6
(Mat 14:13-21; Mar 6:30-44; Luk 9:10-17)
1 Ahi hnukah Jesuh cu Galilee Rili, Tiberias Rili tiin khaw kawhmi ih khat la ral ah a tat.
2 Mitiak parih a vuakmi hmuhsaknakpawl an hmuh ruangah mibuur pi ni amah cu an zul berbo.
3 Jesuh cu tlang ah a kai ih acunang ah a kaizulle rum an to.
4 Judahpawl ih Lontak Puai cu a nai vel.
5 Khua a zoh ih mibuur pi cu amah hemah pha rero a hmuh hngai tikah, Jesuh ni Filip cu, “Hilepawl awk ding caw khawnangah lei tur hu?” tiah a ti.
6 Ahihi Filip hniksak dawt ah a ang, icatile amah ni cu itu a ti thok a tiah tia kau.
7 Filip ni, “Thla ruk hlawhmannote 6:7 Denarii za hnih rum a ruang.ni tlawmte vek an awk khop caw a lei zo thok lo pi,” tiah a sawn.
8 Simon Piter ih naupa Andru, kaizul lakih pakhat ni,
9 “Hinangah tepang pa pakhat barli sang hlom panga leh nga pahnih a ngei tu a om. A inain a cucu minung tlungpi caah ii Žhahnem thok hmen?” tiah a ti.
10 Jesuh ni, “Mipi cu to sak uh,” tiah a ti. Acui hmun ahcun taa tampi a om; curuangah an to ih, an zate thawng nga tluk an ii.
11 Cutikah Jesuh ni sang cu a la hngai, cun lungawithu a sim uh hnukah a to tupawl cu a zem hngai; nga khaw a cu ti cun an dawt zet in a zem hngai.
12 An khimngah in a kaizulle cu, “Ituhman tlaubang lo dingah an hlahmi a ningnawipawl cu khawm hnik uh,” tiah a ti hngai.
13 Curuangah an sarkhawmih, a aw tupawl ih hlahmi barli sang panga ih a ningnawi cu pulung hleihnih an khat.
14 Mipi ni hmuhsaknak a vuakmi an hmuh tikah, “Ahihi vulei ah a pha thok mi profet cu i tak hmawh ee,” tiah an ti.
15 Amah cu ponin, hranhramin siangpahrang ah an vua samte ti Jesuh ni a tiahngah tikah tlang laah amahte ceu a thliartiab zukphiak ti kan om.
(Mat 14:22-33; Mar 6:45-52)
16 Simla a phat tikah a kaizulle cu rili laah an Žum,
17 lawng pakhat ah kaiin Kapernaum khua laah rili tanin an pok. Khua a maw velih, Jesuh cu an hemah a pha rih lo.
18 Huih ngek a tlawh ruangah rili cu tilet a tho.
19 Peng thum iklole peng li tluk lawng an kawt hnukah, Jesuh cu rili parin an lawng la pha sam ih a vah an hmu, culeh an Žih ngaite.
20 Ihmansela Jesuh ni, “Kei ka ii, Žih hlah uh,” tiah a ti hngai.
21 Cutikah an lawng sung ah lungawite in an luhsak, culeh an lawng cu an tah nak thok hmun a pha lohli.
22 A zingla ah, rili khat la ral ih a taang mi mibuur ni acunang ah lawng pakhat ceu a om ti an hmu. Jesuh cu a kaizulle hem, lawng parah a kai lo, a kaizulle cu anmah ceu an tat rom ti khaw an hmu.
23 Cutikah, Bawipa ni lungawi thu a sim hnukih sang an awknak hmun hrial ah Tiberias la in lawng hrekkhat an pha.
24 Curuangah mibuur ni Jesuh iseh, a kaizulle ii uh seh acunangah an om lo ti an hmuh tikah, anmah rori lawng parah kaiin Kapernaum laah an tatih Jesuh an hrawl.
25 Rili khat la ral ah amah cu an hmuh tikah, “Rabbi, khawcangah hinang pha cimaw?” tiah an ti.
26 Jesuh ni, “Thungaite in ka tan sim hngai, nangmi hmawh hmuhsaknakpawl nan hmuh tak ruangah i loin, sang khimkau nan awk ruangah ama hrawl hngai kovawh.
27 Arawkkhomi caw caah rianŽuan loin Mi Tiapa ni a tan piak hngai thok mi kumkhua nunnak tiang anguhmi caw caah zong ah Žuan uh. Icatile Pa Pathian ni amah parah a ii a minhlinnak a khen cu!” tiah a sawn hngai.
28 Cutikah anmimi ni, “Pathian rianŽuan dingah itu kan ti thok hmen?” tiah an ti.
29 Jesuh ni, “Amah ih a thlahmi pa nan zum hi Pathian rianŽuan cu a i kau,” tiah a sawn hngai.
30 Curuangah, “Kan hmuh ih kan tan zum nak ding itu hmuhsaknak man pia thok hmen ci? Itu i lei maw na vuak?
31 Kan pipule cu, ‘Awk dingah Amah ni vancung in sang a pia hngai,’ tiih ngan mangin, hramlak ah sang an aw ta,” tiah an ti.
32 Cutikah Jesuh ni, “Thungaite in ka tan sim hngai, vancung in sang a tan pia hngai tu cu Moses a i lo, vancung in sang ngaingai a tan pia hngai tu cu ka Pa a ii.
33 Icatile Pathian ih sang cu vancung in zong Žumhrat in vulei mi nunnak a pia hngai tu pa hi a ii,” tiah a ti hngai.
34 Anmimi ni, “Sayapa, acui sang cu man pia berbo tu hmen,” tiah an ti.
35 Jesuh ni, “Kei hi nunnak sang cu ka ii. Ka hem ama pha tupoh an Ža a Žhi dah thok lo, cun ama zum tupoh cu ti an hal dah thok lo.
36 A inain nangmi cu ma hmu rom hratin nan zum tal lo ka tan ti hngai.
37 Ka Pa ih ma piakmi cang ni kamah ama pha hngai thok, culeh ama pha tupoh ka Žhawlla hngai dah thok lo;
38 icatile kamah dawtzawng vua dingah i loin ama thlahtu ih dawtzawng vua dingah vancung in ka zong Žum.
39 Culeh ama thlahtu ih dawtzawng cu: ama piakmi zate ah ituhman hmatsak lote in, ni netatleng ni ah thawhsak khi a ii.
40 Ka Pa ih dawtzawng cu hihi a ii. Mi Tiapa hmu tu hmawh ni amah an zumih kumkhua nunnak an ngeih ding; cun ni netatleng ni ah ka thawhsak hngai thok hi a ii,” tiah a ti hngai.
41 Cutikah Judahpawl cu, “Kei hi vancung in a zong Žum mi sang cu ka ii,” a ti ruangah phunru hram an thawh.
42 “Ahicu Josef ih tiapa Jesuh, a nu le pa khaw kan tiahmi an i lo hmen maw? Khawti in, ‘Kei cu vancung in ka zongŽum’ a ti thiam?” tiah an ti.
43 Jesuh ni, “Nanmah lakah phunru rilrial hlah uh.
44 Ama thlah tu ka Pa ni ka hem laah a hui lo ahcun ahuhman ni ama pha hngai thiam lo; a pha tu cu ni netatleng ni ah ka thawhsak hngai thok.
45 Profet laibu sungah, ‘Anmimi hmawhhmawh cu Pathian ih zirh an i thok’ tiin ngaan a ii. Pa hemin a za ih a zirtu ahupoh ni kamah hem an pha.
46 Ahu pakhat tal ni Pa a hmu rom tinak cu a i lo, Pa hemin a i mi simlo ni cu an hmu lo; ani ni cu Pa a hmu rom.
47 Thungaite in ka tan sim hngai, a zum tupoh cu kumkhua nunnak a ngei.
48 Kei hi nunnak sang cu ka ii.
49 Nan pipule cu hramlak ah Manna an aw ih an thi siksik.
50 Hihi cu vancung in a zong phami sang a ik ruangah, a awtu cu an thih lonak a ii.
51 Kei hi vancung in a zong phami sang nung ka ii. Hi sang a aw tupoh an nung kumkhua thok; culeh vuleimi nunnak ca-ih ka piak thok mi sang cu ka tiksa a ii,” tiah a ti.
52 Judahpawl cu anmah leh anmah, “Khawti in hmen hi pa ni a tiksa cu awk dingah a man piak thiam?” tiah tiin an al tia.
53 Curuangah Jesuh ni, “Thungaite in ka tan sim hngai, Mi Tiapa ih sa nan awk lo leh a thi nan din lo ahcun nan sungah nunnak nan ngei lo.
54 Ka sa aw ih ka thi a ding tupawl cu kumkhua nunnak an ngei, culeh ni netatleng ni ah ka thawh sak hngai thok;
55 icatile ka tiksa cu caw ngaingai a ii, ka thi khaw din ding ngaingai a ii.
56 Ka sa aw tupawl leh ka thi ding tupawl cu ka sungah an hmunih kei khaw an sungah ka hmun.
57 Anungmi Pa ni ama thlah ih, Pa ruangih ka nun mangin, ama aw tupoh cu kamah ruangah an nung thok.
58 Ahihi vancung in a zong phami sang a ii, nan pipule ni an aw nain an thih mang khi a i lo. Hi sang a aw tu cu kumkhua an nung thok,” tiah a ti hngai.
59 Hipawl hi Jesuh ni Kapernaum khua ah sinakok sungih thu a zirh lio ah a sim.
60 A kaizul tlungpi ni ahihi an zak tikah, “Ahi thuzirhmi cu a har kovawh; ahu ni pon zo na?” tiah an ti.
61 Ihmansela Jesuh ni, acui thu ah a kaizulle an phunru a tiahthiam ih, “Ahihi ni nan thin an tan tok-aw maw?
62 Mi Tiapa hi ahlan ih a omtak nak ah a kai hmu uh la ii lo tur cu?
63 Nunnak piatu cu thlarau a ii; tiksa cu san a tlai lo. nan hemih ka aanmi aankapawl hi Thlarau leh nunnak an ii.
64 A inain nanmah lakah mi hrekkhat cu a zum lo nan om,” tiah a ti hngai. Icatile Jesuh ni ahu an ii a zum ta lo tupawl ti leh amah a leirawi thok tu ahu a ii ti cu a pek in a tiah rom.
65 Culeh, “Ahi thu ruangah kovawh, Pa ih thupiak loin cu ahuhman ka hem a pha kho lo ka tan ti tak hngai cu,” tiah a ti.
66 Ahi ruangah a dungzul tlungpi cu an kir ih amah rum an vak khat ti lo.
67 Curuangah Jesuh ni hleihnihle cu, “Nangmi teh tah mianmi daw cu im?” tiah a dil hngai.
68 Simon Piter ni, “Bawipa, ahu hemah kan tat mianmi cuang thok hmen? Nang cu kumkhua nunnak ankapawl na ngei hngai.
69 Nang cu Pathian ih Mi Thiang na ik tan zumin kan tan tiahngah rom,” tiah a ti.
70 Jesuh ni, “Mi hleihnih ka tan ril ta hngai lo maw? A inain pakhat cu khawsia a ik hi,” tiah a ti.
71 Simon Iskariot ih tiapa Judah a tisan, icatile ani cu hleihnihle lakih pakhat a inain amah leirawi leh thok tu a ii.