JOHAN
Nganmi ThuthangŽha
A Ngantu, Ngan Kum leh Ngannak Hmun. Johan ThuthangŽha ni a ngantu ni ahu a ik fiangte in leh langhnganin a sim lo nain a veel ih a simmi leh a thutiahmi pace ni Jesuh rum an hnaihtiak ngai zia leh telrelkhat a ik a lansak. Curuangah Jesuh ih Kaizul Johan ik zum a ii. A ngan kum khaw a sung thupawl zoh ah AD 100 hrawng, cun a ngannak hmun khaw Efesa ik zum hi a dik tleng.
A Ngansaktu Thuhla, Tumtahmi: (1) Timihnimtu Johan kaizul leh Žantule ni an sayapa cu Jesuh van thupi sawn in an ruat. (2) Zirhtusualle ni (a) Thlarau a ii ih a thiangmi Pathian ni thamkhawhmi thilri a imi vuleipi leh a sungih thilpawl a vua hngai thok lo; (b) minung tiksa hi thil a ii ih a thiang lo, (c) curuangah Jesuh cu Pathian minung cangmi a i thiam thok lo, “minung mang a ti” a i fang thok; ban, tihal leh ŽaŽhit a ngei thok lo, an ti. (3) Jesuh a phatŽhan rang lonak cu a kaizul Johan a nun ruangah timi dokthu a om. Curuangah Jesuh cu Johan van a pipa sawn; minung taktak a ii, a iknak tiah in zum cu nun ngeihcih a ii; Jesuh phatŽhan leh a kaizul Johan thih an pehtlaitia lo, tipawl simfiang hngai a tumtah tleng.
A Thupithlurpawl: (1) Jesuh a ruangpun ih phatŽhan vanin Khunsatu Thlarau ih mi ompi hi nangam sawn ding; (2) Zumtupawl cu vulei ah om nain vulei ih ta ilo, vuleipi hi tlaihsan thok lo; (3) Khristianpawl cu Judahpawl ih huat leh hrem tuar thok; (4) Kumkhua nunnak, Pathian uknak leh sualthu-Žhennak tipawl atu nun lio ah Jesuh zum leh zum lo parin punpakih teh cia thok.
A Hleicetnak: (1) Jesuh cu Pathian ni Minung ah cangin a phuanlantiaknak, Pa rum pakhat, Pa hmuh leh amah hmuh sakhat, curuangah Pathian zumin Jesuh zumcih thok, Jesuh tiahthiamih zum cu nun ngeihcih leh Pathian ih tiale cannak; (2) a donharŽha vuakmi cu amah zum nak ding ca-ih hmuhsaknak; (3) a thuzirh daan khaw thuzirh sau; (4) a rianŽuan kum zet a hlat khaw lang deuh; (5) Timihnimtu Johan rum rianŽuan khat; (6) biakinn khaw a rianŽuan thawhpek ah thianfai; (7) Judea peng sung leh Jerusalem ah Žuan tamdeuh; (8) a thih ni khaw Lontak puai tusuan talh ni; (9) hmuhsaknak pasarih a vua; (10) a iknak pasarih a sim a ti. Curuangah “Thlaraula ThuthangŽha” tiah khaw an ko. ThuthangŽha Pali min vawhtu ni Johan hi “Thlokhing” tiah an ko. Jesuh amah hrimhrim ni khaw ahu a ik fiangdeuh in a simtia ce.
1
(Gen 1:1-182:4a)
Ahramthawh ah Thu a om, Thu cu Pathian rum a om, cun Thu cu Pathian a ii. Amah cu a hramthawh in Pathian rum a om. Thil hmawhhmawh hi amah thawngin an cang ih, amah loin thil pakhat hman a cangmi a om lo. Thu cu amah thawngin acangmi hmawhhmawh ih nunhram a ii, cui nunhram cu mi zate caah ceunak a ii. Tleunak cu khuamaw lakah a vaangih, khuamaw ni a di zo lo. A min ah Johan a i mi, Pathian ih thlahmi pa a omta. Mi zate ni amah thawngin an zum nak dingah ani cu ceunak thu simih dinpitu in a pha. Amah ngai hi cu ceunak a i lo, ceunak thu sim dingah a pha. Micang a ceusak hngai tu ceunak ngaingai cu vuleipi ahcun a pha kau. 10 Amah cu vuleipi ah a om kau, culeh vuleipi hi amah thawngin a cang; ihmansela vuleipi ni amah cu a tiah lo. 11 Amah ih ram ah a pha ih, amah ih mipawl ni an cosang la lo. 12 Ihmansela amah a cola tu, a min a zum tu, an zate Pathian tiale cannak huham a pia hngai, 13 acucu minung thi leh sa dawtzawng, iklole minung dawtzawng in i loin Pathian ih dawtzawng in hrinmi an ii. 14 Culeh Thu cu tiksa ah a cangih kan lakah khua a sa, cun velngeihnak leh thuhmaan in akhatmi, Pa ih Tiapa ngeihsun ni a ngeihmi sunparnak phun a i mi a sunparnak cu kan hmu. 15 Johan ni amah thu a simih, “Hi hi, ‘Kamah hnukih a pha tu pa cu kamah van a pipasawn, icatile kamah hlanah a om’ ka timi khi a ii,” tiah a au. 16 Velngeihnak leh thuhmaan in a khatmi a iknak parin keimi ni velngeihnak pakhat hnuk pakhat kan co. 17 Daan cu Moses thawngin a pha; velngeihnak leh thuhmaan tu cu Jesuh Khrih thawngin a pha. 18 Ahuhman ni Pathian an hmu thah lo. Tiapa Ngeihsun a i mi Pathian, Pa Žaang ih ommi ni Amah cu mi ih tiah dingin a phuang.
(Mat 3:1-12; Mar 1:1-8; Luk 3:1-20)
19 Hihi “Ahu na ii?” tiah amah thudil dingah Judahpawl ni Jerusalem in Tlangbawipawl leh Levi-mipawl an thlah Žum ah Johan ni a thutiahpimi a simmi a ii. 20 Ani ni phehlote in, “Kei cu Messiah cu ka i lo,” tiah a phuang. 21 Culeh an mimi ni, “Itu na i Žung hmen? Elijah maw na ik?” tiah an dil. “Ka i lo,” tiah a let hngai. “Profet teh na ii maw?” tiah an dil. Ani ni, “I hlah,” tiah a let hngai. 22 Cutikah anmimi ni, “Ahu na i hmen? Aman thlahtule caah thulehnak kan daw. Namah le namah itu e tia na ti tia?” tiah an ti.
23 Ani ni,
“Kei cu Profet Isaiah ni
a ti mangin,
‘Bawipa ih lam dangin
vua uh’ tiah mi pakhat ni
hramlak ih a honak aw
cu ka ii,”
tiah a ti.
24 Farisi-le ih thlahmipawl ni, amah cu, 25 “Messiah le na ik lo ah, Elijah le na ik lo ah, profet le na ik Žung lo ah, icaah hmen ti ah mi na hnim rero?” tiah an dil. 26 John ni, “Kei ni cu ti in ka tan hnim hngai. Nanmah lakah nan tiah lomi pakhat, 27 ka dung in a pha tu ding pa a om kau, kei cu a kedaap hri phoih ding hman ka tlak lo,” tiah a let hngai. 28 Hihi Johan ni ti ah mi a hnim hngai rero nak Jordan varalla ih Bethani ah a cangmi a ii.
(Mat 3:13-17; Mar 1:9-11; Luk 3:21-22)
29 A zingla ah Johan ni Jesuh cu amah hemla pha in a hmu ih, “Hihi vulei sualnak phur mianmi tu Pathian Tusuan a ii. 30 Amah hi, ‘Kamah hnukih a pha tu pa cu kamah van a pipasawn, icatile kamah hlanah a om’ ka timi khi a ii. 31 Kamah hrimhrim ni amah hi ka tiah ta lo; a inain kei pha in tii in ka tan hnim hngai nak san cu amah hi Israelpawl hemih phuanlan a iknak dingah a ii,” tiah a than. 32 Culeh Johan ni, “Thlarau cu vancung in thunu mangin a zong Žum ka hmu ih Jesuh parah a omcih. 33 Kamah rori ni cu ka tiah ta lo, a inain tii in mi hnim dingah a ma thlahtu ni cu, ‘A parah Thlarau Žumin a omcih na hmuhmi pa cu Thiang Thlarau in mi a hnimtu a ii,’ tiah a ma sim. 34 Culeh kamah rori ni ka hmu ih, ahihi Pathian Tiapa a ii ti thu ka tiahpi,” tiah a sim.
35 A zingla ah Johan cu a kaizulle pahnih rum an diing khat, 36 culeh Jesuh an hrialih a vah a zoh thah ah, “Pathian Tusuan hi zohhman uh!” tiah a ti. 37 A kaizulle pahnih ni acuti a ti cu an za ih Jesuh cu an zul. 38 Jesuh cu a mertia ih acule ni an zulh a hmuh hngai tikah, “Itu a ii nan hrawl?” tiah a ti hngai. Anmimi ni, “Rabbi, khawnang ah na om?” tiah an ti. 39 Ani ni, “Pha uh la zoh hnik tu hmen uh,” tiah a ti hngai. A omnak cu tatin an zoh, culeh acu nii cu a hemah an om tadah. Acucu sunhnuk nazi pali hrawng a ii. 40 Johan ih simmi zain Jesuh a zultu lakih pakhat cu Simon Piter ih naupa Andru a ii. 41 A upa Simon a tuak peitlengih, “Messiah (Thathau hnulhmi tiih leh a ii) kan hmu rom,” tiah a sim. 42 Simon cu Jesuh hemah cun a tahpiih Jesuh ni zoh la in, “Nang hi Johan tiapa Simon na ii. Sifas (Piter tiih leh a ii) tiah kawh na i leh thok,” tiah a ti.
43 A zingla ah Jesuh cu Galilee laah tat dingin a ruatcat. Filip a hmu, “Ma zul tuhmen,” tiah a ti. 44 Filip cu Andru leh Piter le ih khua Bethsaida in a ii. 45 Filip ni Nathaniel a hmu ih, “Nazareth khua in Josef ih tiapa Jesuh, Moses ni Daan sungah leh profetpawl ni khaw a thu an nganmi pa cu kan hmu rom,” tiah a ti. 46 Nathaniel ni, “Nazareth in thilŽha a suak kho hmen maw?” tiah a ti. Filip ni, “Pha la zo,” tiah a ti. 47 Jesuh ni Nathaniel a hem laah pha in a hmuh tikah amah thu ah, “A sungih mideuhnak a omlo mi Israel hmaan pa hi!” tiah a ti. 48 Nathaniel ni, “Khawnang in ama tiah hmen?” tiah a dil. Jesuh ni, “Filip ih a tan kawh hlanah theikung tangah ka tan hmu rom hekhawh,” tiah a ti. 49 Nathaniel ni, “Rabbi, nang hi Pathian Tiapa i ci ee! Israel Siangpahrang i ci ee!” tiah a ti. 50 Jesuh ni, “Theikung tangah ka tan hmu ka tan ti ruangah na zum hmen maw? Ahipawl van nasasawn thilpawl hmu leh lei ci,” tiah a let. 51 Culeh, “Thungai in ka tan sim hngai, vancung hongtia in leh Pathian ih vanmipawl Mi Tiapa parah zongŽum leh hangkaiin hmu leh lei cu,” tiah a ti.