JOHAN
Laikuat Pathumnak
Hihi Zapi Laikuat ih a paruknak a ii. Laikuat pakhatnak leh pahnihnak rum pehtlaihtiaknak an ngeih a fiang ruangah telhcih a ii. Thukam Thar sungih bulpak hem laikuat pahnih te sungah a pahnihnak a ii. Johan laikuat pace rum an pehtlaihtiak ruangah leh Pawlpi hemih nganmi a ik ruangah Zapi Laikuat lakah telh a ii.
A Ngantu, Ngan Kum leh Ngannak Hmun. A ngantu hi laikuat pahnihnak mangin “Upa Johan” iklole Pawlpi Hruaitu a ii ih, dekon timi vanin pastor ik sawn zum a om. Cu a ik ahcun, laikuat pahnihnak rum Žum khat ih ngan van in Žum ce deuh, hnukdeuh ih ngan zum a om deuh. Curuangah AD 110 hlanah cun ik a hoih lo. A teuti ih tiah i hlah hmansela AD 112 hnukih nganmi ik cu zum a i lo. A ngannak hmun khaw amah rum a pehtlaitiami laibu pacele mangin Efesa khua a i tleng kau thok.
A Thupithlurpawl. (1) Bawipa ih thu thangŽha simih a vaktupawl Žhate ih bon leh thapiak thok thupit zia a lansak. Acumang la ih thil ti Žha tiin Gaius a lawm. (2) Pawlpi sungih thungei tleng ik dawt ruangih Upa Johan thu hman a ngailotu Diotrefes timi pakhatpa thu ah ralring dingin a sim hngai ih, amah khaw ralrin a piakcih. (3) Thutak cangngaih a thupitnak leh thilŽha ti Žul zia khaw a lansak
1
1 Pawlpi hruaitu ni thutak sungih ka dawtmi Gaius hemah lai ka tan kuat.
2 Ka dawtmi, na nunkhua cu sultluang lamtluang ih a om mangin, izongza ah na sullam tluangin leh Žhate in na damsam nak ding caah thla ka cam.
3 Rualcom hrekkhat pha in, thutak ah zumtlak na ik zia, ti dawtmi cu, thutak sungah ii tluk na nungcang, ti an simphuan tikah ka lung a awi hleihluan.
4 Ka tianaule, thutak sungah an nungcang ti zak vanhin a nasasawnmi lungawinak ka ngei lo.
5 Ka dawtmi, nan ca-ih khualpa an ik hman ah unaupawl ca-ih na vuakmi poh zumtlakte in na vuak,
6 dawtnak na ngeih thu pawlpi hmaiah an simphuang. Pathian ca-ih a tlakmi an ii tiah na thlah hngai rih hram ahcun a Žhangai thok;
7 icatile Khrih caah tiin an khualtlon cu a hram an thawh ih, zumlotupawl hemin bonnak an cosang lo.
8 Curuangah acumang mipawl cu kan bon awk an ii, acucu thuhmaan rum rian a Žuan khat tu kan iknak dingah a ii.
9 Pawlpi hemah lai ka ngan rom; ihmansela amah leh amah a pakhatnak ih siahtiak a dawtu Diotrefes ni cu ituhman ah a rel lo.
10 Curuangah ka phat ahcun kanmah ralsanin thusual a man puh ih thanzaihnak thil a timi cu mi ih tiah dingin ka lansak thok. A cui sualpuhnak pawl rum lungkim loin, unaupawl tlun-inn a sen hngai lo ih a sen tupawl a dawn hngai, cun pawlpi in a suah hngai.
11 Dawtmi, a Žha lomi cu cawng hlah, a Žhami tu cawng. ThilŽha a vua tupoh Pathian hemin an ii; thilsia a vua tupoh Pathian an hmu lo.
12 Mi cang ni Demetrias thu an sim Žha vek, thutak hrimhrim ni khaw a sim Žha ve. keimi ni khaw kan tiahpi ve ih kan tiahpimi cu a hmaan ti na tiah.
13 Na hemih ngan awk tampi ka ngei, ihmansela laitung leh laiti in cu ngan lo ka ma sawn thok;
14 acucanah ihlet hlanih tan hmuh ding ka ruahsanih hmaihoitia in kan thluktia leh lei.
15 Na hemah daihnak om kau seh. Rualcomle ni an biaksonnakpawl an tan kuat. Acunang ih rualcomle cu pakhat vek an min in sawnbia hngai.