4
Farisi-le ni, “Jesuh cu Johan vanin kaizul tlungsawn ngah hngai in ti ah a hnim hngai rero,” tiah thu an za timi Jesuh ni a tiah tikah– timihnim tu cu Jesuh amah rori i loin a kaizulle a inain – Judea matain Galilee laah a thawhtia Žhan. Samaria ram a tanpah a Žul. Curuangah Jakob ni a tiapa Josef a piaktakmi lo pakhat hrialih Sikhar timi Samaria khua pakhat ah a pha. Jakob ih tikhur acunang ahcun a om, culeh Jesuh cu a khualtlonnak ah a baangih tikhur hramah a to. Acucu sun hrawng a ii. Samaria nu tii khai thokin a pha ih, Jesuh ni, “Tidin awk ma pia hnik,” tiah a ti. (\v 8 A kaizulle cu khua sung ah caw lei dingin an tat). Samaria nu ni, “Khawti in a ik nang Judahmi ni kei Samaria-mi cu ti din awk a ma dil?” tiah a ti (Judahpawl ni cu Samaria-mipawl rum itu thil hman an hmang khat lo). 10 Jesuh ni, “Pathian laksawng leh, ‘Ti din awk ma pia hnik’ a tan ti tu hi ahu a ik tiah ci la cu, amah dil tur ci khawh ani ni nunnak tii tan pia hngen tur ee,” tiah a sawn. 11 Minu ni, “Sayapa, ti khainak pung le ngei hlah ci, tikhur ni le thuk sei. Acui nunnak tii cu khawnang in hilei na ngah? 12 Kan pu Jakob van na pipa sawn hmen maw? Amah ni hi tikhur a man pia, a tiapapawl leh a sumhnam run ni khaw hi tikhur ih tii cu an ding hekhawh,” tiah a ti. 13 Jesuh ni, “Hi tii a ding tupoh tii hal Žhan leh lei uh, 14 a inain ka piak hngai thok mi tii a ding tupoh cu tii an hal ti thok lo. Ka piak thok mi tii cu an sungah kumkhua nunnak tiang ah a putsuakmi cirhti ah a cang thok,” tiah a ti. 15 Minu ni, “Sayapa, tii ka hal ti lonak ding, iklole hinangah ti khai dingih ka phat ŽiuŽeu lonak dingah acui tii cu ma pia tu hmen,” tiah a ti. 16 Jesuh ni, “Tatin na pumah ko la hinangah kir sei,” tiah a ti. 17 Minu ni, “Pumah ka ngei tal lo,” tiah a sawn. Jesuh ni, “‘Pumah ka ngei tal lo’ na ti cu na hmaan kau; 18 icatile pumah panga na ngeita rom, cun atu ih na ngeihmi khaw na pumah a i lo pan. Na sim mi cu a hmaan kau!” tiah a ti. 19 Minu ni, “Sayapa, Nang hi profet pakhat na ii ti ka tiah. 20 Kan pipule ni hi tlang parah Pathian an bia, nangmi ni zong cu mi ih Pathian an biak thok nak hmun cu Jerusalem ah a ii nan ti,” tiah a ti. 21 Jesuh ni, “Minu, ma zum kau, Pa hi ahi tlang parah iseh, Jerusalem ah iseh i loin Pathian nan biak ding caan pha leh lei. 22 Nangmi ni cu nan tiah lo mi nan bia; keimi sawh cu kan tiahmi kan bia, icatile runnak cu Judahpawl hemin a pha. 23 A inain, a biatule taktak ni Pa cu thlarau leh thungai in an biak caan pha leh lei, atu hinangah a pha rom, icatile Pa ni acumang mipawl cu amah bia dingah a hrawl hngai. 24 Pathian cu Thlarau a ii, amah a bia tu ni thlarau leh thutak in an bia thok,” tiah a ti. 25 Minu ni, “Messiah cu a pha thok ti ka tiah (Khrih tiin khaw kawh mi). Amah a phat tikah thil hmawhhmawh kan hemah a simthan thok,” tiah a ti. 26 Jesuh ni, “Namah a tan bia rero tu kei hi amah cu ka ii,” tiah a ti. 27 Acu fang ah a kaizulle cu an pha. Numi pakhat rum an biaktiak rero cu an don a har, ihmansela ahuhman ni, “Itu na daw?” tiin iseh, “Icaah amah nu rum nan biatia rero?” tiin iseh, an ti lo. 28 Cutikah minu cu a ti uum matain khua ah a tlung Žhan. 29 Mipawl cu, “Thil ka ti taak mi izongza a ma sim tu pakhat pa hi pha in zoh hnik uh! Amah cu Messiah i kho nala im?” tiah a ti hngai. 30 Khua in Jesuh hemah an tat. 31 A cu lio ah a kaizulle ni, “Rabbi, pakhat khat aw tu hmen,” tiah an hnek. 32 Ihmansela, “Kei cu nan tiah lomi caw awk ding ka ngei hena,” tiah a ti hngai. 33 Curuangah kaizulle cu pakhat leh pakhat, “Pakhatkhat ni awkŽha itumaw an putta i tur im?” tiah an ti tia. 34 Jesuh ni, “Kei ih caw cu a ma thlahtu ih dawtzawng vuak leh a rianŽuan uh khi a ii. 35 ‘Hihnuk thla li ah thlaikhawm caan pha leh lei’ nan ti a i lo maw? A inain ka tan sim hngai, nan velkim hi Žhate in zoh hnik uh la, lopawl cu thlaikhawm zain an hmin vel hi, tiah a ti. 36 Thlaikhawmtu ni cu a Žuanman co rero in, kumkhua nunnak caah thlai a khawm rero, a cucu thlai a vorhtu leh a khawmtu an lungawi khat nak dingah a ii. 37 Icatile a hinangah hin a ii, ‘Pakhat ni a tuh ih a pace ni a rip’ timi thuŽhim cu a hmaan. 38 Nan Žuan lonak ah thlai khawm dingin ka tan thlah hngai. Mipacele ni an Žuan ta, nangmi cu an Žuanmi sung ah nan lut,” tiah a ti hngai. 39 Minu ni, “Thil ka ti tak mi i zongza amah ni ama sim,” tiih a simmi ruangah a cui khua sung in Samaria-mi tlungpi ni amah cu an zum. 40 Curuangah Samaria-mipawl amah hem an phat tikah an hemih caam an torh; culeh acunang ahcun ni hnih a caam. 41 Culeh amah rori ih thusim ruangah mi tlungsin ni an zum. 42 Minu cu, “Kan zum hi nang ni a man sim ruangah a i ti lo, icatile kanmah rori ni kan za rom, cun hihi vuleipi Rungtu ngaingai a ik kan tiah,” tiah an ti.
43 Ni hnih a kim hnukah acui hmun cun Galilee ah a tat, (\v 44 icatile Jesuh amah rori ni profet pakhat cu amah ih khuaram ah cun upat a tuak lo tiah a simphuang ta rom). 45 Galilee a phat tikah tat vein, Jesuh ni puai lio ih thil a vuakmi zate an hmuh tak rom ruangah, mipawl ni amah cu an dolawm.
46 Cuhnukah, ti sabit ih a cansaktak nak Galilee ih Kana khua ah a pha Žhan. Kapernaum ah bawi pakhat ih tiapa tiakin a lummi a om. 47 A tiapa cu thi samte a ik ruangah, Jesuh cu Judea in Galilee laah a hang ti a zak tikah tatin a tiapa damsak dingah a ngeen ciamco. 48 Cutikah Jesuh ni, “Minhlinnakpawl leh donharŽhapawl nan hmuh lo ahcun nan zum thok lo,” tiah a sawn. 49 Bawipa cu ni, “Sayapa, ka tiapa a thih hlanah ma zong pha hram,” tiah a ti. 50 Jesuh ni, “Tat la, na tiapa cu a nung kau thok,” tiah a ti. Jesuh ni a hemih a simmi anka cu a cupa ni a zum ih a pok. 51 A zong tlun lio ah a sal pakhat ni tuaklain a tiapa a nung ti a sim. 52 Curuangah dam Žhan a thawh caan a dil hngai ih, “Rangan sunhnuk nazi pakhat ah a tiksa sa ni a thlah,” tiah an ti. 53 A pa ni acui caan cu Jesuh ni a hemih, “Na tiapa a nung thok,” a ti lio caan a ik khi a tiah Žhan. Curuangah amah rori leh an innsang in an zum. 54 Ahihi Jesuh ni Judea in Galilee ah a phat hnukih a vuakmi minhlinnak a pahnihnak a ii.