3
(Mat 3:1-12; Mar 1:1-8; Joh 1:19-28)
1 Khumpi Tiberias ih ram uk kum hleinganak, Pontias Pilat cu Judea peng uktu Mangki a ik lio, Herod cu Galilee peng uktu, a u Filip cu Iturea leh Trakhonitis ramŽhen uktu, note 3:1 Tiberias cu AD 14-34 tiang Rom Khumpi a ii. Pilat cu AD 26-36 tiang Mangkibawi a ii. Herod hi Herod Pipa ih tiapa Herod Antipas a ii. Filip hi Herod Antipas ih naupa Herod Filip a ii. cun Lisanias cu Abilene ramŽhensin uktu a ik lio,
2 Annas le Kaiafas cu Tlangbawi Saang an ik lio ah, Pathian anka cu Zakaria ih tiapa Johan, ramŽhing ih om, hemah a pha.
3 Johan cu Jordan Tipi hrialkam hmunram zate hlawhin a vakih, sual ngaidamnak caah sualrim ih tihnimnak thu a simthan,
4 profet Isaiah ih aanka
ngannak laibu sungih,
“RamŽhing ah khuaho tu
mi pakhat ih aw cu,
‘Bawipa ih lampi tuahtim
uh la,
a vahnak lam dangsak uh.
5 Horkuam poh silh
an i thokih,
tlaang leh mual cangte
niamsak an i thok,
cun a kawimi cu dangsak
a i thokih,
lam hrimpipawl cu naalsak
an i thok,
6 culeh mi hmawhhmawh ni
Pathian ih runnak cu
an hmu thok’ ti a ii,”
a timi mangin a ii.
7 Amah ih tihnim hngai dingin a suak tu mibuurle hemah Johan ni, “Nangmi sivaingeimi rul citlaangle, a pha thokmi Pathian ih thinsiatnak in zuang dingah ahu ni ralrin an tan pia?
8 Sualrim lamlannak ziaza keng uh. ‘Abraham cu kan puhram a ii’ ti tia hlah uh; icatile Pathian ni cu hi lungpawl sungin Abraham caah tianaupawl a suahsak zo he-khawh.
9 Atu hman ah thingkungpawl tawhram ah hreitlung siah a ii; curuangah pang Žha a vuang lo mi thinkung poh cu hauin mei sungih duah a i thok,” tiah a ti hngai.
10 Culeh mibuur pawl ni, “Itu kan ti mawi tur?” tiah an dil.
11 A lehnak hngai ah, “Angkipawnthuah zun hnih a ngei tu ni ihman a ngei lo tu hlawm seh; cun caw a ngei tupoh ni khaw acuti cun ti seh,” tiah a ti hngai.
12 Siahkhuanle hman tihnim i dingin an pha ih, “Zirhtupa, itu kan ti mawi maw?” tiah an dil.
13 Johan ni, “Khuan dingih sim nan ik zet van hlei cu khuan ti hlah uh,” tiah a ti hngai.
14 Ralkaple ni khaw, “Keimi teh, itu kan ti mawi nala?” tiah an dil. “Ahu hemin khaw Žhihhawhthah in maw, puhsualthah in maw tangka va sut hlah uh, nan hlawhmi rum nan lungkim kau uh,” tiah a ti hngai.
15 Mipawl cu lakhlahnak rum an khatih, Johan ih thu rum pehtlaitia in an thinlung sungah Messiah i kho nala im? tiin an diltia.
16 Johan ni an zate a let hngai ih, “Kei ni cu ti sung ah ka tan hnim hngai. A inain kei van huhamngei sawn mi pakhat a pha lio thok; kei cu a kedaap hri phoih ding hman ah ka tlak lo. Ani ni cu Thiang Thlarau leh mei sung ah a tan hnim hngai thok.
17 A tiangcang naannak hmun thian dingah tiangcang zahnak cangkau a kut ah a om; a zap thokih a tiangcang ta Žha cu cuam sung ah thun lei khawh a hivai cu dikkhawh lomi mei sung ah a paih thok,” tiah a ti.
18 Cumang cun Johan ni thapiaknak pace tlungpi rum mipawl hemah thuthangŽha a simthan.
19 Ihmansela Mangki Herod cu a nau ih nupi Jerodias a pit ruangah leh, thil Žhalo a vuak tak mi hmawhhmawh ruangah, Johan ih a hringŽon bilmi pa cu
20 Johan thawng ah a thlaksak hngai nak in a sual a beengtia hlehhlo.
(Mat 3:13-17: Mar 1:9-11; Joh 1:29-34)
21 Mi hmawhhmawh cu tihnim an ii ih, Jesuh khaw tihnim a ik hnuk saw a dil lio ah van cu a hongtia,
22 culeh Thiang Thlarau cu thunu mang ruangpun in a parah a zong tu. Cun vancung in, “Nang cu ka Dawtngaimi ka Tiapa na ii; na parah ka lung a hmui ngai,” timi aw pakhat a suak.
(Seem 5:1-32; 11:10-26; Ruth 4:18-22; 1San 1:1-4, 24-27, 34; 2:1-15; Mat 1:2-16)
23 Jesuh cu a rianŽuan a thawh tikah a kum sawmthum hrawng a ii. Amah cu Josef ih tiapa(tiih ruah a ii), Josef cu Heli ih tiapa,
24 Heli cu Matthat ih tiapa, Matthat cu Levi ih tiapa, Levi cu Melkhi ih tiapa, Melkhi cu Jannai ih tiapa, Jannai cu Josef ih tiapa, Josef cu
25 Mattathias ih tiapa, Mattathias cu Amos ih tiapa, Amos cu Nahum ih tiapa, Nahum cu Esli ih tiapa, Esli cu Naggai ih tiapa, Naggai cu
26 Maath ih tiapa, Maath cu Mattathias ih tiapa, Mattathias cu Semein ih tiapa, Semein cu Josek ih tiapa, Josek cu Joda ih tiapa,
27 Joda cu Joanan ih tiapa, Joanan cu Rhesa ih tiapa, Rhesa cu Zerubbabel ih tiapa a ii, Zerubbabel cu Shealtiel ih tiapa, Shealtiel cu Neri ih tiapa,
28 Neri cu Melkhi ih tiapa, Melkhi cu Addi ih tiapa, Addi cu Kosam ih tiapa, Kosam cu Elmadam ih tiapa, Elmadam cu Er ih tiapa,
29 Er cu Joshua ih tiapa, Joshua cu Eliezer ih tiapa, Eliezer cu Jorim ih tiapa, Jorim cu Matthat ih tiapa, Matthat cu Levi ih tiapa;
30 Levi cu Simeon ih tiapa, Simeon cu Judah ih tiapa, Judah cu Josef ih tiapa, Josef cu Jonam ih tiapa, Jonam cu Eliakim ih tiapa,
31 Eliakim cu Melea ih tiapa, Melea cu Menna ih tiapa, Menna cu Mattatha ih tiapa, Mattatha cu Nathan ih tiapa, Nathan cu David ih tiapa,
32 David cu Jesse ih tiapa, Jesse cu Obed ih tiapa, Obed cu Boaz tiapa, Boaz cu Sala (iklole Salmon) ih tiapa, Sala cu Nahshon ih tiapa,
33 Nahshon cu Amminadab tiapa, Amminadab cu Admin ih tiapa, Admin cu Arni ih tiapa, Arni cu Hezron ih tiapa, Hezron cu Perez ih tiapa, Perez cu Judah ih tiapa,
34 Judah cu Jakob ih tiapa, Jakob cu Isaak ih tiapa, Isaak cu Abraham ih tiapa, Abraham cu Terah ih tiapa, Terah cu Nahor ih tiapa,
35 Nahor cu Serug ih tiapa, Serug cu Reu ih tiapa, Reu cu Peleg ih tiapa, Peleg cu Eber ih tiapa, Eber cu Shelah ih tiapa,
36 Shelah cu Kainan ih tiapa, Kainan cu Arphaksad ih tiapa, Arphaksad cu Shem ih tiapa, Shem cu Noah ih tiapa, Noah cu Lamek ih tiapa,
37 Lamek cu Methuselah ih tiapa, Methuselah cu Enok ih tiapa, Enok cu Jared ih tiapa, Jared cu Mahalaleel ih tiapa, Mahalaleel cu Kenan ih tiapa,
38 Kenan cu Enosh ih tiapa, Enosh cu Seth ih tiapa, Seth cu Adam ih tiapa, Adam cu Pathian ih tiapa a ii.