1 Ahi hnukah Jesuh cu Galilee peng sung a tlawn niarno. Judahpawl ni amah that dingin caanŽha an hrawl ruangah Judah peng sung cu tlon a daw lo. 2 Atu cu Judahpawl ih Puanthlaam Puai a nai vel. 3 Curuangah a naule ni, “Hinang hi matain Judea laah tat la, na Žuan rero mi cu na kaizulle ni khaw a hmu ve taw uh, 4 icatile zapi tiah ik a dawtu ahuhman ni a thupin an tekcak lo. Ahi thilpawl na vuak ceng ahcun namah le mah vuleimi hmuhsak tia hngai lawlaw,” tiah an ti. 5 (Icatile a naule hman ni amah an zum lo.) 6 Jesuh ni, “Ka caan a pha rih lo pi, nan caan zong cu om cua hngen. 7 Vuleimi ni an tan hua thiamlo, a inain kei ni cu an rianŽuan a Žhalo tiih ka sim ruangah a ma hua hngai. 8 Puai ah cu nanmahte tat uh. Kei cu hi puai ah ka tat thok lo, icatile ka caan a pha rih lo,” tiah a ti hngai. 9 Ahihi a sim hnukah Galilee ah a taangta.

10 Ihmansela puai ah a naule an tah hnukah cun ani khaw a tat ve, a inain langhngan tuk i loin a thup deuh in a tat. 11 Judahmi ni puai ah amah an hrawl rero ih, “Khawnang ah a hi?” tiah an ti. 12 culeh mibuur lakah amah ih thuhla ah phunrunak a om hnuaihni. A hrekkhat ni, “Ani cu miŽha a i kau,” an ti lio ah a pacepawl ni, “Ihlah e, mipi a deu hngai hekhawh,” an ti. 13 Ihmansela Judahpawl Žih ah ahuhman ni langhnganin amah thu an ang lo. 14 Puai sanlai hrawngah Jesuh cu biakinn ah tatin thuzirh a thawh. 15 Judahpawl cu an donharin, “Ahu ih zirh i thah lopi in khawti in hi pa ni a hitiin thu a tiah a he?” an ti. 16 Cutikah Jesuh ni, “Ka thuzirhmi cu kamah ih a i lo, ama thlahtu ih a ii. 17 Pathian dawtzawng vuak ding a ruatcat tu ni cu ka zirhmi hi Pathian hemin a ik leh kamah thuthu in ka aan a ik a tiah kau thok. 18 Mah ih thuthu in a ang tupawl ni cu anmah ih sunlawinak an hrawl, a inain amah a thlahtu ih sunlawinak a hrawl tu cu a hmaan, culeh a sungah a palhmi ituhman a om lo. 19 Moses ni Daan a tan pia ta hngai a i lo maw? A inain ahuhman ni nan zul tal lo. Icaah ma thah nak ding caanŽha cu nan hrawl rero?” tiah a sawn hngai. 20 Mibuur ni, “Khawsia na ngei! Ahu ni tan thah a khai ah?” tiah an sawn. 21 Jesuh ni, “Thil pakhat vua ing khawh nan zate in nan don a har. 22 Moses ni phawzimŽhawhnak thu a tan pia hngai (Moses hemin i loin nan pupale hemin a i deuh), culeh Sabbath ni ah pami tepang pakhat a phawzim nan Žhot. 23 Moses ih Daan buar lo dingah tiah pamitepang pakhat Sabbath ni ah a phawzim nan Žhawh ahcun, Sabbath ni ah mi pakhat ih ruangpun zate ka damsak ruangah maw a ma thinsiat hngai? 24 Pawnla ih langmi parin thuŽhen loin, thuŽhen hmaan in Žhen tuhmen uh,” tiah a sawn hngai.

25 Jerusalem in mi hrekkhat ni, “Hi pa hi thah an khaih mi pa cu a i lo maw? 26 Hinang ah hmawh omin langhnganin hman thu sim ee, a inain a hemah ii tal an sim lo! Thungeitule ni hihi Messiah a ik an tiah ngaingai teh i thiam na im? 27 Hi pa cu khawnang in a ik kan tiah Žung hin; Messiah a phat tikah ahuhman ni khawnang in a ik an tiah thok lopi,” tiah an ti. 28 Cutikah Jesuh ni biakinn sungih thu a zirh thah ah, “Nangmi ni ama tiah hngai, cun khawnang in ka ik khaw nan tiah. Kamah ih thu in ka pha lo. ama thlahtu cu a hmaan, a inain amah cu nan tiah lo. 29 Kei ni cu, amah hemin ka ik ruang leh ama thlah ruangah amah ka tiah,” tiah a au. 30 Cutikah amah pon an khai, ihmansela amah ih caan a phat rih lo ruangah ahuhman ni a parah kut an thlah lo. 31 Ihmansela mibuur sungin mi tlungpi ni amah an zumih, “Messiah a phat tikah hi pa ih vuak rommi van tlungsawn in hmuhsaknak vua leng lei im?” tiah an ti.

32 Mipi ni Jesuh thuhla acumang an aan rilrial cu Farisi-le ni an za, culeh tlangbawi upapawl leh Farisipawl ni amah pon dingah biakinn kiltu palikle an thlah. 33 Jesuh ni, “Caangkhat sung ceu ka tan ompi hngai rih thokih, cuhnukah ama thlahtu hemah ka tat thok. 34 Nangmi ni ama hrawl hngai thok, a inain ama hmu hngai thok lo; culeh ka omnak ah nan pha kho thok lo,” tiah a ti hngai. 35 Judahpawl cu pakhat leh pakhat, “Kan hmuh thok lonak khawnang ah a tah khai a he? Grik-mipawl lakih mivaicale hemah tatin Grik-mipawl thu a zirh hngai khai he tur im? 36 ‘Nangmi ni ama hrawl hngai thok nain ama hmu hngai thok lo,’ ti leh, ‘Ka omnak ah nan pha kho thok lo’ a ti cu itu a tidawtmi i na?” tiah an ti tia.

37 Puai ni netatleng, puai pini ah, Jesuh ni diingin, “Ti a hal mi ahukhaw ma pha seh, 38 cun ama zumtu ni ti cu ding seh. Lai Thianghlim ih ti mangin, ‘Zumtu ih thinlung sungin nunnak piatu thlawngti a luang thok,’ ” tiah tiakpi in a au. 39 Ahihi amah a zumtupawl ih co thok mi Thlarau thu a sim; icatile Jesuh cu sunparsak a ik rih lo ruangah Thlarau cu piak a i rih lo.

40 Acui aan cu an zak tikah mibuur lakih a hrekkhat ni, “Hihi profet ngaingai a ii,” tiah an ti. 41 Mipace ni, “Hihi cu Messiah a ii,” an ti. Ihmansela a hrekkhat ni, “Messiah cu Galilee in maw a suah thok? 42 Lai Thianghlim ni Messiah cu David ih citlaang ii khawh, David omnak Bethlehem ah a suak thok a ti lo hmen maw?” tiah an ti. 43 Curuangah mibuur lakah cun Jesuh ruangah Žhentiaknak a om. 44 Mihrekkhat ni cu amah pon an daw, ihmansela ahuhman ni a parah kut an thlah lo.

45 Cutikah biakinn kiltu palikle cu tlangbawi upapawl leh Farisipawl hemah an kirŽhanih, “Icaah nan pon ta lo?” tiah an ti la. 46 Palikle ni, “Ahuhman ni hi pa mangin an ang thah lopi!” tiah an sawn. 47 Cutikah Farisi-le ni, “Nanmah khaw a tan deuhngah hngai kau lo maw? 48 Thungeitule lakin iklole Farisi-le lakin ahu ni amah zum thah hmen uh? 49 A inain Moses ih Daan a tiah lo tu hi mibuur sawh hi cu Pathian ih aansia tuak ni hmawh,” tiah an sawn. 50 Hlan ah Jesuh hemih a tat ta tu leh anmah lakih pakhat a i ve mi Nikodimas ni, “Kan daan ni mi pakhat cu a thilvuakmi tiahngah dingah a thusim za pei loin sual thuŽhen keel na kau im?” tiah a dil hngai. 51 Anmimi ni, 52 “Nang khaw Galilee in na i ve kau lo maw? Lai Thianghlim zingzoi la Galilee in profet pakhat khaw a suak thah lo ti cu na hmu kau thok,” tiah an sawn.note 7:52 Kutnganbu hluntleng aŽim ahcun 7:53-8:11 sungih thu hi a tel lo. AŽim ni 7:36 hnuk, iklole 21:25 hnukah, iklole Lk. 21:38 hnukah an sia. Mi hrekkhat ni an zumhrotlo.

[\v 53 Cutikah mi hmawhhmawh cu an inn vek ah an Žiin,