1 Judahpawl ih hruaitu pakhat Nikodimas a min a i mi Farisi pa pakhat a om. 2 Zaan ah Jesuh pha in, “Rabbi, nang hi Pathian hemin a phami zirhtu na ii ti kan tiah; icatile Pathian ih ompinak loin cu hi hmuhsaknakpawl na vuakmi hi ahu pakhat hman ni an vua zo lo,” tiah a ti. 3 Jesuh ni, “Thungaite in ka tan sim, cungla ih hrinnak loin cu ahuhman ni Pathian uknak an hmu zo lo,” tiah a sawn. 4 Nikodimas ni, “Khawti in hilei mi pakhat cu a upat hnukih a suah Žhan khawh? A nu pun sung ah a voihnihnak lutŽhanin maw a hrin lei?” tiah a ti. 5 Jesuh ni, “Thungaite in ka tan sim, tii leh Thlarau ih hrinnak loin cu ahuhman Pathian uknak sung ah an lut zo lo. 6 Tiksa ih hrin cu tiksa a ii, cun Thlarau ih hrin cu thlarau a ii. 7 ‘Nan hring thar thok,’ ka tan ti tikah na donhar hlah la. 8 Huih cu a dawtnak ah a tlo, a aw cu na za kau nain khawnang in a phat leh khawnang in a hi na tiah lo. Thlarau ih hrinmi poh khaw a cumang cu an ii,” tiah a sawn. 9 Nikodimas ni, “Khawti in hilei acucu a can thiam?” tiah a ti. 10 Jesuh ni, “Nang Israel mi lakih zirhtu i hratin hi thil hi na tiahthiam lo hmen maw? 11 Thungaite in ka tan sim, keimi cu kan tiahmi thu kan ang ih kan hmuhmi thu kan simthan, a inain kan tan simthanmi cu nan cosan duh lo. 12 Vulei thil thuhla ka tan sim hngaimi nan zum lo ahcun vancungla thil thuhla tan sim hngai ningla khawti in hilei nan zum thiam? 13 Vancung in a zongŽum tu pa, Mi Tiapa simlo cu ahuhman vancung an kai rih lo. 14 Culeh Moses ni ramŽhing ah dar rul a thlai mangin Mi Tiapa khaw thlai a i thok, 15 cucu a zum tupoh ni kumkhua nun an ngeih nak dingah a ii. 16 “Cuticun Pathian ni vuleipi a dawt tuk ruangah a Tiapa ngeihsun a pia, cucu amah a zumtu cang rawkral loin kumkhua nun an ngeih nak dingah a ii. 17 “Angaingai ahcun, Pathian ni vulei mi sualthuŽhen dingah a Tiapa cu vulei ah a thlah lo, vulei mi cu amah thawngin run an iknak ding tu ah a ii. 18 Amah a zumla tupawl cu sualthuŽhen an i lo; a inain amah a zumla lo tupawl cu, Pathian Tiapa ngeihsun an zum lo ruangah sualthuŽhen cia an ii. 19 ThuŽhennak cu hihi a ii: vulei ah ceunak a pha, culeh mi ni an thilti Žhalo ruangah ceunak van khuamaw tu sawn an daw. 20 Icatile thilŽhalo a titu hmawh ni cu ceunak an hua ih an thiltipawl phozaar i lo dingah ceunak an pan lo. 21 A inain a hmaanmi a vuatu ni cu, an thiltipawl Pathian dawtzawng an ii ti fiangte in lansak dingah ceunak an pan,” tiah a sawn.

22 Ahi hnukah Jesuh leh a kaizulle cu Judea ram ah an tatih an hemah caan tuakcaang hmangin mipawl tii ah a hnim hngai. 23 Johan khaw Salim hrialih Aenon timi hmun ah mipawl tii ah a hnim hngai ve, icatile acunangah tii tampi a om; mi ni an pha berbo ih tii ah a hnim hngai. 24 Johan cu thawng ah thlak a i rih lo. 25 Johan ih kaizulpawl leh Judahmi pakhat thianfaitiaknak thu rum pehtlaiin thu-altiaknak a suak. 26 Johan cu a kaizulle ni pha in, “Rabbi, Jordan khatla ral ih namah rum a omta tu mi pakhat, a thu na simmi khi hinangah hin tii ah mi a hnim rero, culeh mi tlungpi a hemah an tat hena,” tiah an ti. 27 Johan ni, “Ahu pakhat hman ni vancung in piakmi simlo ituhman a co zo lo, 28 Nanmah hrimhrim hi, ‘Kei cu Messiah ka i lo, a hmala ih thlah li mi cu ka ii’ ka ti khi ama tiahpitu nan ii kovawh. 29 Mo a ngeitu cu nupitupa a ii. Nupitupa ih dua a hrial ah diingin a aw a ngai tu cu nupitupa ih aw a zak tikah a lung a awi ngaite. Hi thu ruangah ka lungawinak a kimngah rom. 30 Ani cu Žhangso hoi lei khawh kei tu cu ka Žumzor hoi thok,” tiah a ti.

31 Cungla in a pha tu cu mi hmawhhmawh cung ah a om; vulei in a i mi cu vulei ih ta a ii ih vulei thil thuhla a ang. Vancung in a pha tu cu mi hmawhhmawh cung ah a om. 32 A hmuhmi leh a zakmi thu a dinpi nain ahu pakhat hman ni a thu dinpimi cu an cosang lo. 33 A simmi a cosang tu ni cu Pathian a hmaan ti a fiangŽhosak. 34 Pathian ih thlahmi ni cu Pathian ih aankapawl a ang hngai, icatile Pathian ni Thlarau cu tahteuto loin a pia. 35 Pa ni Tiapa cu a daw ih thil zate a kut sungah a sia. 36 Tiapa a zum tupoh cu kumkhua nun a ngei; Tiapa thu ngailo tupoh cu nunnak an hmu thok lo, Pathian thinsiatnak tu an tuar thok.