13
Lontak Puai hlanah Jesuh ni hi vuleipi matain Pa hemih tat dingah a caan a pha rom ti a tiah. Hi vulei ih ommi a mipawl a dawt hngai ringring rom mangin a net tiang a daw hngai. Simon Iskariot ih tiapa Judas ih thinlung sungah Jesuh leirawi ding ruahnak a san cia rom. Culeh zanriah an awk lio ah, Jesuh ni a kut sungah izongza Pa ih piak rom leh, Pathian hemin a pha ih Pathian hemih a tah vel thok a tiahtiak ruangah, Cabuai in a tho ih a angki pawnthuah tual phoihtia in a tai ah puanleng a ngerhtia. Cuhnukah hmaihuumg kuak hnempi. pakhat sung ah tii buur in a kaizulle ih kepawl a Žawl hngai ih, a tai ih a ngerhmi puanleng in a hnawt hngai. Simon Piter hem a phat tikah Piter ni, “Bawipa, nang ni maw ka ke a ma Žawl thok?” tiah a ti. Jesuh ni, “Itu ka ti rero tihi atu cu na tiah rih lo, a inain hnukah tiahthiam leh lei ci,” tiah a ti. Piter ni, “Nang ni ka ke cu ma Žawl pang hlah law,” tiah ti. Jesuh ni, “Tan Žawl hlah taw ing ah kei rum Žomtiak awk na ngei lo,” tiah a sawn. Simon Piter ni, “Bawipa, ka ke ceu i loin ka kut leh ka lu khaw ma Žawl lawlaw tu!” tiah a ti. 10 Jesuh ni, “A kholtia rommi cu a ke simlo Žawl a Žul lo, a mipun in a thiang. Culeh nangmi cu nan thiang kau, nan zate ngai cu nan thiang lo nain,” tiah a ti. 11 Icatile ahu ni amah a leirawi thok ti a tiah; curuangah, “Nan zate ngai cu nan thiang lo,” a tinak a ii. 12 An ke a Žawl hngai hnukah, a angkitual a khop Žhan, cun cabuai ah a kirŽhanih, “Nan parih ka vuakmi tiah cu im? 13 Nangmi ni Zirhtu leh Bawipa tiah a ma ko hngai – nan hmaan kau, icatile a cucu ka ii. 14 Curuangah kei, nan Bawipa leh Zirhtu ni nan ke ka tan Žawl hngai ahcun, nangmi ni khaw pakhat leh pakhat ih ke nan Žawl piak tiak awk a ii. 15 Icatile nan hemih ka vuak mangin nan vuak ve awkah zohŽhimawk ka tan pia hngai rom. 16 Thungaite in ka tan sim hngai, salle cu an bawi van in an hnemsawn lo; tirhthlahle khaw a thlah hngai tu van an hnemsawn lo. 17 Hi thilpawl hi nan tiah ih, nan nunpi ahcun mi thluasuak nan ii. 18 Nan zate ih thu ka ang lo; ahule ka ril hngai ti cu ka tiah kau. Ihmansela, “Ka caw a aw tu cu ama raltu a cang,” timi Lai Thianghlim kim nak ding a ii. 19 Thil a can ngaingai tikah Kei cu Kei ka ik nan zum nak dingah, a can hlan in ahihi atu ka tan sim hngai. 20 Thungaite in ka tan sim hngai, ka thlahmi a cosang tupoh ni ama cosang; cun ama cosang tupoh ni ama thlah tu a cosang,” tiah a ti hngai.
(Mat 26:21-25; Mar 14:18-19; Luk 22:21-23)
21 Ahihi a sim hnukah Jesuh cu a sivangngai in, “Thungaite in ka tan sim hngai, nan lakih pakhat ni ama leirawi thok,” tiah a than. 22 Kaizulle cu ahu tisan nala tiin pakhat leh pakhat an zoh tia. 23 A kaizulle lakih pakhat – Jesuh ih dawtmi pa – cu Jesuh sontu ah a to. 24 Jesuh ni ahu a tisan ti dil dingah Simon Piter ni acu pa cu a tehthawi in a sim. 25 Curuangah Jesuh hnaih ah kiangdeuh in, “Bawipa, ahu a ii?” tiah a dil. 26 Jesuh ni, “Hi sang seu hi kuak sung ah ka hnimngah hnukih ka piakmi pa a ii,” tiah a sawn. Curuangah sang seu cu a hnimngah tikah Simon Iskariot ih tiapa Judas a pia. 27 Sang seu a co hnukah Satan a sung ah a lut. Jesuh ni, “Na ti thok mi cu ti vakvak tuhmen,” tiah a ti. 28 Cabuai ih caw uum tu pakhat ni khaw Judas hemah icaah ahitiin a sim ti an tiah lo. 29 Judas cu tlaang tangkadip kiltu a ik ruangah Jesuh ni, “Puai ca-ih kan Žulmi lei hngai,” a tinak a i thok; iklole mifarah itu maw Žhen hngai a torh rua tiin mi hrekkhat ni cu an ruat. 30 Curuangah sang seu a co hnukah Judas cu pawnla ah a suak vohvi. Acucu zan a ii.
31 Judas a suah ngah in Jesuh ni, “Atu cu Mi Tiapa hi sunparsak a i romih, Pathian cu amah sungah sunparsak a ii. 32 Pathian cu amah sungah sunparsak a ik ahcun Pathian ni amah sung hrimhrim ah Mi Tiapa a sunparsak ve thokih a sunparsak cop thok. 33 Tiale hngai, nanmah rum caangkhat ceu ka om duau rih thok. Nangmi ni ama hrawl hngai thok; culeh Judah thungeitule, ‘Ka tah nak thok ah nan pha kho lo’ tiah ka ti tak hngai mangin atu hi ka tan ti hngai. 34 Pakhat leh pakhat daw tia dingah thupiak thar ka tan pia hngai. Ka tan dawt hngai mangin, nangmi khaw pakhat leh pakhat daw tia mawi nan ii. 35 Pakhat leh pakhat nan dawt tiak ahcun ahi thawngin micang ni ka kaizul nan ik an tan tiah thok,” tiah a ti.
36 Simon Piter ni, “Bawipa, khawnang ah na tat thok?” tiah a ti. Jesuh ni, “Ka tah nak thok ah atu nang ni ama zul zo lo, a inain hi hnukah na zul leh kau thok,” tiah a sawn. 37 Piter ni, “Bawipa icaah hmen atu ka tan zulh khawh lo? Na caah ka nunnak ka liam thok he naah,” tiah a ti. 38 Jesuh ni, “Ka caah na nunnak maw na liam lei? Thungaite in ka tan sim, ar khuan hlanah voi thum ama pheh rom thok,” tiah a sawn.