1 Jesuh ni hi thupawl a sim uh hnukah van laah a cau ih, “Pa aw, a caan a pha vel; Tiapa ni a tan sunparsak nak dingah na tiapa hi sunparsak hram. 2 Amah na piakmi an zate kumkhua nunnak pia hngai dingin mi hmawhhmawh parih thungeihnak cu amah na pia rom. 3 Culeh kumkhua nunnak timi cu nang Pathian ngaingai omsun leh na thlahmi Jesuh Khrih tiah hi a ii. 4 Žuan awk ama piakmi ka Žuan uh nak thawngin vulei parah ka tan sunparsak rom. 5 Curuangah, Pa aw, vuleipi om hlanah na hmaika ih ka ngeih taak mi sunparnak khi rum atu hi na hmaiah ma sunparsak. 6 Nang ni vulei mi lak in kamah ama piak mipawl hemah na min ka tiah sak hngai rom. Anmimi cu namah ih ta an ii ih, nang ni kamah ama piakmi an ii, culeh na thu an zul. 7 Atu cu ama piak rommi izongza hi na hem in a ii ti an tiah; 8 icatile anmah sim dingah kamah ama simmi thu cu anmah ka sim hngai rom, culeh an cosang. Na hem in ka pha ti hi thungai in an tiah; cun nang ni ama thlah ti hi an zum ngah. 9 Vulei mipawl ai-awh in i loin kamah ama piak mipawl ai-awh in ka dil, icatile anmimi cu namah ih ta an ii. 10 Ka ta hmawhhmawh na ta an ii, cun na ta hmawhhmawh ka ta an ii; culeh anmah sungin sunparsak ka i rom. 11 Culeh atuhi vuleipi ah ka om ti thok lo, ka tan pha thok, a inain anmimi cu vuleipi ah an om. Athiangmi Pa aw, keimi pakhat kan ik mangin anmimi pakhat i dingah ama piakmi na min in hupsong hngai. 12 Anmah hemih ka ik lio ah cun ama piakmi na min in ka hupsong ta hngai. Lai Thianghlim kim nak ding ih, hmalak dingin lairelciami pa simlo ahuhman an hmalak lo, ka kilveng hngai. 13 Atuhi na hem ka tat vel thokih, ka lungawinak anmah sungah kimhlangin an ngeih nak dingah hi thilpawl hi vuleipi ah ka ang. 14 Anmah sim dingah kamah ama simmi thu cu anmah ka sim hngai rom ih, kei hi vuleipi ih ta ka ik lo mangin anmimi khaw vuleipi ih ta an ik lo ruangah vuleipi ni a hua hngai. 15 Anmah hi vulei hin thiarta hngai dingah ka tan dil lo, miŽhalopa hemin hupsong hngai dingah zong ka tan dil. 16 Kei hi vuleipi ih ta ka ik lo mangin anmimi khaw vuleipi ih ta an i lo. 17 Thutak sungah thiansak hngai; na thu cu thutak a ii. 18 Nang ni vuleipi ah ama thlah rom mangin vuleipi ah ka thlah hngai rom. 19 Culeh anmimi khaw thutak sungah thiansak i dingah kamah leh kamah an caah ka thian tia. 20 “Ahile ai-awh ceu in ka dil lo, an thusim thawngin ama zum tu thok le ai-awh in khaw ka dil. 21 Pakhat an iknak dingah ka dil. Pa aw, nang kamah sungah na om leh kei namah sungih ka om mangin, anmimi khaw kamah sungah om ve uh seh, cuticun nang ni a ma thlah ti hi vuleipi ni a zum taw. 22 Keimi pakhat kan ik mangin anmimi pakhat i dingah sunparnak ama piakmi cu anmah ka pia hngai rom. 23 Anmimi punkhat kimhlang an iknak dingah kei an sungah ka omih nang ka sungah na om, acuti cun nang ni ama thlahih, kamah ama dawt mangin na daw hngai ti hi vuleipi ni a tiah taw. 24 Pa aw, ama piakmi le hi ka omnak ah kei rum omin, hi vuleipi hrambin hlanih ama dawt ruangah ama piakmi ka sunparnak an hmuh ding ka daw. 25 “Adingfelmi Pa aw, vuleipi ni cun a tan tiah lo, a inain kei ni cu ka tan tiah; cun hile ni khaw nang ni ama thlah ti an tiah. 26 Ama dawtnak an sungah a omih, kei an sungih ka om nak dingah, na min hi ka tiah sak hngai romih, ka tiah sak hngai rih thok,” tiah a ti.