11
1 Mari leh a unu Martha ih omnak khua Bethani ih Lazaras timi pa cu a tiak.
2 Mari cu Bawipa rimhmui a toih ih a sam in a ke a hnawt tu khi a ii; a Žapa Lazaras cu a tiak.
3 Curuangah unaule ni Jesuh cu, “Bawipa, na dawtmi na rualpa cu a tiak,” tiin thawng an than.
4 Ihmansela Jesuh ni acucu a zak tikah, “Hi tiahnak ni thihnak mi thlak a i lo; Pathian sunparnak caah i sawn lei khawh, Pathian Tiapa cu a cu thawngin sunparsak a co nak ding a i thok,” tiah a ti.
5 Jesuh ni Martha leh a nau Mari leh an Žapa Lazaras cu a daw hngai kau nain,
6 Lazaras a tiak ti a zak hnukah, amah omnak ah ni hnih a caam beeng rih.
7 Acu hnukah a kaizulle cu, “Judea peng ah tat Žhan tu ung,” tiah a ti hngai.
8 Kaizulle ni, “Rabbi, atu naite ah Judahpawl ni lung in tan phon an khai ta rom hin, acunang ah maw na tah sei lei?” tiah an ti.
9 Jesuh ni, “Sun khuavang cu nazi hleihnih a om a i lo hmen maw? Sun khuavang ih a vak tu cu tua a si lo, icatile hi vulei ih khuatle a hmu.
10 A inain zan ih a vak tupawl cu tua an si, icatile an sungah khuatle a om lo,” tiah a let hngai.
11 Ahihi a can hnukah, “Kan rual Lazaras cu a me rom, a inain amah Žhang dingah acunang ah ka tat thok,” tiah a sim hngai.
12 Kaizulle ni, “Bawipa, a met rom ahcun a dam kau thok a ii,” tiah an ti.
13 Jesuh ni tu cu a thih thu a ang, a inain anmimi ni cu met menmen a sawh rua tiah an ruat.
14 Cutikah Jesuh ni fiangte in, “Lazaras cu a thi.
15 Acunangih ka om taak lo cu nan caah ka lung a awi, nan zum nak dingah a ii. Amah hemah tat le hu,” tiah a ti hngai.
16 Miphiirnote 11:16 Grik in Didymus. tiih kawhmi Thomas ni a kaizulh pile cu, “Amah rum thi khat dingah tat ve tu ung,” tiah a ti hngai.
17 Jesuh cu a phat tikah Lazaras cu thlaan sungah ni li om romin a hmu.
18 Bethani cu Jerusalem in peng hnih a hla ih,
19 Judah mi tlungpi cu Martha leh a naunu Mari hemah, an Žapa thih thu ah hneem dingin an pha.
20 Martha ni Jesuh a pha ti a zak tikah tatin a tuak. Mari cu inn ah a om.
21 Martha ni Jesuh cu, “Bawipa, hinangah na om ta la cu ka Žapa thi hlah hngen tur.
22 A inain atu hman ah Pathian ni a hemih na dilmi poh a tan pia kau thok ti cu ka tiah,” tiah a ti.
23 Jesuh ni, “Na Žapa cu a tho Žhan thok hekhawh,” tiah a ti.
24 Martha ni, “Ni netatleng ih thawhŽhannak ah cu a tho Žhan kau thok ti ka tiah,” tiah a ti.
25 Jesuh ni, “Kei hi thawhŽhannak leh nunnak ka ii. Kamah a ma zum tupawl cu, an thih hman ah an nung thok,
26 cun nung ih a ma zum tupoh cu an thi dah thok lo. Ahi hi zum cim?” tiah a ti.
27 Martha ni, “A ii, Bawipa, nang hi vuleipi ah a phathok mi Pathian Tiapa Messiah na ii ti ka zum,” tiah a ti.
28 Martha cu acu a aan hnukah kirŽhanin a naunu Mari a ko, cun abulin, “Sayapa hinang ah a pha ih a tan lam,” tiah a sim.
29 Mari ni acucu a zak tikah tho lohliin Jesuh hem ah a tat.
30 Jesuh cu khuasung pha rih loin Martha ih a tuah tak nak hmun ah a om rih.
31 An inn ah amah hneemin inn sungah a topi tu Judahpawl ni Mari cu tho lohliin a suah an hmu. Thlaan ah tatin acunangah a Žap thok hi leiin tiah an ruah ruangah amah cu an zul.
32 Mari cu Jesuh omnak a pha ih amah a hmuh tikah a ke hramah bokin, “Bawipa hinangah omta la cu ka Žapa thi hlah hngen tur,” tiah a ti.
33 Jesuh ni Mari leh amah rum a pha mi Judah pawl cu Žapin a hmuh hngai tikah, a thinlung a sun ih a lung a zuur.
34 “Khawnang ah nan vui?” tiah a ti. Anmimi ni, “Pha in zoh hnik,” tiah an ti.
35 Jesuh cu a Žap.
36 Curuangah Judahpawl ni, “Itluk in a daw ti hi zoh hnik hman uh!” tiah an ti.
37 Ihmansela mi hrekkhat ni, “Mitcaw mit vaansak tu ni Lazaras thi loin a vua zo lo hmen maw?” tiah an ti.
38 Cutikah Jesuh cu a lung sun ngai Žhanin thlaan ah a tat. Thlaan cu lungkuak a ii ih lungtlep in khar a ii.
39 Jesuh ni, “Thlaankhar hi la tia uh,” tiah a ti hngai. Mithi pa ih tarnu Martha ni, “Bawipa, a thihnak ni li a ik rom ruangah a thu thok,” a ti.
40 Jesuh ni, “Na zum ahcun Pathian sunlawinak na hmu thok tiah ka tan sim ta lo hmen maw?” tiah a ti.
41 Curuangah thlaankhar cu an thawn. Culeh Jesuh cu vancau in, “Pa aw, ka thlacam a ma ngaih ruangah na parah ka lung a awi.
42 Ka thlacam a ma ngai ringring ti ka tiah, a inain ahihi hinangih a diing tu mibuur caah ka sim, cuticun nang ni ama thlah ti a zum taw uh,” tiah a ti.
43 Ahiti a ti hnukah aw ngekpi in, “Lazaras, va suak!” tiah a au.
44 Mithi pa cu a kut leh ke ruakzawlnak puan ih Žeem leh a hmai puanleng ih zawlmi pi rum a vasuak. Jesuh ni, “Phoih uh, cun vak seh,” tiah a ti hngai.
(Mat 26:1-5; Mar 14:1-2; Luk 22:1-2)
45 Curuangah, Mari rum a pha khat ih Jesuh ih vuakmi a hmutu Judahmi tlungpi ni amah cu an zum.
46 Ihmansela anmah lakih mi hrekkhat Farisi-le hemah tatin Jesuh ih thil timi cu an sim.
47 Curuangah tlangbawi upapawl leh Farisipawl ni Sanhedrin thurelnak ah koin, “Itu ti le hu maw? Hi pa hi, hmuhsaknak tlungpi a vua hngai.
48 Ahitiin kan thlah men berbo ahcun micang ni amah zum lei uh khawh, Rom thungeitule pha in kan Biakinn leh kan miphun an siatsuah thok,” tiah an ti.
49 Ihmansela anmah lakih pakhat acui kum ih Tlangbawi Saang Žuantu Kaiafas ni,
50 “Ituhman nan tiah rau lo! Miphun pi siatsuah ik van cu mipi ca-ih mi pakhat thih hi nan caah a Žhasawn ti khaw nan tiah lo,” tiah a ti hngai.
51 Ahihi amahte ni a sim a i lo, acui kum ah Tlangbawi Saang a iknak in, Jesuh cu miphun pi caah,
52 culeh an miphun caah ceu i loin, Pathian tianau a vaicamipawl hmunkhatih kom hngai dingah a thi thok ti a simcia.
53 Curuangah acui ni in thawh in Jesuh thah nak ding khua an khang.
54 Curuangah Jesuh cu Judahpawl hmuhhngan ah langhnganin a vak ti lo, ramcar hrialkam ih ommi Efraim khua ah a tat, culeh a kaizulle rum acunangah an taangta.
55 Judahpawl ih Lontak Puai cu a nai vel; culeh mitlungpi cu puai hlanih thianfaitia dingah khuate la in Jerusalem ah an kai.
56 Jesuh an hrawl rero ih biakinn sungah diingthah in pakhat leh pakhat, “Khawti in ruat ci? Puai ah suak teuti thok na la im?” tiah an dil tia.
57 Tlangbawi upapawl leh Farisipawl ni Jesuh an pon khawhnak dingah a omnak a tiah tupoh ni anmah hemah sim dingin thu an pia.