4
1 Nan lakih thawitiakpawl leh bawhtiakpawl hi khawnang in an suak? Nan sungih ral a dotiami, nan hiar lianglomipawl hemin an suak a i lo maw?
2 Thil pakhatkhat nan daw ih nan ngah lo; curuangah lai nan nawng. Culeh thil pakhatkhat mi nan nah ih nan ngah kho lo; curuangah bottia in nan thawitia. Nan ngah lo, icatile nan dil lo.
3 Nan dil ah khaw nan ngah lo, icatile nan ngahmi cu nanmah nomnak ih hman dingah tiin hmaanlopi in nan dil ruangah a ii.
4 Zumtlaklo hngai! Vulei rum rualcom ik cu Pathian rum raltiaknak a ii ti nan tiah lo maw? curuangah vulei ih rualcom ik a daw tupoh Pathian ih ral ah a cang.
5 Iklole, Lai Thianghlim ni, “Pathian ni kan sungah a omsak mi thlarau cu haal rori in a lam,” a ti mi hi hoitlawi ah a ti tiah maw nan ruah?
6 Ihmansela veel tamsin a man pia; curuangah Lai Thianghlim ni,
“Pathian ni mi zumtia cu
a dokalh,
mi tangdor zong cu
veel a ngeih,”Ref 4:6 Aan 3:34
tiah a ti.
7 Curuangah Pathian hemah tangdor uh. Khawsia cu al la uh la nan hemin a zuang thok. Nangmi misualpawl, nan kut taisak uh, cun nan thinlung thiansak uh, nangmi ruahnak-Žeek hngai.
8 Pathian hnaih uh la a tan hnaih hngai thok. Nangmi misualpawl, nan kut taaisak uh, cun nangmi thinlung thuah-ngei le, nan thinlung thiansak uh.
9 Lungzuur leh ngaihsia in Žap uh. Nan nihtiak cu ngaihsiatnak ah leh nan lungawinak cu thinnom lonak ah thlengtia seh.
10 Bawipa hmaiah Žhumniamtia uh; culeh an tan cawisang thok.
11 Ulenau hngai, pakhat leh pakhat ih siatnak ang tia hlah uh. Mi pakhat ih siatnak a ang tu, iklole siat a thlaihtu cu Daan ih siatnak a ang ih, Daan siat a thlaih; ihmansela Daan siat na thlaih ahcun a zultu iloin thuŽhentu na ii.
12 Daanpiatu leh thuŽhentu pakhat a omih amah cu mi rung kho leh mi siatsuah kho tu a ii. Curuangah, na innkiang siat thlaihtu nang cu ahu na i hmen?
13 “Nihinni iklole zingla ah cui khua, khi khua ah tatin kum kan liam thokih, sumletin tangka kan huat thok,” a ti tu nangmipawl, atu suak hngeen uh.
14 Zingla ni itu a suahpi thok ti hman nan tiah le he lo. Nan nunnak cu itu a ii? Nangmi cu cangkhatte a zaamih a pianmi mawkzaam mang nan ii.
15 Acucanah, “Bawipa ni a dawt ahcun nungcangin cucu maw, khikhi maw kan ti thok,” nan ti awk a ii.
16 Atu mang a ik ahcun nan zumtiaknak ah nan porhtia, acumang porhtiaknak cu a Žhalo.
17 Mi pakhat, thil hmaan vuak ding a tiah nain vuak a tlolh tu, cu sualnak a vua.