an pil samte.
8 Simon Piter ni acu cu a hmuh tikah Jesuh ke hramah a khukbilin, “Ka hem in vak mianmi, Bawipa, icatile kei cu misual ka ii,” tiah a ti.
9 Icatile amah leh a rualpile cu an ngapon tlung tuk ni an don a har aw hngai;
10 cun Simon rum nga vawr khat mi, Zebedi ih tiale – Jeim leh Johan khaw an don a har ngaite ve. Cutikah Jesuh ni Simon cu, “Òih hlah, atu in cu minungpawl na pon hngai vel thok,” tiah a ti.
11 An lawngpawl tipangkap an phatpi hnukah izongza matain Jesuh cu an zul.
(Mat 8:1-4; Mar 1:40-45)
12 Voikhat cu khuapi pakhat ih a om lio ah phaar rum a khatmi pa, acunangah a om. Jesuh a hmuh tikah, a ke hram khur ah bokin, “Bawipa, na dawt ahcun ama thiansak kho,” tiah naktiah a dil.
13 Cutikah Jesuh ni a kut hei suahin, amah cu a thamih, “Ka daw kau, thiang vel!” tiah a ti. Avoikhatah a phar cu a beita.b ‘beita’ ih sullam Mar 1:42 zoh.
14 Culeh ahuhman sim lo dingah Jesuh ni thu a kaa. “Tat lei ci khawh tlangbawi hemah hmuhtia, cun, na dam ti anmah hemih lansaknak ah Moses ih thupiak mangin rai hritia,” tiah a ti.
15 Ihmansela atu cu a hlan vanin Jesuh ih thu cu a thang hoi hlehhlo; mibuur tlungpi cu a thusim ngai ding leh an tiahherhpawl in damsak ik dawt ah an von tumtia.
16 Ihmansela, Jesuh cu hmunŽhing ah rolin thla an cam bil.
(Mat 9:2-8; Mar 2:1-12)
17 Ni khat cu thu a zirh lio ah Farisipawl leh daanzirhtule a hrialah an to(anmah cu Galilee peng khua cang in leh Jerusalem in an pha); culeh mitiak damsak hngai dingah Bawipa ih huham cu Jesuh hemah a om.
18 Acu liofang ah mi hrekkhat, mizeng pa a tangthah parih memi cu zawntia in an pha. Jesuh hem leh a hmaka ih luhpi an khaitia;
19 ihmansela mibuur pi ruangih a hem an phatpi thiamlo tikah, inn cungla hang kaihratin, mizeng pa cu a tangthah parah metsakin Jesuh hmaka, mibuur pi laisim ah an zon Žhum.
20 An zumnak a hmuh tikah, “Ka rual, na sualnakpawl ngaidam na ii,” tiah a ti.
21 Cutikah daanzirhtupawl leh Farisipawl cu, “Thangsiatnak ang tu hi ahu a i zetzo? Pathian simlo ahu ni sual a ngaidam zo hmen?” tiin thu an dil tia.
22 Jesuh ni an thudiltiak a tiahthiam tikah, “Icaah nan thin sungah acumang thudilnak nan suahpi?
23 ‘Na sualnakpawl ngaidam na ii’ ti maw, ‘Hang diing la vak’ ti itu baisawn hmen? tiah a ti hngai.
24 A inain Mi Tiapa ni vulei parah sual ngaidam zonak thu a ngei ti nan tiahthiam nak dingah,” tiin, mizeng pa cu, “Tho, na tangthah la in na inn ah Žiin ka tan ti,” tiah a ti.
25 An hmuhhngan ahcun a hang tho vohvi ih, a tangthah cu a la, culeh Pathian thangŽhatin a inn ah a Žiin.
26 An zate an don a har tuk, Pathian thangŽhatin, Žihzahnak in an khatih, “Nihinni ah thil phunce kan hmu rom,” tiah an ti.
(Mat 9:9-13; Mar 2:13-17)
27 Acu hnukah Jesuh cu a vak suakih, a min Levi a i mi siahkhuan pakhat ngunkhuai zung ih a to a hmu; culeh, “Ma zul,” tiah a ti.
28 Culeh, a tho; izongza a mata ih Jesuh cu a zul.
29 Cuhnukah Levi ni a inn ah Jesuh cu nasangai in caw a do; culeh cabuai ah anmah rum a to khat tu siahkhuan buur hnempi leh mi pace pawl an om.
30 Farisipawl leh an daanzirhtule ni Jesuh ih kaizulle hemah phunruin, “Icaah siahkhuanpawl leh misualpawl rum nan aw in nan ding khat?” tiah an ti.
31 Jesuh ni, “Adamsam mipawl ni cu sibawi an Žulnak a om lo pi, a tiak mipawl ni ceu an Žul;
32 midingfel iloin, misualpawl sualrim dingih ko hngai dingah ka pha hekhawh” tiah a sawn hngai.
(Mat 9:14-17; Mar 2:18-22)
33 Cutikah, “Johan ih kaizulle hmawh, Farisi-le ih kaizulle mangin caw-ulhratin thla an cam ŽiuŽeu, a inain na kaizulle hmawh ni aw in ding uh ee!” tiah an ti.
34 Jesuh ni, “Nupitupa an hemih a om lio sung poh mopuai zarzawhtule caw ulhsak thiam thok hmen cu im?
35 Nupitupa an hem in hruaitak mianmi nii a pha leh thokih, acui nikhua ah caw cu ul leh lei uh,” tiah a ti hngai.
36 “Ahuhman ni thil thaan thar thlekin partlai hlun an belnak dah lo; an bel ahcun a thar cu thlek lei khawh a thar thlekmi ni a hlun cu a hoih thok lo.
37 Cun, ahuhman ni sabit ti hriim cu saphaw thawl hlun sung ah an thun thah lo; an thun ahcun sabit ti hriim ni saphaw thawl cu phat lei khawh a zun thok; cun saphaw thawl khaw a rawk thok.
38 Acu vanin sabit ti hriim cu saphaw thawl thar sung ah thun thok a ii.
39 Culeh ahuhman ni sabit ti hlun an din hnukah cun a hriim cu an duh lo, ‘A hlun a tuisawn’ tiah an ti,” timi thuŽhim pakhat khaw a sim hngai.