4
(Mat 4:1-11; Mar 1:12-13)
1 Jesuh cu Thiang Thlarau rum khatin Jordan in a kirŽhanih Thlarau ni ramŽhing ah a hruai,
2 acunangah ni sawmli sung Khawsia ih hniksak a tuak. Ni a cu zet sung hmawh cu itute hman a aw rau lo, a hniksaktuah an deng tikah a Ža a Žhi ngaite.
3 Khawsia ni, “Pathian Tiapa na ik ahcun, hi lung hi sang hlom cang dingin thu pia tuhmen,” tiah a ti.
4 Jesuh ni, “‘Ahuhman caw ceu in an nung lo’ tiah ngan a ii hekhawh,” tiah a sawn.
5 Cuhnukah Khawsia ni hruaiin, avoikhatah vulei cung uknak hmawhhmawh a hmuh.
6 Cun Khawsia ni, “Na hemah an sunlawinak hmawh leh hi thungeihnak zate hi ka tan pia thok; icatile ka hemah piak an i romih, ka dawtmi poh hemah ka pia.
7 Ama biak ahcun namah ih an i remro thok,” tiah a ti.
8 Jesuh ni, “‘Bawipa na Pathian bia la, amah ceu rian’ tiah ngan a ii hekhawh,” tiah a sawn.
9 Cutikah khawsia ni Jesuh cu Jerusalem ah a tahpi, cun Biakinn luzim parah a toh ih, “Pathian Tiapa na ik ahcun hinang hin zong peet,
10 icatile, ‘A vanmipawl cu
namah kilkhawitu ah
a sia hngai thok,’
11 cun
‘An kut in an tan
domcawi lei ih,
Na ke cu lung ah na
khawnngah thok lo’
tiah ngan a ii,”
tiah a ti.
12 Jesuh ni, “‘Bawipa na Pathian cu hniksak hlah’ tiah ngan a i hekhawh,” tiah a sawn.
13 Khaw ni Jesuh cu a hniksak khawh daan ding phun cangin a hniksak uh tikah, caanŽha a ngah Žhan hlansung cu a mata rih.
(Mat 4:17; Mar 1:14-15)
14 Cuhnukah Jesuh cu Thlarau huham rum khatin Galilee ah a kirŽhan, culeh amah thu an simtiakmi cu a hrialkam ram hmawh ah a karh.
15 An sinakokpawl ah thuzirh a thawh, culeh mi hmawhhmawh ih thangŽhat a ii.
(Mat 13:54-58; Mar 6:1-16)
16 Jesuh cu a hanghnem nak Nazareth khua ah a phat tikah, a tah keel mangin sabbath ni ahcun sinakok ah a tat. Lai Thianghlim rel dingin a hang diing,
17 culeh profet Isaiah ih laizawl an pia. Laizawl cu a pharih,
18 “Bawipa ih Thlarau cu
ka parah a om,
Icatile mifarahpawl hemih
thuthangŽha phurh hngai
dingah thathau
ama hnulh rom.
Ponhreenmi le hemah
thlahphoihnak simthan dingah,
cun mitcawle khuahmuhsak
Žhan dingah,
namnehmi le luatsak dingah,
19 Bawipa ih mithmaiŽha
an ngah ding kumcaan simthan
dingah ama thlah rom,”
tiih ngannak hmun cu a hmu ih a rel.
20 Culeh laizawl cu a zawl Žhan, a kiltu hemah a pia ih a to. Sinakok ih mi hmawhhmawh ih mit cu amah tlong an zo kau ciahco.
21 Culeh, “Nihinni ah hi Lai Thianghlim hi nan zakhngan ah a kim rom,” tiah a ti hngai.
22 An zate ni amah cu an sim Žha tia ih, a hmurka ih suakmi aan thlum-al ni an don a har aw hngai. “Hi hi Josef ih tiapa a i lo hmen maw?” tiah an ti tia.
23 Jesuh ni “‘Sibawipa, namah le namah tuamhlawmtia tuhmen’ timi aanŽhim ama vonlattak san hngai teuti thok. Cun, ‘Kapernaum khua ah na ti ta ti kan zak rom mi thilpawl namah ih khua rori ah vua ve tuhmen’ nan ti kau thok,” tiah a ti hngai.
24 Culeh, “Thungai in ka tan sim hngai, profet ahu hman amah ih khua rori ahcun cosaan an i lo.
25 A inain thungai cu: Elijah san ih kum thum leh thla ruk sung van khartia in mangŽam rauhpi a tlun lio caan ah khin, Israel ram ah nuhmei tlungpi an om ta;
26 a inain Elijah cu Sidon ram Zerafath khua ih huhmei hem simlo ahu hem hman ah thlah a ita lo.
27 Profet Elisha ih caan lio ah khaw Israel ram ah miphar tlungpi an om ta kau, a inain Siria-mi Naaman simlo ahuhman thiansak an ita lo, ti hi a ii,” tiah a ti hngai.
28 Ahi thu hi an zak tikah sinakok ih a khawm tu hmawhhmawh cu an thin a kaang ngaite.
29 An tho ih, khuapawn ih an hei dawk hnukah, lung kiilkam in zon namthla dingin an khua omnak tlaang zim parah an hruaita.
30 Ihmansela mibuur pi lak in a pawtih a vakta hngai mianmi.
(Mar 1:21-28)
31 Galilee peng ih khuapi pakhat Kapernaum laah a hang Žumih sabbath ni ah thu a zirh hngai.
32 A thuzirhmi cu an don a har, icatile thungeihnak rum a awn-ang.
33 Sinakok sungah cun thlarau thianglo ngeimi pa a om, culeh aw dakpi in,
34 “Kanmahte om le hu, Nazareth khuami Jesuh. Nang le keimi itu kan pehpontia? Man siatsuah dingah na pha maw? Ahu na ik ka tan tiah hekhawh, Pathian ih Mi Thiang na i kau cu!” tiah a au.
35 Ihmansela Jesuh ni hringhroin, “Daite in om, cun a sung in suak!” tiah a ti. Thlarau thianglo ni cu pa cu an hmala ah a hlum, cun ituhman tuahmawh lote in cu pa sung cun a vasuak.
36 An zate an donhar vekin, pakhat leh pakhat, “Itumang on-aan a i zetzo he tur? Thungeihnak leh huham rum thlarau thianglopawl thu pia hngai khawh an suah hi!” an ti tia.
37 Acui ram hrialkam hmawh cu Jesuh ih thu ni hlawh hram a thawh.
(Mat 8:14-15; Mar 1:29-31)
38 Jesuh cu sinakok in a suah hnukah Simon ih inn ah a lut. Simon ih nupi ih nu cu a tiksa a sa ngai ih, Jesuh cu an sim.
39 Cutikah a cungla ah dingin a taksat cu thu a pia, culeh a tiksa sa ni a thlah. Hang tho lohliin thawhriah a hang zalh hngai.
(Mat 8:16-17; Mar 1:32-34)
40 Acu simla ni lo ah tiahherh phunphun in a tiakmi mitiak a ngei tu hmawh ni an mitiakpawl cu Jesuh hemah an phatpi; culeh ani ni an parah a kut suangin a damsak hngai.
41 Khawsiale khaw mi tlungpi sungin suakin, “Nang cu Pathian Tiapa na ii,” tiah an au. Ihmansela a hringhro hngai ih aan a sen hngai lo, icatile amah cu Messiah a ik an tiah.
(Mat 4:23-25; Mar 4:35-39)
42 Khua a hang van tikah Jesuh cu inn sung in a suakih hmunŽhing ah a tat. Culeh mibuur pi ni an hrawlih, an phat tikah anmah mata hngai lo dingah don an daw.
43 Ihmansela, “Pathian uknak thuthangŽha cu khua pace ah khaw ka simthan ve thok; icatile ahi tintahmi caah thlahmi ka ii,” tiah a ti hngai.
44 Curuangah Judea peng ih sinakokpawl ah thu simthan a peh.