2
1 A ni thumnak ah Galilee peng sungih Kana khua ah tuartiak puai a om, culeh Jesuh ih nu cu acunangah a om.
2 Jesuh leh a kaizulle khaw tuartiak puai ahcun sawm an i ve.
3 Sabit ti ni a deng tak hngai tikah Jesuh cu a nu ni, “Sabit ti an ngei ti lo,” tiah a sim.
4 Culeh Jesuh ni, “Minu, acucu nang le kei ih siaherh ding itu a om hmen? Ka tikcu a pha rih tal lo,” tiah a ti.
5 A nu ni tungsaule cu, “A tan sim hngaimi poh Žuan lei cu,” tiah a ti hngai.
6 Acunangah Judah thianfaitiaknak daan caah lung tireng pa 6 an om. Pakhat ni Galon 20 in 30 tiang an tlum kho.
7 Jesuh ni tungsaule cu, “Tireng cu ti akhatin thun uh,” tiah a ti hngai. Culeh a khat vek in an thun.
8 Jesuh ni, “Tireng sungih ti cu suak lei cu khawh puai hotupa hemah pia uh,” tiah a ti hngai. Curuangah a ti mang cun acu pa cu an pia.
9 Puai hotupa ni sabit ah a cangmi tii cu a tepla, culeh khawnang in a pha ti a tiah lo ih (tii a thun tu tungsaule ni cu an tiah kau) nupitu pa cu koin,
10 “Micang ni cu sabit ti a tuimi peitlengah mi an tul, culeh khualpapawl khimte in an din hnukah a siadeuh mi an tul. A inain nang cu atu tiang sabit ti tui na siahtia rih hi maw,” tiah a ti.
11 Jesuh ni hi a hmuhsaknak peitatleng hi Galilee peng Kana khua ah vuain a sunlawinak a phuanglang; culeh a kaizulle ni amah cu an zum.
12 Acu hnukah Kapernaum khua laah a nu, a naule, cun a kaizulle rum an zong tat; culeh acunangah ni tlawmte an omta.
(Mat 21:12-17; Mar 11:15-19; Luk 19:45-48)
13 Judahpawl ih Lontak Puai a nai vel ih Jesuh cu Jerusalem laah a so.
14 Biakinn sungah cawpe, tuu, laileeng zuartule, cun tangka thlengtule an cabuai ah toin a hmu hngai.
15 Mithawinak hri hrual hratin, tuupawl leh cawpepawl an zate biakinn in a Žhawl hngai. Tangka thlengtule khaw an tangkanawipawl vorh piak hngai in an cabuaipawl a kuplet hngai.
16 Thunu zuartule cu, “Hi thunupawl hi hinang in suah uh! Ka Pa ih inn cu dawr vuaknak ih hman awl vel uh,” tiah a ti hngai.
17 A kaizulle ni cu, “Na inn ka tlaihsannak ni mei kan in ama kaangciam thok,” tiih nganmi an vonmang.
18 Cutikah Judahpawl ni, “Hi thil na vuak khawh minhlinnak itu i lei maw a man hmuh?” tiah an ti.
19 Jesuh ni, “Hi biakinn hi Žhet uh la ni thum sungah ka sa thok,” tiah a sawn hngai.
20 Judahpawl ni, “Hi biakinn hi kum sawmli leh kum ruk sung sak reromi i na, nang ni ni thum sungah maw sak Žhan na khaih?” tiah an ti.
21 Ihmansela Jesuh ni biakinn a timi cu a ruangpun a ii.
22 Mithi lakin thawhsak leh a ik hnukah a kaizulle ni acu a sim cu an vonmang; culeh Lai Thianghlim leh Jesuh ih simmi anka cu an zum.
23 Lontak Puai sung, Jerusalem ih a om lio ah, a vuakmi hmuhsaknakpawl an hmu ih mi tlungpi ni amah cu an zum.
24 Ihmansela Jesuh ni cu mi hmawhhmawh itu mang an ik Žhate in a tiah hngai ruangah an hemah a piaktiak duh lo.
25 Mi pakhatkhat ih thu ahuhman ni a hemih sim a Žul lo, icatile amah rori ni mikip sungih ommi a tiah.