19
Cutikah Pilat ni Jesuh cu hruaitain a vel sak hngai. Culeh ralkaple ni hlingko lukhum ah phiarin Jesuh ih lu parah an khumsak, cun puan sandup an sin sak. A hemah pha viangvoin, “Na nunkhua sau hram seh! Judah Siangpahrang!” an tiih a hmai an beeng. Pilat cu a vasuak Žhanih, “Hi pa hi amah sualpuh Žha ka hmu lo ti tan tiahsak hngai dingah amah hi nan hemah ka hruai thok,” tiah a ti hngai. Curuangah Jesuh cu hling lukhum khumtia leh puan sandup sintia in a va suak. Pilat ni, “Mipa hi zoh hngeen uh!” tiah a ti hngai. Tlangbawi upapawl leh biakinn kiltu palikle ni Jesuh an hmuh tikah, “Thinglamtah ah khengtar! Thinglamtah ah khengtar!” tiah an au. Pilat ni, “Nanmah te hruai uh la thinglamtah ah khengtar tuhmen uh; kei cu amah sualpuh Žha ka hmu lo,” tiah a ti hngai. Judahpawl ni, “Daan kan ngei ih acui daan mang a ik ahcun, amah ni Pathian Tiapa e a ti tiak ruangah thi mawi a ii,” tiah an sawn. Pilat ni acucu a zak tikah ahlan vanin a hrul hlehhlo. A zung ah a luhpi Žhan. 10 Curuangah Pilat ni, “Ama sawn thok lo tilaw? Tan thlah ding leh tan khengtar dingah thu ka ngei ti na tiah lo maw?” tiah a ti. 11 Jesuh ni, “Cunglain piak i hlah ci la ka parah thu na ngei zo thok lo; curuangah na kutah ama aptu hi a nasadeuhmi sualnak in a sualmawh,” tiah a ti. 12 Acu hnuk cun Pilat ni thlah dingin a zuam. Ihmansela Judahpawl ni, “Hi pa thlah taw ci ah khumpibawi ih rual na i lo. Mah le mah siangpahrang e a ti tia tupoh cu khumpibawi ralsantu an ii,” tiah an au. 13 Pilat ni hih aanpawl a zak tikah, Jesuh cu hei suahpi Žhanin, lungtleep thahmi tual ih thuŽhennak ToŽhiang parah a to. Acucu Hebru aan in Gabbatha ti a ii. 14 Lontak Puai ca-ih Tuahtimtiak nii a ii; sun hrawng a ii. Judahpawl hemah cun, “Nan Siangpahrang hi zoh hnik uh law,” tiah a ti hngai. 15 Anmimi ni, “That kau! That kau! Thinglamtah ah khengtar!” tiah an au. Pilat ni, “Nan Siangpahrang maw ka khentar lei?” tiah a dil hngai. Tlangbawi upale ni, “Khumpi simlo Siangpahrang kan ngei lo pi,” tiah an sawn. 16 Cutikah Pilat ni Jesuh cu khentar dingah anmah a ap hngai.
(Mat 27:32-56; Mar 15:21-41; Luk 23:26-49)
Curuangah Jesuh cu an tahpi; 17 culeh Hebru i Aram tinak. aan in Golgotha tiih kawhmi Luruh Hmun timi laah amah ih thinglamtah puttia in a tat. 18 acunang ahcun thinglamtah parah, mipace pahnih rum, a vorh leh keh ah pakhat ve ve, Jesuh cu an la lak ah, an khengtar. 19 Pilat ni laitar pakhat a nganih, thinglamtah parah an tar. Acucu, “Nazareth khuami Jesuh, Judah Siangpahrang,” ti a ii. 20 Jesuh khentar a iknak hmun cu khualipi hrial a ii ih, laitar cu Hebrunote 19:20 Aram tican, 19:17 zo. Latin leh Grik aan in ngan a ik ruangah Judahmi tlungpi ni an rel. 21 Cutikah Judah tlangbawi upale ni Pilat cu, “‘Judah Siangpahrang’ tiin cu ngan hlah, ‘Hi pa ni Judah Siangpahrang ka ii a ti’ tiin ngan,” tiah an ti. 22 Pilat ni, “Ka ngan rommi cu ka ngan rom,” tiah a ti hngai. 23 Ralkaple ni Jesuh an khentar ngah tikah a partlaipawl an phoih ih ralkap pali caah Žhen khat vek tling dingin Žhen li ah an Žhen. A lu in a ke tiang Žhitpeh omloih tah-mi a angkitual khaw an la. 24 Curuangah pakhat leh pakhat, “Hi cu thlek hlah le hu, ahu ni tling lei maw ti tiah dingah tlinhngal tu dawk le hu,” tiah an ti tia. Ahihi Lai Thianghlim ni,
“Ka partlaipawl an zemtia,
cun ka angkitual cu
tlinhngal an dawk,”Ref 19:24 Saam 22:18
a timi kimsak dingah a ii.
25 Acucu ralkap le ih thiltimi cu a ii. Acu lio ah thinglamtah hrial ih a diing tu cu Jesuh ih nu, Jesuh ih nungak, j nu ih unu, naunu. Kleopas ih nupi Mari leh Mari Magdalene an ii. 26 Jesuh ni a nu leh, a nu hrialah a dawtmi kaizul, an din a hmuh hngai tikah a nu cu, “Minu, na tiapa hi!” tiah a ti. 27 Cuhnukah kaizul cu, “Na nu hi!” tiah a ti. Acui caan in thawh in kaizul ni amah ih inn ah Jesuh ih nu cu a tlunpi. 28 Acu hnukah Jesuh ni a zate a uuktia ti a tiah tikah, (Lai Thianghlim kimsak dingah,) “Ka ti a hal,” tiah a ti. 29 Acunangah ahaangmi sabit ti in a khat mi thawl pakhat a om. Curuangah puanleng nem acu sung ah hnimin hissopnote 19:29 Thingkung tinte, a kung a nem, kuul in a kualtia kho. timi thingkung ih vuakmi tungkeu zim ah an Žawn hnukin a kaa ah an han nel. 30 Jesuh ni sabit cu a tawp ih, “Ka uk rom,” tiah a ti. Cu hnukah a lu a kumih a thaw a deng dah.
31 Tuahsittiak nii a ik ruangah Judah thungeitule ni sabbath lio ah thinglamtah parih ruak mattak cu an daw lo. Cui sabbath cu sabbath pipa hleice a ii. Curuangah khentar mipawl cu an ke ekin an ruak thawn dingah Pilat an dil. 32 Cuhnukah ralkaple an pha ih Jesuh rum khentar mi pahnih cu an ke an ek. 33 Ihmansela Jesuh hem an phat tikah a thi rom ti an hmu ih, a ke an ek lo. 34 Ralkap lakih pakhat zong ni a naak tei in a dot, culeh avoikhatah thi leh tii an va suak. 35 (Nan zum ve nak dingah ahihi a hmu tu ni a thutiahmi a sim. A thusim cu a hmaan, cun thutak a sim ti a tiah) 36 Hi thilpawl hi, “A ruh pakhat hman eh a i thok lo,” timi Lai Thianghlim kimsak dingah a cangmi an ii. 37 Culeh Lai Thianghlim hmun ce ni, “An sun taak mi pa an zoh leh thok,” tiah a sim sei.
(Mat 27:57; Mar 15:42-47; Luk 23:50-56)
38 Cu hnukah, Judah thungeitule a Žih hngai ruangih thup kaizul pakhat a ita mi, Arimathea khuami Josef ni Pilat hemah Jesuh ruak lat sen dingin a dil. Pilat ni sennak thu a pia; curuangah a pha ih Jesuh ruak cu a la. 39 Apeitala, Jesuh hemih zan ah a phata tu Nikodimas khaw, pawng za khat tluk a tlaimi - myrrhnote 19:39 Mat 2:11 ah zoh.timi rimhmui leh thingthling cawhmi rimhmui kengin a pha ve. 40 Jesuh ih ruak cu an la ih, Judah Daan mangin, rimhmui leh sianglaraangnote 19:40 Mat 27:59 ah a sullam zoh. puan in an zawl. 41 Jesuh an khentarnak hmun ah duum pakhat a om, culeh duum sungah cun ahuhman vui thah rih lonak thlaan thar pakhat a om. 42 Culeh, Judahmi Tuahsittiak ni le a ii ih, thlaan le a nai kau ruangah, Jesuh cu acunangah an vui ta.