2
Ka ulenauhngai, nan mithleidan hmawh rum a sunglawimi kan Bawi Jesuh Khrih nan zum taktai hena im? Icatile nan khawmtiaknak ah mi pakhat cu sui zunghruk leh partlai mawi rum lut sela, culeh mi farah pakhat cu partlai kheenpi rum lut ve sela, partlai mawi sinthlaimi cu hmuthiamin, “Naktiah te in hinangah to law,” nan tiih mi farah pa cu, “Hinangah cu diing,” iklole, “Kaa ke hramah to,” tiah nan ti ah cun, nanmah lakah thleidannak nan vua ih ruahnak Žhalo rum thuŽhentu ah nan cang lo hmen maw? Ma ngai hnik uh, ka dawtmi ulenauhngai, Pathian ni amah a daw tupawl hemih a tiammi a uknak ro ah co dingin vulei ih mifarah cu zumnak ah milian i dingin a ril hngai lo hmen maw? Ihmansela nangmi ni mifarah cu mithmai ngeiloin nan vua. Milianpawl an i lo maw an tan namneh tu cu? Anmah an i lo maw tlangtungnak zung ah an tan sualdawkta tu? Anmah an i lo maw a min sunglawi nan kenmi a thangsiat tu cu? Lai Thianghlim ni a ti mangin, “Na innkiang cu namah na dawttiak mangin na daw thok,” timi siangpahrang phung nan kimsak taktak ahcun nan tiŽha ngaite. Ihmansela thleidannak nan lansak ahcun sualnak nan vua ih Daan ni daanbuar tiah misual ah an tan sia. 10 Icatile Daan zate a zul nain pakhat te a tlolh tu cu a zate a buartu a ii. 11 Icatile, “Nuriimpariim sual na vua thok lo,” a ti tu ni, “Lai na nawng thok lo,” tiah khaw a ti. Nuriimpariim sual na vuak lo hmanah lai na nawn ahcun daan buartu na cang. 12 Curuangah luatnak phung ih thuŽhenpiak dingmi mang in awn-ang la thil ti. 13 Icatile thuŽhennak timi cu naktiahnak a lansak lo tu parah naktiahnak omloin a i thok; naktiahnak ni cu thuŽhennak a neh.
14 Ka ulenauhngai, zumnak ngeiin nan sim tia nain Žuannak nan ngeih lo ahcun itu a Žhahnem? Zumnak ni an tan rung kho hmen maw? 15 Na unau maw na tar maw pakhatkhat partlai ngei lo leh nicang awkdin sambau in om sela, 16 nan lakih pakhat khat ni, “Nangamte in tat la, lumte in omin khimte in aw law,” tihratin an punsa Žulnak ihman nan piak Žung lo ahcun acucu itu a Žhahnem? 17 Curuangah Žuannak tel lomi zumnak amah ceu cu a thi. 18 Ihmansela mipakhat ni, “Nang zumnak na ngei ih kei Žuannak ka ngei,” a ti thok. Òuannak tel lomi na zumnak cu ma hmuh hngeen la kei ni ka Žuannak in ka zumnak ka tan hmuh thok. 19 Pathian pakhat a ii ti na zum; na tiŽha kau ee. Khuavangpawl hman ni an zumih hrulin a dok-aw hngai. 20 Òuannak tello zumnak cu a rawcar ti hmuhsak na daw maw, nang ruahnak ngei lo mi? 21 Kan puhram Abraham cu pakawh parih a tiapa Isaak raihriknak ih a piak ahkhin Žuannak thawngin thiamcosak a ita lo hmen maw? 22 Zumnak cu Žuannak rum hmunkhatah an tekcak khat, culeh zumnak cu Žuannak ni a tlamtlin sak ti nan hmu. 23 Cuticun, “Abraham ni Pathian a zumih a cucu dingfelnak ah rel piak a ii,” timi Lai Thianghlim cu a kimngah; culeh amah cu Pathian ih rualcom tiih kawh a ii. 24 Mi pakhat cu zumnak ceu in iloin Žuannak thawngin thiamcosak a ii ti nan hmu. 25 Acumangcun numizuartia Rahab ni thuphurtule cosangla hngai in lam pace in a kirsak hngai tikah khin Žuannak thawngin thiamcosak a ita ve lo maw? 26 Icatile Thlarau omloin ruangpun cu a thih mangin Žuannak telloin cu zumnak khaw a thi ve.